လက်ပန်းတောင်းတောင် သပိတ်ဖြိုခွင်းတဲ့ကိစ္စ စုံစမ်းစစ်ဆေးတဲ့နေရာမှာ ဓာတုပစ္စည်း သုံး၊ မသုံး ကို ပြင်ပ ပညာရှင်တွေနဲ့ စစ်ဆေးသွားမယ်လို့ ဒေါ်အောင်ဆန်းစုကြည်က ပြောကြားလိုက်ပါတယ်။
ရန်ကုန်မြို့မှာ ဒီနေ့ပြုလုပ်ခဲ့တဲ့ လက်ပန်းတောင်းအရေး စုံစမ်းစစ်ဆေးရေး ကော်မရှင်ရဲ့ ပထမအကြိမ် သတင်းစာရှင်းလင်းပွဲမှာ ကော်မရှင်ဥက္ကဋ္ဌ ဒေါ်အောင်ဆန်းစုကြည်က ထုတ်ဖော် ပြောဆိုလိုက်တာ ဖြစ်ပါတယ်။
“ကျမတို့ ဒီကိစ္စတွေကို ပြင်ပပညာရှင်တွေနဲ့ စုံစမ်းစစ်ဆေးဖို့ စီစဉ်ထားပါတယ်။ အစိုးရဘက်က လုံးဝပါဝင် စိစစ်မှာ မဟုတ်ပါဘူး။ အဲလို စိစစ်ရင်လည်း အမျိုးမျိုး မေးခွန်းထုတ်စရာတွေ ဖြစ်လာမှာမို့လို့ပါ။”
ကော်မရှင်အနေနဲ့ လူတိုင်းကျေနပ်အောင်လုပ်ဖို့ တာဝန်မဟုတ်ဘဲ ကော်မရှင်ရဲ့ တာဝန်ဟာ အမှန်တရားကို ဖော်ထုတ်ပြီး အမှန်တရားကို အခြေခံပြီး နိုင်ငံအတွက် အကောင်းဆုံးဖြစ်မယ့် အကြံပြုချက်တွေကို ရဲရဲဝံ့ဝံ့နဲ့ မှန်မှန်ကန်ကန် တင်ပြဖို့ ဖြစ်တယ်လို့လည်း ပြောကြားပါတယ်။
“ကျမတို့အနေနဲ့တော့ ပြည်သူအားလုံးကျေနပ်တဲ့ အဖြေတာ့ထွက်မှာမဟုတ်ပါဘူး။ ဘယ်တော့မှ စုံစမ်းရေးမှာ အားလုံးကျေနပ်တယ်ဆိုတာ မဖြစ်နိုင်ပါဘူး။ ကျမတို့ ကော်မရှင်ရဲ့ ရည်ရွယ်ချက် တခုပဲရှိပါတယ်။ အမှန်တရားကို ကျမတို့ ဖော်ထုတ်မယ်။ ကျမတို့ရဲ့ အကြံပြုချက်တွေဟာ နိုင်ငံရဲ့ ရေရှည်အကျိုးစီးပွား၊ ပြည်သူတွေရဲ့ ရေရှည်အကျိုးစီးပွားနဲ့ ဒီမိုကရေစီခိုင်မာရေးရဲ့ အကျိုးစီးပွားတွေကို ကြည့်ပြီး အကြံပြုချက်တွေလုပ်မှာဖြစ်တယ်။ မြင်ရင်မြင်တဲ့အတိုင်းတင်ပြပါမယ်။ အဖြစ်ကို အဖြစ်အတိုင်း တင်ပြပါမယ်။ အဲဒါကို ကျေနပ်တဲ့သူလည်းရှိမယ်၊ မကျေနပ်တဲ့လူလည်းရှိမယ်။ ဘာလို့လဲဆိုတော့ ဒီလိုကိစ္စတွေပေါ်လာရင် လူတိုင်း လူတိုင်းက ကိုယ့်ဘက်ပဲ နိုင်စေချင်တာပဲ။ ဒါက သဘာဝကျပါတယ်။ လူတိုင်းကို ကျေနပ်အောင်ဆိုတာ လုပ်မရပါဘူး။ လူတိုင်းကို ကျေနပ်အောင်လုပ်ဖို့က ကော်မရှင်တခုရဲ့ တာဝန်မဟုတ်ပါဘူး။ ကော်မရှင်ရဲ့ တာဝန်ဟာ အမှန်တရားကို ဖော်ထုတ်ဖို့၊ အမှန်တရားကို အခြေခံပြီးတော့ နိုင်ငံအတွက် အကောင်းဆုံး၊ တိုင်းသူပြည်သားတွေအတွက် အကောင်းဆုံးဖြစ်မယ်ထင်တဲ့ အကြံပြုချက်တွေကို ရဲရဲဝံ့ဝံ့နဲ့ မှန်မှန်ကန်ကန် တင်ပြဖို့ပါ။ ဒါကို ဦးတည်ပြီး လုပ်သွားမှာပါ။ အားလုံးသဘောကျအောင် ကျမတို့ မလုပ်နိုင်ပါဘူး။”
လက်ပန်းတောင်းအရေးအခင်းအတွင်း ထိခိုက်ဒဏ်ရာရသူ သံဃာတော် ၆၇ ပါးနဲ့ လူပုဂ္ဂိုလ် ၆ ဦး စုစုပေါင်း ၇၃ ဦး ရှိတယ်လို့ ဆေးရုံးစာရင်းတွေအရ သိရပြီး ပြင်ပမှာ သူတို့အစီအစဉ်နဲ့ သူတို့ ကုသနေသူတွေလည်း ရှိနေနိုင်ကြောင်း သတင်းစာရှင်းလင်းပွဲမှာ ထုတ်ဖော ပြောဆိုပါတယ်။ ဒီထဲမှာ ဆေးရုံက ဆင်းသွားတဲ့ သံဃာအပါး ၃၀ ကျော် မပါပါဘူး။
ဒီအရေး အတွင်းဖမ်းဆီးခံရသူတွေ ရှိ၊ မရှိ သတင်းထောက်တဦးက မေးမြန်းရာမှာ ဒေါ်အောင်ဆန်းစုကြည်က “မုံရွာဘက်က ဘယ်သူမှမပါပါဘူး။ ကျမ ၂၈ ရက်နေ့ မုံရွာရောက်သွားတော့ ၂၉ ရက်နေ့မှာ ရဲအရာရှိများ၊ ဦးပိုင်က တာဝန်ရှိသူတွေနဲ့ တွေ့ပြီးတော့ သပိတ်နဲ့ပတ်သက်လို့ ဘယ်သူ့ကိုမှ မဖမ်းဖို့ သဘောတူခဲ့ပါတယ်။ ကျမတို့ နားလည်သလောက်တော့ မုံရွာဘက်မှာ ဖမ်းဆီးထားတာ မရှိပါဘူး။ ရန်ကုန်မှာ ဖမ်းတာတော့ ရှိတယ်။ ရန်ကုန်မှာ ဖမ်းတာကလည်း ကြေးနီစီမံကိန်းနဲ့ ဆက်နွယ်နေတယ်ဆိုတော့ ဒီကိစ္စတွေနဲ့ ပတ်သက်လို့လည်း ကျမတို့အနေနဲ့ စုံစမ်းထားပါတယ်၊ ရဲနဲ့လည်း ဆက်သွယ်ထားတယ်၊ လုပ်သင့်လုပ်ထိုက်တာတွေ ဆက်လုပ်သွားမှာဖြစ်ပါတယ်။”
လက်ပန်းတောင်းတောင်အရေးနဲ့ ပတ်သက်ပြီး နောက်ဆက်တွဲ ဆန္ဒပြမှုတွေ ဖြစ်ပွားနေတဲ့အပေါ်မှာလည်း ဒေါ်အောင်ဆန်းစုကြည်က ဘာကြောင့်ဆန္ဒပြနေကြတာလဲ သိချင်တယ်လို့ ပြောပါတယ်။
