ပရီးမီးယားလိဂ်ရဲ့ ဘဏ္ဍာရေး စည်းမျဉ်းချိုးဖောက်မှု စွပ်စွဲချက်တွေမှာ မန်ချက်စတာစီးတီးအသင်း အပြစ်မရှိကြောင်း သက်သေပြနိုင်မယ်လို့ အသင်းဥက္ကဋ္ဌ ခါဒွန်းအယ်လ်မူဘာရက်က ပြောကြားလိုက်ပါတယ်။
မန်စီးတီးဟာ စည်းမျဉ်းချိုးဖောက်မှု ၁၁၅ ခုအနက် အများစုမှာ အပြစ်ရှိကြောင်း တွေ့ရှိရပြီးနောက် မူဘာရက်က ပရိသတ်တွေထံ စာရေးသားပေးပို့ခဲ့တာပါ။
ဒီကိစ္စကြောင့် မန်စီးတီးဟာ အမှတ်လျှော့ခံရတာ ဒါမှမဟုတ် လိဂ်ကနေ ပြိုင်ပွဲဝင်ခွင့် ပိတ်သိမ်းခံရတာမျိုးအထိ ပြစ်ဒဏ်တွေ ရင်ဆိုင်ရနိုင်ပါတယ်။
အယ်လ်မူဘာရက်က ပရီးမီးယားလိဂ်ရဲ့ စုံစမ်းစစ်ဆေးမှု လုပ်ငန်းစဉ်တွေဟာ သွားရဦးမှာဖြစ်ပြီး အသင်းရဲ့ အပြစ်မရှိကြောင်း သက်သေပြဖို့ အပြည့်အဝ ယုံကြည်ထားကြောင်း ဆိုပါတယ်။
ဒါ့အပြင် အသင်းရဲ့ အရှိန်အဟုန်ကို ဖျက်ဆီးချင်သူတွေ ရှိနေပေမဲ့ အခွင့်အရေးပေးမှာ မဟုတ်ဘူးလို့လည်း ပြောသွားခဲ့တာပါ။
လက်ရှိမှာတော့ မန်စီးတီးက အယူခံဝင်ဖို့ ပြင်ဆင်နေသလို တခြား ပရီးမီးယားလိဂ် အသင်းတွေကလည်း နစ်နာကြေး တောင်းခံဖို့ ဥပဒေကြောင်းအရ တိုင်ပင်နေကြပါတယ်။
မန်ချက်စတာစီးတီးအသင်းဟာ ပရီးမီးယားလိဂ်ရဲ့ စည်းမျဉ်းချိုးဖောက်မှုတွေနဲ့ ပတ်သက်ပြီး အပြင်းထန်ဆုံး ပြစ်ဒဏ်အဖြစ် တန်းဆင်းရနိုင်ပြီး အသင်းရဲ့ ဘဏ္ဍာရေးအကြံပေးဟောင်း ဖြစ်သူ ဘိုးဆန်ကတော့ မန်စီးတီးအနေနဲ့ အယူခံဝင်ရင်လည်း အနိုင်ရဖို့ မလွယ်ကူကြောင်း သတိပေးထားပါတယ်။
၂၀၀၂ ကနေ ၂၀၀၇ အထိ မန်စီးတီးမှာ တာဝန်ထမ်းဆောင်ခဲ့တဲ့ ဘိုးဆန်က ပရီးမီးယားလိဂ်ကနေ တန်းဆင်းစေတာဟာ ဖြစ်နိုင်ဖွယ်ရှိတဲ့ ပြစ်ဒဏ်ထဲမှာ ပါဝင်နေတာပါလို့ ဆိုပါတယ်။ ဒါ့အပြင် အပြစ်ရှိကြောင်း တွေ့ရှိပါက အယူခံအောင်မြင်ဖို့ ခက်ခဲလိမ့်မယ်လို့လည်း သူက ပြောကြားသွားခဲ့ပါတယ်။
မန်ချက်စတာစီးတီးအသင်းရဲ့ စည်းမျဉ်းချိုးဖောက်မှု ၁၁၅ မှုကို အပြစ်ရှိကြောင်း တွေ့ရှိရင် ပေါင်သန်း ၈၀၀ တောင်းဆိုမဲ့ တရားစွဲဆိုမှုတွေ ပြုလုပ်ဖို့ ပရီးမီးယားလိဂ် ကလပ်အသင်းအချို့ ပြင်ဆင်နေပါတယ်။
အာဆင်နယ်၊ တော့တင်ဟမ်၊ လီဗာပူးနဲ့ မန်ချက်စတာယူနိုက်တက်တို့ဟာ မန်စီးတီး အပြစ်ရှိကြောင်း ပေါ်ပေါက်ရင် အရေးယူ ဆောင်ရွက်ခွင့်ကို သီးသန့်ရယူထားကြတာ ဖြစ်ပါတယ်။
ဒီအမှုနဲ့ပတ်သက်ပြီး ရှေ့နေတွေကတော့ အမှုကိစ္စတွေဟာ နောက်ထပ် ၂ နှစ်အထိ ကြာမြင့်နိုင်တယ်လို့ ခန့်မှန်းထားကြပါတယ်။
အင်္ဂလန်ကလပ်အသင်းကြီးတွေဟာ မန်စီးတီးရဲ့ စည်းမျဉ်းချိုးဖောက်မှုတွေကြောင့် ရရှိသင့်တဲ့ အကျိုးအမြတ်နဲ့ အခွင့်အရေးတွေ ဆုံးရှုံးခဲ့ရတယ်လို့ ယူဆနေကြတာ ဖြစ်ပါတယ်။
မန်စီးတီးကတော့ သတင်းတွေ စောစီးစွာ ပေါက်ကြားခဲ့တဲ့အပေါ် မကျေနပ်ကြောင်း ထုတ်ပြန်ခဲ့ပြီး ဘာအမှားမှ မလုပ်ခဲ့ကြောင်း ငြင်းဆိုထားပါတယ်။
အသင်းအနေနဲ့ ထွက်ပေါ်လာမဲ့ ပြစ်ဒဏ်တွေအတွက် တရားဝင် အယူခံဝင်သွားဖို့ ပြင်ဆင်နေပြီး အယူခံမှုကို ထိပ်တန်းရှေ့နေ လော့ဒ်ပန်းနစ်က ဦးဆောင်မှာဖြစ်ပါတယ်။
