ဆရာတော်ကြီးတွေရဲ့ ဆုံးမသြဝါဒကို မလိုက်နာတဲ့ ဒုဗ္ဗစရဟန်းတွေ တိုးပွားလာရင် သာသနာတော် ဆုတ်ယုတ်ပျက်စီးနိုင်လို့ သက်ဆိုင်ရာဥပဒေနဲ့အညီ ဖြေရှင်းဆောင်ရွက်ဖို့ လိုတယ်လို့ သာသနာရေးနဲ့ ယဉ်ကျေးမှုဝန်ကြီး သူရဦးအောင်ကိုက ဒီနေ့ နိုင်ငံတော်သံဃမဟာနာယကအဖွဲ့ ၄၇ ပါးစုံညီ အစည်းအဝေးမှာ လျှောက်တင်ပါတယ်။
အဋ္ဌမအကြိမ် နိုင်ငံတော်သံဃမဟာနာယကအဖွဲ့ ၄၇ ပါးစုံညီ ဒုတိယအစည်းအဝေး ပထမနေ့အဖြစ် ဒီနေ့မနက်က ရန်ကုန်မြို့၊ သီရိမင်္ဂလာ ကမ္ဘာအေးကုန်းမြေမှာ ကျင်းပခဲ့ပါတယ်။
အစည်းအဝေးကို နိုင်ငံတော်သံဃမဟာနာယကအဖွဲ့ ဥက္ကဋ္ဌဆရာတော်နဲ့ အဖွဲ့ဝင် ဆရာတော်တွေ၊ သာသနာရေးနဲ့ယဉ်ကျေးမှု ဝန်ကြီးဌာန ပြည်ထောင်စု ဝန်ကြီးနဲ့ ဒုတိယဝန်ကြီး၊ သာသနာရေးဦးစီးဌာနက အရာရှိတွေ တက်ရောက်ခဲ့ကြပါတယ်။
ပြည်ထောင်စု ဝန်ကြီး သူရဦးအောင်ကိုက ဒီနေ့မျက်မှောက် အခြေအနေမှာ သံဃာ ပရိသတ်အလယ်မှာ အရည်အချင်းမပြည့်စုံဘဲ ထင်ပေါ်ကျော်ကြားလို့တဲ့ တချို့ပုဂ္ဂိုလ်တွေဟာ သံဃာ့အဖွဲ့အစည်း အဆင့်ဆင့်ရဲ့ သြဝါဒခံမဟုတ်တဲ့ အဖွဲ့အစည်းအမျိုးမျိုးကို စင်ပြိုင်ဖွဲ့စည်း ထူထောင်တာ၊ ရဟန်းတွေနဲ့ မအပ်စပ်တဲ့ လူမှုရေး၊ ပါတီနိုင်ငံရေး ကိစ္စတွေမှာ ပါဝင်ပတ်သက်ဆောင်ရွက်နေတာကို တွေ့ရတယ်လို့ လျှောက်ထားပါတယ်။
အဲဒီပုဂ္ဂိုလ်တွေဟာ သံဃာ့အဖွဲ့အစည်းအဆင့်ဆင့်အပေါ် အကောင်းမြင်စိတ်ထားမရှိ၊ ထိန်းသိမ်း ကြပ်မတ်တာကိုလည်း မလိုလား၊ သံဃာ့ဦးသျှောင်ဖြစ်ကြတဲ့ ရတ္တညူမထေရ်ကြီး တို့ရဲ့ သြဝါဒစကားကိုလည်း နာယူထိုက်တယ်လို့ မထင်ဘူးလို့လည်း ဆိုပါတယ်။
အဲဒီလို ဒုဗ္ဗစရဟန်း (ဆရာတော်ကြီးတွေရဲ့ ဆုံမသြဝါဒကို မလိုက်နာတဲ့ ရဟန်း) တွေ တစထက်တစတိုးပွားလာရင် သာသနာတော် ဆုတ်ယုတ်ပျက်စီးနိုင်လို့ ဒီလိုပုဂ္ဂိုလ်တွေနဲ့ ပတ်သက်ပြီး နိုင်ငံတော်သံဃမဟာနာယကအဖွဲ့ရဲ့ သြဝါဒကိုခံယူပြီး၊ အာဏာပိုင် အဖွဲ့အစည်း တွေဆီ မေတ္တာရပ်ခံညှိနှိုင်းပြီး သက်ဆိုင်ရာဥပဒေနဲ့အညီဖြေရှင်းဖို့လိုတယ်လို့လည်း ဝန်ကြီးက လျှောက်တင်ပါတယ်။
ပြီးခဲ့တဲ့ ဇွန်လတုန်းကလည်း ဥပဒေကျူးလွန်သူ ဝရမ်းပြေး၊ ရာဇဝတ်ပြစ်မှုပြစ်ဒဏ်ထိုက်သူ၊ အာဏာစက်နဲ့ အရေးယူခံရသူ၊ သာသနာတော်ကို အလေးမထားသူ၊ အလဇ္ဇီ၊ ဒုဿီလစာရင်းဝင် နေပြီး သိက္ခာပုဒ်တွေကို ပြောင်ပြောင်တင်းတင်း မျက်နှာပြောင်တိုက် ကျူးလွန်သူဟာ သင်္ကန်းဝတ်ပဲ ဖြစ်ပြီး ဆရာတော်လို့ လုံးဝ မခေါ်သင့်ဘူးလို့ သာသနာရေးနဲ့ ယဉ်ကျေးမှု ဝန်ကြီးဌာနက ထုတ်ပြန်ခဲ့ပါတယ်။
