မကွေးတိုင်းဝန်ကြီးချုပ်ကိုယ်တိုင်ဦးဆောင်ပြီး လောင်းကစားဝိုင်းများဖမ်းဆီး
DVB
·
March 10, 2020
မကွေးတိုင်းဒေသကြီးဝန်ကြီးချုပ် ဒေါက်တာအောင်မိုးညိုဟာ မတ်လ ၉ ရက်နေ့က တိုင်းအဆင့်ရဲတပ်ဖွဲ့ဝင်တွေနဲ့အတူ ချောက်မြို့နယ် စလေမြို့ ထောက်ရှာကန်ကျေးရွာ လောင်းကစားဝိုင်းကို ဝင်ဖမ်းဆီးခဲ့ပါတယ်။
မကွေးတိုင်းဒေသကြီး ဝန်ကြီးချုပ် ဒေါက်တာအောင်မိုးညိုက "လယ်ကွင်းထဲက သရက်တောအုပ်အတွင်းမှာလုပ်နေတာ။ တိုင်းအဆင့် ရဲမှူးတယောက်ပါတယ်။ လူတွေတော့မမိဘူး။ ငါတို့လာတာမြင်တော့ပြေးတာထင်တယ်"လို့ ပြောပါတယ်။
လောင်းကစားဝိုင်းတွေနဲ့ ပတ်သက်ပြီး ဖမ်းဆီးအရေးယူပေးဖို့ ပြည်ထဲရေးဝန်ကြီးကို ပြောဆိုတာတွေရှိခဲ့ပေမယ့် နယ်မြေခံရဲတပ်ဖွဲ့တွေ ဖမ်းဆီးတာမရှိလို့ ဝန်ကြီးချုပ်ကသူကိုယ်တိုင် ဝင်ရောက်ဖမ်းဆီးတာ ဖြစ်ပါတယ်။
ဓာတ်ပုံ- မကွေးတိုင်းဝန်ကြီးချုပ်
