မြန်မာနိုင်ငံ ရင်းနှီးမြှုပ်နှံမှုကော်မရှင်ရဲ့ နောက်ဆုံးကျင်းပခဲ့တဲ့ အစည်းအဝေးမှာ နိုင်ငံခြားရင်းနှီးမြှုပ်နှံမှု လုပ်ငန်းပေါင်း ၂၅ ခုကို ခွင့်ပြုပေးခဲ့ပါတယ်။ 

အဲ့ဒီလုပ်ငန်းပေါင်း ၂၅ ခုကနေ အမေရိကန်ဒေါ်လာ ၂၀၇ သန်းကျော် ပြည်တွင်းကို ဝင်ရောက်လာတယ်လို့ မြန်မာနို်ငငံ ရင်းနှီးမြှုပ်နှံမှုကော်မရှင် (အမ်အိုင်စီ) ကသိရပါတယ်။

အလုပ်အကိုင်အခွင့်အလမ်းပေါင်း ၁၁,၀၀၀ နီးပါး ဖန်တီးပေးခဲ့ပြီး ရင်းနှီးမြှုပ်နှံတဲ့ လုပ်ငန်းတွေထဲမှာ စက်မှုကဏ္ဍက လုပ်ငန်း ၂၀ ခု ၊ မွေးမြူရေးနဲ့ ရေလုပ်ငန်းက ၃ ခု ၊ အိမ်ရာ လုပ်ငန်း ၁ ခုနဲ့ အခြားဝန်ဆောင်မှု လုပ်ငန်း ၁ခု ပါဝင်ပါတယ်။ 

၂၀၁၉-၂၀၂၀ ဘဏ္ဍာနှစ် အောက်တိုဘာ ၁ ရက်ကနေ နိုဝင်ဘာ ၁၆ ရက်နေ့အထိ စုစုပေါင်း ရင်းနှီးမြှုပ်နှံမှု ပမာဏ အမေရိကန်ဒေါ်လာ ၅၂၉ သန်း ဝင်ရောက်ခဲ့တယ်လို့  အမ်အိုင်စီက ထုတ်ပြန်ထားပါတယ်။