DVB Logo
Home
မြန်မာသတင်း

သိန်း ၆၂၀၀ ကုန်ကျခံဆောက်ထားသည့် မုံရွာတက္ကသိုလ် သုတေသနဆောင်  နံရံအက်ကွဲပျက်စီး 

Aung Ko Latt
·
August 14, 2019
သိန်း ၆၂၀၀ ကုန်ကျခံဆောက်ထားသည့် မုံရွာတက္ကသိုလ် သုတေသနဆောင်  နံရံအက်ကွဲပျက်စီး 
1 / 8
Donate to DVB

စစ်ကိုင်းတိုင်းဒေသကြီး၊ မုံရွာမြို့၊ မုံရွာတက္ကသိုလ်အတွင်းရှိ သိပ္ပံ သုတေသနဆောင်မှာ မြေသားမတည်ငြိမ်လို့ အဆောက်အဦ နိမ့်ကျတာ၊ နံရံတွေအက်ကွဲတာတွေဖြစ်ပေါ်နေလို့ ကျောင်းသားတွေနဲ့ဆရာတွေ စိုးရိမ်နေကြပါတယ်။ 

ဒီအဆောက်အဦကို သမ္မတဟောင်း ဦးသိန်းစိန်လက်ထက်  ၂၀၁၃-၂၀၁၄ ဘဏ္ဍာနှစ်မှာ Capital Development ကုမ္ပဏီက တာဝန်ယူတည်ဆောက်ခဲ့တာဖြစ်ပြီး ကျပ်သိန်းပေါင်း ၆၂၀၀ ကုန်ကျခဲ့တယ်လို့ သိရပါတယ်။

နှစ်မကြာသေးခင် အခုလို အဆောက်အဦပျက်စီးနေတာနဲ့ ပတ်သက်ပြီး လူမှုကွန်ရက်တွေမှာလည်း ဝေဖန်မှုတွေ မြင့်တက်နေပါတယ်။  

လက်ထောက်ကထိက ဦးမင်းမင်းဖြိုးက "ကျပ်သန်းပေါင်းလည်း အများကြီးကုန်ကျတယ်။ ပြည်သူ့ဘဏ္ဍာလည်း အများကြီးကုန်ကျ တယ်။ တကယ်ဆိုလို့ရှိရင် သိန်းပေါင်းများစွာတန်တဲ့ အဆောက်အဦးကြီးဟာ ၁၀ နှစ်တောင် မပြည့်သေးတဲ့ ကာလမှာ ဒီလောက်ကြီးဆိုးဆိုးဝါးဝါးဖြစ်တယ်ဆိုရင် ကျနော်တို့ရဲ့ ပြည်သူ့ဘဏ္ဍာ တွေ အစိုးရကနေ ချပေးလိုက်တဲ့ ဘဏ္ဍာတွေဟာ တကယ်မှန်မှန်ကန်ကန် အသုံးချမယ်ဆိုရင် ဒီအဆောက်အဦးကောင်းကောင်း ရမှာပေါ့။ အဲလိုမဟုတ်ဘဲနဲ့ တာဝန်ခံမှုအပိုင်းမှာလည်း မေးခွန်းမေးစရာတွေ အများကြီးရှိတယ်။ တာဝန်ယူဆောက်သွားတဲ့ ကုမ္ပဏီမှာ တာဝန်ရှိတယ်လို့ ထင်တယ်။ ဒီအဆောက်အဦးကြီးက တခုခုများဖြစ်ခဲ့မယ်ဆိုရင် ကျောင်းသားကျောင်းသူတွေ ပထမဆုံး ထိခိုက်မှာ ဖြစ်ပါတယ်။ ဒါကြောင့် အချိန်မှီပြုပြင်ပေးလို့ရအောင် ဒါမှမဟုတ် အဖြေတခုခု ရဖို့ရည်ရွယ် ပို့စ်တင်ခဲ့တာဖြစ်ပါတယ်။"လို့ ပြောပါတယ်။

