ရာသီတုပ်ကွေးရောဂါပိုး H1N1 ကြိုတင်ကာကွယ်နိုင်ဖို့ အသိပညာပေး လက်ကမ်းစာဆောင်နဲ့ နှာခေါင်စည်း(Face Mask)တွေကို မန္တလေးမြို့ ကျုံးအရှေ့ဘက် ၆၆ လမ်း၊ ၂၂ လမ်းနဲ့ ၂၃ လမ်းကြားရှိ Food Box အနီးမှာ ဇွန် ၂၂ ရက် ညနေပိုင်းက ဝေငှခဲ့ပါတယ်။
အခုလို အသိပညာပေးလက်ကမ်းစာဆောင်နဲ့ နှာခေါင်စည်းတွေ ဝေငှနိုင်ဖို့ မြို့ခံအလှူရှင်တွေရဲ့ လှူဒါန်းမှုနဲ့ ပြုလုပ်တာပါ။
ရန်ကုန်တိုင်းဒေသကြီးနဲ့ စစ်ကိုင်းတိုင်းဒေသကြီးမှာ ရာသီတုပ်ကွေးရောဂါပိုး H1N1 ကြောင့် သေဆုံးမှုနဲ့ ရောဂါပိုး တွေ့ရှိသူတွေ ရှိလာတဲ့အတွက် ကြိုတင်ကာကွယ်နိုင်ဖို့ အခုလို အသိပညာပေးတာ ပြုလုပ်တာလို့ One To One ပြည်သူကူညီရေး ပရဟိတအဖွဲ့မှ ဦးဝမ်းက ပြောပါတယ်။
“တရက်ကို အသိပညာပေး လက်ကမ်းစာစောင် ၁၀၀၀ နဲ့ နှာခေါင်စည်း(Face Mask) ၁၀၀၀ ဝေငှပေးမှာဖြစ်ပြီး ဇွန် ၂၅ ရက်ထိ နေ့စဉ် ဝေငှမှာပါ၊ အလှူရှင် ထပ်ရှိလာပါက ရက်တိုး လုပ်ဆောင်သွားမယ်” လို့ ဦးဝမ်းက ပြောပါတယ်။
ကျန်းမာရေးဝန်ကြီးဌာန ထုတ်ပြန်ချက်အရ ၂၀၁၉ ခုနှစ်၊ ဇန်နဝါရီလ (၁) ရက်နေ့မှ ဇွန်လ (၂၀) ရက်နေ့အထိ စုစုပေါင်းလူနာ (၁၆) ဦးမှာ Influenza A (H1N1)pdm09 ပိုးတွေ့ရှိခဲ့ပြီး ၆ ဦး သေဆုံးခဲ့တယ်လို့ ထုတ်ပြန်ချက်အရ သိရပါတယ်။
ပြည်သူလူထုအနေနဲ့ ရောဂါကြိုတင် ကာကွယ်ရေးအလေ့အကျင့်တွေဖြစ်တဲ့ ပါးစပ်နဲ့ နှာခေါင်းကိုကာပြီး နှာချေချောင်းဆိုးတာ၊ နှာချေချောင်းