Homeမြန်မာသတင်း
မြန်မာနိုင်ငံတွင် ၂၀၁၉ ခုနှစ်အတွင်း ရင်းနှီးမြှုပ်နှံမှုပမာဏ ဒေါ်လာ ၂၈၈ သန်းကျော်ခွင့်ပြု
မြန်မာနိုင်ငံတွင် ၂၀၁၉ ခုနှစ်အတွင်း ရင်းနှီးမြှုပ်နှံမှုပမာဏ ဒေါ်လာ ၂၈၈ သန်းကျော်ခွင့်ပြု
DVB
·
October 24, 2019
မြန်မာနိုင်ငံအနေနဲ့ ၂၀၁၉ နှစ်ကာလအတွင်း ရင်းနှီးမြှုပ်နှံမှုပမာဏ အမေရိကန်ဒေါ်လာ ၂၈၈.၈၂၉ သန်းကို ခွင့်ပြုပေးခဲ့တယ်လို့ အောက်တိုဘာ ၂၃ ရက်က ပြုလုပ်တဲ့ မြန်မာ နိုင်ငံရင်းနှီးမြှုပ်နှံမှုကော်မရှင် သတင်းစာရှင်းလင်းပွဲမှာ ညွှန်ကြားရေးမှူးချုပ် ဦးသန့်စင်လင်းက ပြောပါတယ်။
မြန်မာနိုင်ငံမှာ အဓိကရင်းနှီးမြှုပ်နှံမှုလုပ်ငန်းတွေက စက်မှုကဏ္ဍ၊ လယ်ယာကဏ္ဍ၊ အိမ်ရာ အဆောက်အအုံတည်ဆောက်ရေးကဏ္ဍနဲ့ တခြားကဏ္ဍတွေ ပါဝင်ပါတယ်။ ရင်းနှီးမြှုပ်နှံမှု လုပ်ငန်းတွေအနေနဲ့ ပြည်တွင်းမှာ အလုပ်အကိုင်အခွင့်အလမ်းပေါင်း ၃၅၉၁၂ ဦးကို ဖန်းတီးပေး ခဲ့တယ်လို့ ဆိုပါတယ်။
၂၀၁၉-၂၀၂၀ ဘဏ္ဍာနှစ်အတွက် အောက်တိုဘာ ၁ ရက်မှ ၂၁ ရက်နေ့အထိ နိုင်ငံခြားရင်းနှီးမြှုပ်နှံမှုပမာဏ စုစုပေါင်းမှာ အမေရိကန်ဒေါ်လာ ၃၀၄.၃၄၂ သန်းဖြစ်ပါတယ်။
သတင်း- နေလင်းအောင်