အဆောက်အဦကို ၂၀၁၃ ခုနှစ် ဇူလိုင်၁၇ ရက်ကစတင်ကာတည်ဆောက်ခဲ့တာဖြစ်ပြီး ၈ လအကြာ ၂၀၁၄ ခုနှစ် ဖေဖော်ဝါရီလ ၂၈ ရက်နေ့မှာ အပ်နှံခဲ့တာလို့ သိရပါတယ်။ ၂၀၁၉ ခုနှစ် ဖေဖော်ဝါရီလမှာ စာချုပ်သက်တမ်း ၅ နှစ်ပြည့်ခဲ့တယ်လို့ သိရပါတယ်။ 

အခုလိုဖြစ်နေတာက ၂၀၁၆ ခုနှစ်ကတည်းလောက်က စဖြစ်လာတာဖြစ်ပြီး အခုမှ သိသိသာသာ ဆိုးဆိုးဝါးဝါးဖြစ်လာတာလို့ တက္ကသိုလ်ကျောင်းသားတွေက ပြောပါတယ်။ တချို့နေရာတွေမှာ အနည်းဆုံး ၁ လက်မလောက်ကနေ ၁ ပေထောက်ထိ နိမ့်ကျတာတွေလည်း ရှိနေပါတယ်။ လတ်တလောမှာတော့ တက္ကသိုလ်တာဝန်ရှိသူတွေက စစ်ဆေးတာတွေ ပြုလုပ်နေပါတယ်။

မုံရွာတက္ကသိုလ် ဒုတိယပါမောက္ခချုပ် ဒေါက်တာ သက်နိုင်ဦးက "သက်ဆိုင်ရာ ဘာသာရပ်ပါမောက္ခတွေ၊ အင်ဂျင်နီယာဌာနက တာဝန်ရှိသူတွေခေါ်ပြီး စစ်ဆေးသွားမှာပါ။ ၁ ပတ်အချိန်အယူထားပါတယ်။ ရလာတဲ့ ရလဒ်အပေါ်မူတည်ပြီး ပါမောက္ခချုပ်ကတဆင့် သက်ဆိုင်ရာ ဝန်ကြီးဌာနကို ပြင်ထိန်းပြုလုပ်နိုင်ဖို့ တင်ပြသွားမှာပါ" လို့လည်း ပြောပါတယ်။

ဒီသိပ္ပံ သုတေသနအဆောက်အဦကို အခုနှစ် မတ်လ အတွင်းကလည်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လာရောက် ကြည့်ရှုခဲ့ပါတယ်။

လတ်တလောမှာတော့ အန္တရာယ်ရှိအဆောက်အဦလို့ မသတ်မှတ်သေးတာကြောင့် သုတေသနလုပ်ငန်းတွေ၊ စာသင်ကြားရေးတွေကို ပိတ်ပင်ထားတာမရှိဘဲ ဆက်လက်လုပ်ဆောင်ခွင့် ပြုထားပါတယ်။ 

အဆောက်အဦက သံကူကွန်ကရစ် ၂ ထပ်အဆောက်အဦးဖြစ်ကာ လက်ရှိမှာ သိပ္ပံဘာသာရပ် အထောက်အကူပြု ဓာတ်ခွဲခန်းတွေ ပါဝင်ပြီး မဟာသုတေသနတန်းတက်နေတဲ့ ကျောင်းသားကျောင်းသူ ၂၀၀ ဝန်းကျင်အသုံးပြုနေကြပါတယ်။

အထူးသဖြင့် သိပ္ပံဘာသာရပ်တွေဖြစ်တဲ့ ဓာတုဗေဒ၊ ရူပဗေဒ၊ သတ္တဗေဒ၊ ရုက္ခဗေဒ၊ ပထဝီနဲ့ ဘူမိဗေဒ စတဲ့ ဘာသာရပ် ၆ ခုက အသုံးပြုနေတာဖြစ်ပါတယ်။ 




သိန္း ၆၂၀၀ ကုန္က်ခံေဆာက္ထားသည့္ မုံ႐ြာတကၠသိုလ္ သုေတသနေဆာင္ နံရံအက္ကြဲပ်က္စီး
ေအာင္ကိုလတ္

