ရှမ်းပြည်မြောက်ပိုင်း ကျောက်မဲမြို့နယ် မိုင်းငေါ့မြို့နယ်ခွဲမှာ မနေ့က ကျွဲကျောင်းသွားတဲ့ ရွာသားတဦး မိုင်းနင်းမိပြီး ဒဏ်ရာရသွားပါတယ်။
ကျောက်မဲမြောက်ဘက် မိုင် ၃၀ ခန့်အကွာ မိုင်းငေါ့မြို့နယ်ခွဲ တာလုံရပ်နေ ဦးကျော်ခိုင် (အသက် ၄၂ နှစ် ) ဟာ မနေ့ညနေ ၂ နာရီလောက်က ကျွဲကျောင်းသွားစဉ် ဆန်စေ့ရွာနား လမ်းဘေးမှာ လက်လုပ်မိုင်း ထိမိသွားတာလို့ ကျောက်မဲမြို့ ဇီဝိတလူမှုကူညီရေးအသင်း ဥက္ကဋ္ဌ ဦးတင်မောင်သိန်းက ဒီဗွီဘီကို ပြောပါတယ်။
“သူက ခါတိုင်းလိုပဲ ကျွဲမောင်းသွားတာပေါ့။ ဆန်စေ့ရွာထိပ်နားက လူသွားလမ်းအတိုင်းပဲ သွားနေတုန်း လမ်းဘေးက လက်လုပ်မိုင်းကို တိုက်မိတော့ သူ့ညာဘက်ညို့သကျည်းမှာ ၁ ချက်၊ ညာဘက်ခြေသလုံး ဖောက်ထွက်သွားတာက ၁ ချက်၊ နောက် ညာဘက်လက်ညှိုးက လက်သည်းခွံကွာသွားတယ်။ အစက သူ့ကို မိုင်းငေါ့တိုက်နယ်ဆေးရုံ ခေါ်သွားတယ်။ ညနေ ၅ နာရီလောက်ကျတော့ မိုင်းငေါ့ကြက်ခြေနီအသင်းနဲ့ လူမှုကူညီရေးအသင်းက သူ့ကို ကျောက်မဲ ဆေးရုံကို ခေါ်လာပါတယ်ခင်ဗျ။”
ဦးကျော်ခိုင်အား မိုင်းစတွေ ထိသွားတဲ့နေရာဟာ အသက်အန္တရာယ်နဲ့ နီးတဲ့နေရာတွေ မဟုတ်တာကြောင့် စိုးရိမ်စရာတော့ မရှိကြောင်း၊ ဒါပေမယ့် မိုင်းငေါ့ - ကျောက်မဲဘက်မှာ ရွာသားတွေ သွားရင်းလာရင်း မိုင်းထိမိတာတွေ မကြာခဏဖြစ်လေ့ရှိတော့ စိုးရိမ်စွာနဲ့ သတိထားပြီးသွားလာနေရတယ်လို့ ဆိုပါတယ်။
အဲဒီဒေသမှာ လတ်တလောတိုက်ပွဲတွေ မရှိပေမယ့် ပြီးခဲ့တဲ့လ ၁၅ ရက်နေ့က နောင်ချိုဘက်မှာ မြောက်ပိုင်းမဟာမိတ်နဲ့ မြန်မာ့တပ်မတော်တို့ တိုက်ပွဲဖြစ်ပြီးတဲ့နောက် မြောက်ပိုင်းမဟာမိတ်တပ်ဖွဲ့တွေက အဲဒီဘက်လမ်းကြောင်းတွေကိုဖြတ်ကျော်ပြီး ဆုတ်ခွာခဲ့တယ်လို့ ကျောက်မဲဒေသခံ ၁ ဦးက ပြောပါတယ်။
ကျောက်မဲခရိုင်ထဲမှာ ပြီးခဲ့တဲ့လကလည်း ရွာသားတွေ မိုင်းထိခဲ့ကြရာမှာ မိုင်းငေါ့မှာ ၂ ဦး၊ ကော်ပေါင်းရွာမှာ ၂ ဦး၊ မိုင်ပေါဝ်းရွာအနီးမှာ ၃ ဦးရှိပြီး သူတို့ထဲက ကော်ပေါင်းရွာသား ၁ ဦးသေဆုံးခဲ့ကြောင်း၊ ကျန် ၆ ဦးမှာ ဒဏ်ရာတွေရခဲ့ကြတယ်လို့ ဦးတင်မောင်သိန်းက ပြောပါတယ်။
Photo: Tin Maung Thein
ေက်ာက္မဲ၌ ကြၽဲေက်ာင္းသည့္ ႐ြာသားတဦး မိုင္းနင္းမိ