“အန်တီသိချင်တာက ဘာအတွက် ဆန္ဒပြနေတာလဲဆိုတာ သိချင်ပါတယ်။ ဘာအတွက် ဆန္ဒပြနေတယ်ဆိုတာ သိရင် ဆန္ဒပြသူတွေရဲ့ လိုအပ်ချက်တွေ၊ ဆန္ဒပြသူတွေရဲ့ သဘောထားတွေကို နားလည်ရင် ပိုအဆင်ပြေအောင် လုပ်နိုင်မှာပေါ့။ အဲဒါက အရေးကြီးပါတယ်။ ကျမတို့အနေနဲ့တော့ ဘယ်လိုပဲဖြစ်ဖြစ် တရားဥပဒေစိုးမိုးရေးကို ဦးထိပ်ထားမယ်။ ဒါပေမယ့်လည်း နားလည်မှုနဲ့ အားလုံးအဆင်ပြေရေးကိုလည်း ဦးတည် လုပ်သွားမှာပါ။”
အခု ကြေးနီစီမံကိန်းကိစ္စဟာ အရင်အစိုးရလက်ထက်က လုပ်ဆောင်ခဲ့တာ ဖြစ်ပေမယ့် ဘယ်အစိုးရ လက်ထက်မှာပဲ လုပ်ခဲ့ လုပ်ခဲ့ မိမိနိုင်ငံမှာဖြစ်ခဲ့တဲ့ ကိစ္စရပ်တွေမို့ အားလုံးက တာဝန်ယူရမယ်လို့လည်း ဒေါ်အောင်ဆန်းစုကြည်က ပြောပါတယ်။
“တကယ်ဆိုရင် ကြေးနီစီမံကိန်း စတာက မဆလ အစိုးရ ခေတ်ကတည်းက စတာပါ။ ၁၉၈၄ ခုနှစ် က စခဲ့တာပါ။ အဲမတိုင်ခင် ဒေသခံတွေကလည်း တပိုင်တနိုင်ကြေးနီလေးတွေတူးတာ ရှိခဲ့တာလည်း အင်မတန်ကြာပါပြီ။ ကြေးနီစီမံကိန်းက အခုမှ ဖြစ်တာမဟုတ်ပါဘူး။ ဘယ်တုန်းကပဲ စခဲ့ စခဲ့ ကျမအမြင်ကတော့ ကျမတို့နိုင်ငံရဲ့ကိစ္စတွေကို နိုင်ငံသူနိုင်ငံသားတွေအားလုံးက တာဝန်ယူရမယ်။ ကျမအနေနဲ့တော့ ဘယ်အစိုးရလုပ်ခဲ့လို့ ကျမနဲ့တော့ မဆိုင်ဘူးလို့ စိတ်ထဲဘယ်တော့မှမထားပါဘူး။ နိုင်ငံနဲ့ဆိုင်တဲ့ကိစ္စတွေအားလုံးဟာ ကျမနဲ့ဆိုင်ပါတယ်။ နိုင်ငံနဲ့ဆိုင်တဲ့ကိစ္စတွေ အားလုံးကို နိုင်ငံသူနိုင်ငံသားတွေကလည်း ကိုယ်နဲ့ဆိုင်တယ်လို့ စိတ်ဓာတ်ထားစေချင်ပါတယ်။ ဘယ်အစိုးရလက်ထက်က လုပ်ခဲ့လို့ ကျမတို့မှာ တာဝန်မရှိဘူးဆိုတဲ့ အမြင်နဲ့ ကျမ ဘယ်တော့မှ မလုပ်ပါဘူး။”
လက်ပန်းတောင်းတောင် စုံစမ်းစစ်ဆေးရေးကော်မရှင်အနေနဲ့ ပြည်သူတွေအားလုံး အတွက် အကောင်းဆုံး အဖြေရှာသွားမယ်လို့လည်း ကော်မရှင်ဥက္ကဋ္ဌ ဒေါ်အောင်ဆန်းစုကြည်က ပြောပါတယ်။