စစ္ကိုင္းတိုင္းေဒသႀကီး၊ မုံ႐ြာၿမိဳ႕၊ မုံ႐ြာတကၠသိုလ္အတြင္းရွိ သိပၸံ သုေတသနေဆာင္မွာ ေျမသားမတည္ၿငိမ္လို႔ အေဆာက္အဦ နိမ့္က်တာ၊ နံရံေတြအက္ကြဲတာေတြျဖစ္ေပၚေနလို႔ ေက်ာင္းသားေတြနဲ႔ဆရာေတြ စိုးရိမ္ေနၾကပါတယ္။

ဒီအေဆာက္အဦကို သမၼတေဟာင္း ဦးသိန္းစိန္လက္ထက္ ၂၀၁၃-၂၀၁၄ ဘ႑ာႏွစ္မွာ Capital Development ကုမၸဏီက တာဝန္ယူတည္ေဆာက္ခဲ့တာျဖစ္ၿပီး က်ပ္သိန္းေပါင္း ၆၂၀၀ ကုန္က်ခဲ့တယ္လို႔ သိရပါတယ္။

ႏွစ္မၾကာေသးခင္ အခုလို အေဆာက္အဦပ်က္စီးေနတာနဲ႔ ပတ္သက္ၿပီး လူမႈကြန္ရက္ေတြမွာလည္း ေဝဖန္မႈေတြ ျမင့္တက္ေနပါတယ္။

လက္ေထာက္ကထိက ဦးမင္းမင္းၿဖိဳးက "က်ပ္သန္းေပါင္းလည္း အမ်ားႀကီးကုန္က်တယ္။ ျပည္သူ႔ဘ႑ာလည္း အမ်ားႀကီးကုန္က် တယ္။ တကယ္ဆိုလို႔ရွိရင္ သိန္းေပါင္းမ်ားစြာတန္တဲ့ အေဆာက္အဦးႀကီးဟာ ၁၀ ႏွစ္ေတာင္ မျပည့္ေသးတဲ့ ကာလမွာ ဒီေလာက္ႀကီးဆိုးဆိုးဝါးဝါးျဖစ္တယ္ဆိုရင္ က်ေနာ္တို႔ရဲ႕ ျပည္သူ႔ဘ႑ာ ေတြ အစိုးရကေန ခ်ေပးလိုက္တဲ့ ဘ႑ာေတြဟာ တကယ္မွန္မွန္ကန္ကန္ အသုံးခ်မယ္ဆိုရင္ ဒီအေဆာက္အဦးေကာင္းေကာင္း ရမွာေပါ့။ အဲလိုမဟုတ္ဘဲနဲ႔ တာဝန္ခံမႈအပိုင္းမွာလည္း ေမးခြန္းေမးစရာေတြ အမ်ားႀကီးရွိတယ္။ တာဝန္ယူေဆာက္သြားတဲ့ ကုမၸဏီမွာ တာဝန္ရွိတယ္လို႔ ထင္တယ္။ ဒီအေဆာက္အဦးႀကီးက တခုခုမ်ားျဖစ္ခဲ့မယ္ဆိုရင္ ေက်ာင္းသားေက်ာင္းသူေတြ ပထမဆုံး ထိခိုက္မွာ ျဖစ္ပါတယ္။ ဒါေၾကာင့္ အခ်ိန္မွီျပဳျပင္ေပးလို႔ရေအာင္ ဒါမွမဟုတ္ အေျဖတခုခု ရဖို႔ရည္႐ြယ္ ပို႔စ္တင္ခဲ့တာျဖစ္ပါတယ္။"လို႔ ေျပာပါတယ္။

အေဆာက္အဦကို ၂၀၁၃ ခုႏွစ္ ဇူလိုင္၁၇ ရက္ကစတင္ကာတည္ေဆာက္ခဲ့တာျဖစ္ၿပီး ၈ လအၾကာ ၂၀၁၄ ခုႏွစ္ ေဖေဖာ္ဝါရီလ ၂၈ ရက္ေန႔မွာ အပ္ႏွံခဲ့တာလို႔ သိရပါတယ္။ ၂၀၁၉ ခုႏွစ္ ေဖေဖာ္ဝါရီလမွာ စာခ်ဳပ္သက္တမ္း ၅ ႏွစ္ျပည့္ခဲ့တယ္လို႔ သိရပါတယ္။

