မွန်ပြည်သစ်ပါတီဒုဥက္ကဋ္ဌ နိုင်ဟံသာနှင့် ဒေသခံမွန်တိုင်းရင်းသားများ တွေ့ဆုံဆွေးနွေး
DVB
·
November 21, 2019
မွန်ပြည်သစ်ပါတီဒုဥက္ကဋ္ဌ နိုင်ဟံသာက ဒေသခံမွန်တိုင်းရင်းသားတွေကို မွန်ပြည်နယ် ရေးမြို့ ကိုရင်လေးကျောင်းတိုက်မှာ နိုဝင်ဘာ ၂၁ရက် မွန်းလွဲပိုင်းက တွေ့ဆုံဆွေးနွေးခဲ့ပါတယ်။
မွန်ပြည်သစ်ပါတီဒု ဥက္ကဋ္ဌနိုင်ဟံသာ က “အရင်က ငြိမ်းချမ်းရေးမရခင်က ဒေသအတွင်း တိုင်းရင်းသားအချင်းချင်းတွေအကြားမှာ ပဋိပက္ခတွေကြောင့် ဖွံ့ဖြိုးမှုတွေ နောက်ကျခဲ့ရပြီး အခု ငြိမ်းချမ်းရေးဖော်ဆောင်နေစဉ် တိုင်းရင်းသားတွေစည်းလုံးညီညွတ်စွာ နေထိုင်သွားကြဖို့၊ အမျိုးသားရေး စာပေယဉ်ကျေးမှု ဒေသအတွင်း လူမှုစီးပွားရေးကဏ္ဍတွေပါ ပိုမိုအားကောင်းလာမယ်” လို့ ပြောပါတယ်။
တွေ့ဆုံပွဲမှာ ဒေသခံမွန်သံဃာတော်တွေ၊ မွန်ပြည်သစ်ပါတီ ဗဟိုကော်မတီဝင်တွေ၊ မွန်တိုင်းရင်းသားတွေ တက်ရောက်ခဲ့ပြီး နိုင်ငံရေး၊ စီးပွားရေး၊ လူမှုရေး၊ ပညာရေးကဏ္ဍတွေကို တာဝန်ရှိသူတွေနဲ့ တက်ရောက်လာသူတွေက အပြန်အလှန် ဆွေးနွေးခဲ့ကြပါတယ်။
သတင်း - နေမျိုးထွဋ်
