ဒီနေ့ ကျင်းပတဲ့ ပြည်သူ့လွှတ်တော် အစည်းအဝေးမှာ တောင်သာမြို့နယ် ပြည်သူ့လွှတ်တော်အမတ် ဦးအောင်သောင်းက တိုင်းဒေသကြီးနဲ့ ပြည်နယ်တွေမှာ မိုးခေါင်တဲ့အတွက် မိုးရွာသွန်းမှု နည်းလို့ ရေရှားပါးရပြီး ကျေးလက်နဲ့ ပြည်သူ့တွေရဲ့ စိုက်ပျိုးရေ၊ သောက်သုံးရေ ရှားပါးခက်ခဲနေတဲ့ အခြေအနေကို သိရှိအောင် အထူးအဖွဲ့များ စေလွှတ်စုံစမ်းဖို့ အဆိုကို တင်သွင်းတယ်လို့သိရပါတယ်။

[caption id="attachment_35731" align="alignright" width="150" caption="ဦးအောင်သောင်း(တောင်သာမဲဆန္ဒနယ်) အဆိုတင်သွင်းနေစဉ်"][/caption]

ဦးအောင်သောင်း တင်သွင်းတဲ့အဆိုကို ပြည်ထောင်စုအစိုးရအဖွဲ့က နယ်စပ်ရေးရာ ၀န်ကြီးဌာန၊ စိုက်ပျိုးရေးနဲ့ လယ်ဆည်ဝန်ကြီးဌာနက ဖြေရှင်းတယ်လို့ သီပေါမြို့နယ် ပြည်သူ့လွှတ်တော်အမတ် ဦးရဲထွန်းက ပြောပါတယ်။

“နယ်စပ်ရေးရာဝန်ကြီးဌာနမှာတော့ ရေတွင်းတူးတဲ့စက်နဲ့ အ၀ီစိတွင်းတူးတဲ့စက်ဆို ပေ ၃၀၀ လောက်ပဲတူးနိုင်တယ်တဲ့။ လယ်/ဆည်ဝန်ကြီးဌာနမှာတော့ ပေ ၁၀၀၀ အထိ တူးနိုင်တဲ့ စက်တွေရှိတယ်။ ဒါကြောင့် လယ်/ဆည်ဝန်ကြီးဌာနက နယ်စပ်ရေးရာဝန်ကြီးဌာနရဲ့ ဘတ်ဂျက်နဲ့ အစီအစဉ်နဲ့ စက်တွေငှားပေးမယ်။ ပေါင်းလုပ်ပေးမယ်၊ အခုလည်းလုပ်နေကြပါတယ်ပေါ့။ အဲဒါနဲ့ ဒီအဆိုကို မှတ်တမ်းတင်ခိုင်းလိုက်တယ်။ အစိုးရကလည်း ဆက်လုပ်မယ်တဲ့။”

တောင်သာမြို့နယ် ပြည်သူ့လွှတ်တော်အမတ် ဦးအောင်သောင်းရဲ့ အဆိုကို ပြည်သူ့လွှတ်တော်မှာ မှတ်တမ်းတင်ခွင့်ရရှိပြီး ပြည်ထောင်စုအစိုးရကလည်း ဆက်လက် လုပ်ဆောင်သွားမယ်လို့ ဆိုပါတယ်။