အခုလိုျဖစ္ေနတာက ၂၀၁၆ ခုႏွစ္ကတည္းေလာက္က စျဖစ္လာတာျဖစ္ၿပီး အခုမွ သိသိသာသာ ဆိုးဆိုးဝါးဝါးျဖစ္လာတာလို႔ တကၠသိုလ္ေက်ာင္းသားေတြက ေျပာပါတယ္။ တခ်ိဳ႕ေနရာေတြမွာ အနည္းဆုံး ၁ လက္မေလာက္ကေန ၁ ေပေထာက္ထိ နိမ့္က်တာေတြလည္း ရွိေနပါတယ္။ လတ္တေလာမွာေတာ့ တကၠသိုလ္တာဝန္ရွိသူေတြက စစ္ေဆးတာေတြ ျပဳလုပ္ေနပါတယ္။

မုံ႐ြာတကၠသိုလ္ ဒုတိယပါေမာကၡခ်ဳပ္ ေဒါက္တာ သက္ႏိုင္ဦးက "သက္ဆိုင္ရာ ဘာသာရပ္ပါေမာကၡေတြ၊ အင္ဂ်င္နီယာဌာနက တာဝန္ရွိသူေတြေခၚၿပီး စစ္ေဆးသြားမွာပါ။ ၁ ပတ္အခ်ိန္အယူထားပါတယ္။ ရလာတဲ့ ရလဒ္အေပၚမူတည္ၿပီး ပါေမာကၡခ်ဳပ္ကတဆင့္ သက္ဆိုင္ရာ ဝန္ႀကီးဌာနကို ျပင္ထိန္းျပဳလုပ္ႏိုင္ဖို႔ တင္ျပသြားမွာပါ" လို႔လည္း ေျပာပါတယ္။

ဒီသိပၸံ သုေတသနအေဆာက္အဦကို အခုႏွစ္ မတ္လ အတြင္းကလည္း ႏိုင္ငံေတာ္၏ အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္ လာေရာက္ ၾကည့္ရႈခဲ့ပါတယ္။

လတ္တေလာမွာေတာ့ အႏၲရာယ္ရွိအေဆာက္အဦလို႔ မသတ္မွတ္ေသးတာေၾကာင့္ သုေတသနလုပ္ငန္းေတြ၊ စာသင္ၾကားေရးေတြကို ပိတ္ပင္ထားတာမရွိဘဲ ဆက္လက္လုပ္ေဆာင္ခြင့္ ျပဳထားပါတယ္။

အေဆာက္အဦက သံကူကြန္ကရစ္ ၂ ထပ္အေဆာက္အဦးျဖစ္ကာ လက္ရွိမွာ သိပၸံဘာသာရပ္ အေထာက္အကူျပဳ ဓာတ္ခြဲခန္းေတြ ပါဝင္ၿပီး မဟာသုေတသနတန္းတက္ေနတဲ့ ေက်ာင္းသားေက်ာင္းသူ ၂၀၀ ဝန္းက်င္အသုံးျပဳေနၾကပါတယ္။

အထူးသျဖင့္ သိပၸံဘာသာရပ္ေတြျဖစ္တဲ့ ဓာတုေဗဒ၊ ႐ူပေဗဒ၊ သတၱေဗဒ၊ ႐ုကၡေဗဒ၊ ပထဝီနဲ႔ ဘူမိေဗဒ စတဲ့ ဘာသာရပ္ ၆ ခုက အသုံးျပဳေနတာျဖစ္ပါတယ္။

Support DVB
Live
DVB Donate
မြန်မာနိုင်ငံအပေါ် အရေးယူဒဏ်ခတ်မှုများ
DVB Logo

About Us

For over 30 years, the Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB is registered as a non-profit association in Thailand.

Follow Us

© Democratic Voice of Burma 2013