ရခိုင်ပြည်နယ်၊ ကျောက်ဖြူမြို့နယ် ဂုံးချိန်ကျေးရွာအုပ်စု၊ စေပုပ်ကေကျေးရွာမှာ ဇူလိုင် ၉ ရက်က အသက်၎ နှစ်အရွယ် မိန်းကလးငယ်တဦးကို တရွာတည်းနေသူတဦးက အဓမ္မပြုကျင့်မှု ဖြစ်ပွားခဲ့တယ်လို့ ကျောက်ဖြူမြို့မရဲစခန်းက ပြောပါတယ်။
အခင်းဖြစ်တဲ့နေ့က အဆိုပါကလေးငယ်ရဲ့ မိဘတွေက လယ်တောထဲ ကန်းစွန်းရွက် သွားခူးဖို့ အတွက် ကလေးငယ်ကို အဒေါ်ဖြစ်သူထံ အပ်နှံထားခဲ့ပါတယ်။
အဒေါ်ဖြစ်သူက ကလေးငယ်ကို အိမ်မှာထားခဲ့ပြီး ဂုံးချိန်ရွာဈေးသို့ ဈေးသွားဝယ်ပြီး ပြန်လာစဉ် အိမ်နီးချင်း ကိုညီညီဆိုသူက နေအိမ်အခန်းထဲက ထွက်လာတာကို တွေ့ရတာကြောင့် မေးမြန်းရာ ကလေးနဲ့လာရောက်ဆော့ ကစားတာ ဖြစ်ကြောင်း ပြောဆို ထွက်သွားခဲ့တယ်လို့ ဆိုပါတယ်။
အဲဒီနောက် ကလေးငယ်ဟာ နေအိမ်ခန်းထဲကနေ ငိုယိုပြီး ထွက်လာတာကြောင့် အဒေါ်ဖြစ်သူက မိန်းကလေးငယ်ကို မေးမြန်းရာမှာ အဓမ္မပြုကျင့်ခံခဲ့ရတယ်ဆိုတာကို သိရှိခဲ့တာပါ။
ကလေးရဲ့မိန်းမအင်္ဂါကိုကြည့်ရာမှာ သွေးတွေကိုတွေ့ရှိရတဲ့အတွက် ကလေးကို အဓမ္မပြုကျင့်သူလို့ ယူဆရတဲ့ ကိုညီညီအား ကလေးငယ်ရဲ့ အဒေါ်ဖြစ်သူက တရားလိုပြုလုပ်ကာ ရဲစခန်းမှာ တိုင်တန်းခဲ့ပါတယ်။
ကျောက်ဖြူမြို့မရဲစခန်းမှူး ဒုရဲမှူးကျော်ဇောက “သက်ငယ်မုဒိန်းမှု ဖြစ်တာပါ။ တရားခံကို ဖမ်းဆီးထားပါပြီ၊ အခုတော့ စစ်ဆေး ဆောင်ရွက်နေပါတယ်၊”လို့ ပြောပါတယ်။
လတ်တလော အဓမ္မပြုကျင့်သူလို့ သံသယနဲ့ ဖမ်းဆီးခံထားရတဲ့ ကိုညီညီကို ကျောက်ဖြူမြို့မရဲစခန်းက ရာဇသတ်ကြီး ပုဒ်မ(၃၇၆) အရ အမှုဖွင့်လှစ်ကာ စစ်ဆေးနေပါတယ်။
သတင်း- နောင်နောင်
