ရန်ကုန်မြို့ရဲ့ ဇန်နဝါရီ ၃၀ ရက်နေ့ မနက် ၉ နာရီအချိန် လေထုညစ်ညမ်းမှုဟာ AQI264 ခရမ်းရောင်အဆင့်အထိ မြင့်တက်နေပြီး ကိုယ့်ကိုယ်ကို အထူးဂရုစိုက်ဖို့လိုအပ်နေတယ်လို့ နေ့စဉ်လေထုတိုင်းတာမှုကို ပြုလုပ်နေတဲ့ Air Quality Yangon အဖွဲ့က သတင်းထုတ်ပြန်ပါတယ်။
လေထုညစ်ညမ်းမှုညွှန်းကိန်းတွေအရ AQI 50 အထိကို လေထုညစ်ညမ်းမှု မရှိလို့ သတ်မှတ်ပြီး AQI 100 အထိကို လက်ခံနိုင်စရာ လေထုအရည်အသွေးအဖြစ် သတ်မှတ်ထားပါတယ်။
AQI 101-150 ထိကိုခံနိုင်ရည်နည်းပါးနေသူတွေကို လေထုညစ်ညမ်းမှု ထိခိုက်နိုင်တဲ့ အဆင့်သတ်မှတ်ထားတာပါ။
AQI 151-200 ကြားကို ကျန်းမာရေးကိုထိခိုက်နိုင်တဲ့ အနီရောင့်အဆင့်သတ်မှတ်ထားပြီး ဇန်နဝါရီ ၃ဝ ရက်နေ့ ရန်ကုန်လေထုညစ်ညမ်းမှုဟာ AQI264 ရှိပါတယ်။
ကျန်းမာရေးကိုအလွန်ထိခိုက်စေတဲ့ AQI201-300 ကြားမှာပါဝင်နေတဲ့ပြီး ခရမ်းရောင်အဆင့် အထိ မြင့်တက်နေတဲ့အတွက် အပြင်ထွက်ရင် လေထုညစ်ညမ်းမှုဒဏ်ကို ကာကွယ်ပေးနိုင်တဲ့ Maskတွေ တပ်ဆင်ဖို့လိုနေပါတယ်။
