အာရပ်စော်ဘွားများပြည်ထောင်စု (UAE) က အီရန်နိုင်ငံ အမေရိကန်ဒေါ်လာ ၃ ဘီလီယံ အပါအဝင် ရန်ပုံငွေတွေ လွှဲပြောင်းပေးခဲ့တယ်ဆိုတဲ့ မီဒီယာတွေရဲ့ ဖော်ပြချက်ကို လုံးဝမဟုတ်မှန်ကြောင်း UAE နိုင်ငံခြားရေးဝန်ကြီးဌာနက ဇွန် ၁၃ ရက်မှာ ပြတ်ပြတ်သားသား ငြင်းဆိုလိုက်ပါတယ်။  

အဲဒီစွပ်စွဲချက်တွေဟာ "လုံးဝမှားယွင်းပြီး အခြေအမြစ်မရှိဘူး" လို့ ဝန်ကြီးဌာနရဲ့ ထုတ်ပြန်ချက်မှာ ဖော်ပြထားပြီး၊ UAE ဟာ အီရန်ရဲ့ ဘယ်ရန်ပုံငွေကိုမှ ပိတ်ဆို့မှုဖြေလျှော့ပေးတာ၊ လွှဲပြောင်းပေးတာ ဒါမှမဟုတ် လွှဲပြောင်းနိုင်အောင် ကူညီပေးခဲ့တာမျိုး လုံးဝမရှိကြောင်း ထပ်လောင်းအတည်ပြုထားပါတယ်။

ပြီးခဲ့တဲ့ သောကြာနေ့က အမည်မဖော်လိုတဲ့ သတင်းရင်းမြစ်တွေကို ကိုးကားပြီး UAE ဟာ အီရန်အတွက် အနည်းဆုံး အမေရိကန်ဒေါ်လာ ၁၀ ဘီလီယံတန်ဖိုးရှိ ရန်ပုံငွေတွေကို ပိတ်ဆို့မှုဖြေလျှော့ပေးဖို့ သဘောတူခဲ့ပြီး၊ အဲဒီအထဲက ဒေါ်လာ ၃ ဘီလီယံကျော်ကိုတော့ လက်ရှိမှာ လွှဲပြောင်းပေးအပ်ပြီးဖြစ်တယ်လို့ မီဒီယာအချို့က  စွပ်စွဲရေးသားခဲ့ကြတာ ဖြစ်ပါတယ်။ 

Source:Reuters