တနင်္သာရီတိုင်း၊ မြိတ်မြို့၊ မြစ်ငယ်ရပ်၊ အ.ထ.က ၁ ကျောင်းလမ်းရှိ ရှေးဟောင်းအိမ်ကြီးမှာ ဖောက်ထွင်းခံရတဲ့ ရွှေထည်ပစ္စည်းအချို့ကို ဇွန်လ ၆ ရက်နေ့က လက်ခံထားသူနဲ့အတူ ဖမ်းမိခဲ့တယ်လို့ မြို့မရဲစခန်းမှ တာဝန်ရှိသူတဦးက ပြောပါတယ်။
နေအိမ်ပိုင်ရှင် ဦးတင့်ဆွေနဲ့ ဇနီးဖြစ်သူ ဒေါ်ရီရီအေးတို့ ကျန်းမာရေးအတွက် ရန်ကုန်ကို ဆေးကုသဖို့ ဇွန်လ ၈ ရက်နေ့က ထွက်သွားပြီး ဇူလိုင် ၅ ရက်နေ့၊ မနက်ပိုင်း နေအိမ်ပြန်ရောက်စဉ် အခန်းတွင်းရှိ ဘီရိုအောက်ထပ်အံဆွဲအတွင်းမှ ရွှေထည် ၇၀ ကျပ်သားလောက် ဖောက်ထွင်းခံရကြောင်း သိရှိခဲ့တာပါ။
ဖောက်ထွင်းမှုနဲ့ ပတ်သက်ပြီး မြို့မရဲစခန်းမှ (ပ)၁၉၅၀/၂၀၁၉၊ ရာဇသတ်ကြီးပုဒ်မ ၃၈၀ နဲ့ အမှုဖွင့်ပြီး ရွှေဆိုင်တွေနဲ့ အပေါင်ဆိုင်တွေကို ပျောက်ဆုံးရွှေထည်စာရင်းတွေ ဖြန့်ဝေထားခဲ့တယ်လို့ ဆိုပါတယ်။
မြိတ်တောင်နယ်မြေ၊ မြို့သစ်ဈေးမှာ အမည်မသိ အမျိုးသမီးတဦးနဲ့ အမျိုးသားတဦးက အလေးချိန် ၅ ကျပ်သားလောက်ရှိတဲ့ လက်ကောက်တကွင်းလာရောင်းလို့ ရောင်းချတဲ့ပမာဏမှာ မင်္သာကာဖွယ်ဖြစ်နေတာကြောင့် ရွှေဆိုင်ပိုင်ရှင်က ရဲစခန်းကို အကြောင်းကြားခဲ့တယ်လို့ သိရပါတယ်။
"ဖောက်ထွင်းခံရတဲ့အိမ်ရှင်က ၅ ရက်နေ့မှာ တိုင်ချက်ဖွင့်တယ်။ ခိုးမှုကျူးလွန်တတ်တဲ့ သူတွေနဲ့ မသင်္ကာတဲ့သူတွေက်ို အဖွဲ့ခွဲပြီးစုံစမ်းနေချိန်မှာ မြို့သစ်ဈေးက ရွှေဆိုင်လုပ်ငန်းရှင် တယောက်က သူ့ဆိုင်မှာ အမျိုးသမီးတယောက်နဲ့ အမျိုးသားတယောက် ၅ ကျပ်သား လက်ကောက်တကွင်း လာရောင်းတယ်။ မသင်္ကာလို့ မဝယ်ထားဘူးဆိုလို့ ဒီကတဆင့် လိုက်စုံစမ်းတော့ သုခ ၁ လမ်းက ၄ ခန်းတွဲတန်းလျားမှာ နေထိုင်တဲ့ အောင်ကိုလွင်လို့ သိတာနဲ့ ဖမ်းဆီးရေးအဖွဲ့သွားဖမ်းတော့ ဆိုင်ကယ်နဲ့ထွက်ပြေးသွားတယ်။ ဆက်ပြီးစုံစမ်းတော့ မြို့မ ၁ ရပ်ကွက်၊ အောင်မုန့်တိုက်လမ်းသွယ်က သူ့နဲ့ရင်းနှီးတဲ့ မယဉ်ယဉ်စိုး(၂၇)နှစ်ရဲ့ နေအိမ်ကို ဝင်တယ်လို့ သိရတော့ မယဉ်ယဉ်စိုးရဲ့အိမ်မှာ သွားရှာတာ အောင်ကိုလွင်ကိုတော့ မတွေ့ဘူး ယဉ်ယဉ်စိုးကိုပဲ တွေ့တယ်။ သူ့နဲ့အတူ လွယ်အိတ်တလုံးကိုတွေ့လို့ သက်သေတွေရှေ့မှာ စစ်ဆေးတာ ဖောက်ထွင်းရာမှာ ပျောက်ဆုံးတဲ့ ရွှေထည်ပစ္စည်း ၃၇ ကျပ်သား တွေ့ရတယ်"လို့ မြို့မရဲစခန်းမှူး ဒုရဲမှူးချိုလွင်က ပြောပါတယ်။
ထွက်ပြေးတိမ်းရှောင်နေသူ အောင်ကိုလွင်နဲ့ ယဉ်ယဉ်စိုး၏ခင်ပွန်းဖြစ်သူ သူရကိုတို့မှာ ရင်းနှီးတဲ့ သူငယ်ချင်းတွေဖြစ်ပြီး အချိန်မတော် အတူသွားလာကြကြောင်း စုံစမ်းသိရတယ်လို့ ဆိုပါတယ်။
အမှုနဲ့ပတ်သက်နေတဲ့ အောင်ကိုလွင်၊ သူရကိုနဲ့ လက်ကျန် ရွှေထည်ပစ္စည်းတွေ ဖော်ထုတ်ဖမ်းဆီးနိုင်ဖို့ မြိတ်မြို့မရဲစခန်းက ဆောင်ရွက်နေတယ်လို့ သိရပါတယ်။
မြတ်ထွဋ် (မြိတ်)