နန္းျမနဒီ
ရွမ္းျပည္ေျမာက္ပိုင္း ေက်ာက္မဲၿမိဳ႕နယ္ မိုင္းေငါ့ၿမိဳ႕နယ္ခြဲမွာ မေန႔က ကြၽဲေက်ာင္းသြားတဲ့ ႐ြာသားတဦး မိုင္းနင္းမိၿပီး ဒဏ္ရာရသြားပါတယ္။
ေက်ာက္မဲေျမာက္ဘက္ မိုင္ ၃၀ ခန႔္အကြာ မိုင္းေငါ့ၿမိဳ႕နယ္ခြဲ တာလုံရပ္ေန ဦးေက်ာ္ခိုင္ (အသက္ ၄၂ ႏွစ္ ) ဟာ မေန႔ညေန ၂ နာရီေလာက္က ကြၽဲေက်ာင္းသြားစဥ္ ဆန္ေစ့႐ြာနား လမ္းေဘးမွာ လက္လုပ္မိုင္း ထိမိသြားတာလို႔ ေက်ာက္မဲၿမိဳ႕ ဇီဝိတလူမႈကူညီေရးအသင္း ဥကၠ႒ ဦးတင္ေမာင္သိန္းက ဒီဗြီဘီကို ေျပာပါတယ္။
“သူက ခါတိုင္းလိုပဲ ကြၽဲေမာင္းသြားတာေပါ့။ ဆန္ေစ့႐ြာထိပ္နားက လူသြားလမ္းအတိုင္းပဲ သြားေနတုန္း လမ္းေဘးက လက္လုပ္မိုင္းကို တိုက္မိေတာ့ သူ႔ညာဘက္ညိဳ႕သက်ည္းမွာ ၁ ခ်က္၊ ညာဘက္ေျခသလုံး ေဖာက္ထြက္သြားတာက ၁ ခ်က္၊ ေနာက္ ညာဘက္လက္ညႇိဳးက လက္သည္းခြံကြာသြားတယ္။ အစက သူ႔ကို မိုင္းေငါ့တိုက္နယ္ေဆး႐ုံ ေခၚသြားတယ္။ ညေန ၅ နာရီေလာက္က်ေတာ့ မိုင္းေငါ့ၾကက္ေျခနီအသင္းနဲ႔ လူမႈကူညီေရးအသင္းက သူ႔ကို ေက်ာက္မဲ ေဆး႐ုံကို ေခၚလာပါတယ္ခင္ဗ်။”
ဦးေက်ာ္ခိုင္အား မိုင္းစေတြ ထိသြားတဲ့ေနရာဟာ အသက္အႏၲရာယ္နဲ႔ နီးတဲ့ေနရာေတြ မဟုတ္တာေၾကာင့္ စိုးရိမ္စရာေတာ့ မရွိေၾကာင္း၊ ဒါေပမယ့္ မိုင္းေငါ့ - ေက်ာက္မဲဘက္မွာ ႐ြာသားေတြ သြားရင္းလာရင္း မိုင္းထိမိတာေတြ မၾကာခဏျဖစ္ေလ့ရွိေတာ့ စိုးရိမ္စြာနဲ႔ သတိထားၿပီးသြားလာေနရတယ္လို႔ ဆိုပါတယ္။
အဲဒီေဒသမွာ လတ္တေလာတိုက္ပြဲေတြ မရွိေပမယ့္ ၿပီးခဲ့တဲ့လ ၁၅ ရက္ေန႔က ေနာင္ခ်ိဳဘက္မွာ ေျမာက္ပိုင္းမဟာမိတ္နဲ႔ ျမန္မာ့တပ္မေတာ္တို႔ တိုက္ပြဲျဖစ္ၿပီးတဲ့ေနာက္ ေျမာက္ပိုင္းမဟာမိတ္တပ္ဖြဲ႕ေတြက အဲဒီဘက္လမ္းေၾကာင္းေတြကိုျဖတ္ေက်ာ္ၿပီး ဆုတ္ခြာခဲ့တယ္လို႔ ေက်ာက္မဲေဒသခံ ၁ ဦးက ေျပာပါတယ္။
ေက်ာက္မဲခ႐ိုင္ထဲမွာ ၿပီးခဲ့တဲ့လကလည္း ႐ြာသားေတြ မိုင္းထိခဲ့ၾကရာမွာ မိုင္းေငါ့မွာ ၂ ဦး၊ ေကာ္ေပါင္း႐ြာမွာ ၂ ဦး၊ မိုင္ေပါဝ္း႐ြာအနီးမွာ ၃ ဦးရွိၿပီး သူတို႔ထဲက ေကာ္ေပါင္း႐ြာသား ၁ ဦးေသဆုံးခဲ့ေၾကာင္း၊ က်န္ ၆ ဦးမွာ ဒဏ္ရာေတြရခဲ့ၾကတယ္လို႔ ဦးတင္ေမာင္သိန္းက ေျပာပါတယ္။
Photo: Tin Maung Thein
