သရုပ်ဆောင်မေသန်းနုကို ထောင်ဒဏ် ၁ နှစ် အမိန့်ချမှတ်ထားတာနဲ့ပတ်သက်လို့ ဒီကနေ့ မတ်လ ၁၁ ရက်နေ့က အယူခံလျှောက်ထားမှုကို ရန်ကုန်အရှေ့ပိုင်းခရိုင်တရားရုံးမှာ ခရိုင်တရားသူကြီးက ပလပ်လိုက်ပါတယ်။

သရုပ်ဆောင်မေသန်းနု ခေါ် သန်းသန်းဆင့်ကို တရားလိုဒေါ်စန်းစန်းမြင့်က လိမ်လည်မှုနဲ့ တရားစွဲဆိုခဲ့ပြီးနောက် ရန်ကင်းမြို့နယ်တရားရုံးက ဇန်နဝါရီ ၂ရက်က ထောင်ဒဏ် ၁နှစ် အမိန့်ချမှတ်ခဲ့တာပါ။

အဆိုပါထောင်ဒဏ်ကို ပြန်လည်ပြင်ဆင်သုံးသပ်ပေးဖို့ ဒီနေ့ အရှေ့ပိုင်းခရိုင်တရားရုံးမှာ တင်ခဲ့ရာမှာ အရှေ့ပိုင်းခရိုင်တရားရုံးက ပလပ်ခဲ့တာပါတယ်။

ခင်ပွန်းဟောင်း စင်ရော်မောင်မောင်ကတော့ သရုပ်ဆောင်မေသန်းနုအမှု အတွက် ငွေရေးကြေးရေး ညှိနှိုင်းခဲ့ရာမှာ ညှိုနှိုင်းမရတော့တဲ့အတွက် ဥပဒေအရဖြေရှင်းသွားမှာဖြစ်ပြီး အယူခံတင်ရာမှာရှုံးခဲ့တဲ့အတွက် တိုင်းတရားရုံးအထိအယူခံ ဆက်ဝင်သွားမယ်လို့ပြောပါတယ်။