“ကျမတို့ရဲ့ ကော်မရှင်ဟာ ဘယ်သူ့မှာတော့ တာဝန်ရှိတယ်၊ ဘယ်သူ့ကြောင့်လို့ ပြောပြီးတော့ ကျမတို့ရဲ တာဝန်ကို ခေါင်းရှောင်မှာ မဟုတ်ပါဘူး။ ဒီတာဝန်ကို လက်ခံထားပြီးဆိုရင်တော့ ဒီတာဝန်ကျေပွန်ဖို့က ကျမတို့ရဲ့ တာဝန်ပဲ။ ဒါကိုပဲ မီးမောင်းထိုးလုပ်သွားမှာဖြစ်ပါတယ်။ ကျမ ခဏ ခဏပြောတယ်၊ ကျမတို့နိုင်ငံမှာ ပြဿနာတွေရှိတာက အရေးကြီးတာ မဟုတ်ဘူး။ ပြဿနာဆိုတာ အခုလည်း ရှိမှာ နောင်လည်း ရှိမှာပဲ။ ဒီပြဿနာတွေကို ဘယ်ပုံဘယ်နည်းဖြေရှင်းမယ်ဆိုတာက အရေးကြီးတာပါ။ အဲတော့ ကျမတို့ ပြဿနာဖြေရှင်းပုံဖြေရှင်းနည်းကို နားလည်ရမယ်။ အကောင်းဆုံး ဖြေရှင်းပုံဖြေရှင်းနည်းတွေကို အသုံးပြုရမယ်။ အကောင်းဆုံးဖြေရှင်းပုံဖြေရှင်းနည်းဆိုတာဟာ အခြေခံအားဖြင့်တော့ ကျမတို့ ညှိနှိုင်းဆွေးနွေးပြီးတော့ အပေးအယူလုပ်ရမယ်၊ အပေးအယူမလုပ်ဘဲနဲ့ ဒီကမ္ဘာကြီးမှာ ဘယ်တော့မှ တိုးတက်မှုမရှိနိုင်ဘူး။ ကျမတို့ ကော်မရှင်က ကျမတို့နိုင်ငံရဲ့ ရေရှည်အရေးကို မျှော်ကိုးပြီးတော့ အကြံပြုသွားမှာပါ။ ထုတ်ဖော်တဲ့အချက်အလက်တွေဟာလည်း အမှန်အတိုင်း ထုတ်ဖော်မှာပါ။ အရင်တုန်းက ဘယ်လိုဖြစ်ခဲ့တယ်၊ ဘယ်လိုတောင်းဆိုမှုတွေ ဖြစ်ခဲ့တယ်။ ဘယ်လိုတောင်းဆိုမှုတွေကနေ နောက် ဘယ်လိုဖြစ်ခဲ့တယ်ဆိုတာ မြင်တဲ့အတိုင်း မှန်မှန်ကန်ကန်တင်ပြပါမယ်။ ဒါကို ကြိုက်တဲ့သူလည်း ရှိမယ်။ မကြိုက်တဲ့သူလည်း ရှိမယ်။ အဓိကကျတာကတော့ အဖြစ်ကို အဖြစ်အတိုင်း ကျမတို့တင်ပြမယ်။ အဲအပေါ် အခြေခံပြီးတော့ ပေးသင့်ပေးထိုက်တယ်ထင်တဲ့ အကြံပြုချက်တွေကို ကျမတို့ ပေးမယ်။ ကျမတို့ပေးတဲ့ အကြံပြုချက်တွေအတိုင်းပဲ ဖြစ်အောင် ကျမတို့ ကြိုးစားရမယ်။ တိုက်တွန်းရမယ်။ ဒါဟာ ကျမတို့ရဲ့ တာဝန်ပဲ။ ကျမတို့အနေနဲ့ အားလုံးက ကြိုက်တဲ့အဖြေကို ရှာဖို့ မဟုတ်ပါဘူး။ အားလုံးအတွက် အကောင်းဆုံးအဖြေရှာဖို့ ဖြစ်ပါတယ်။”
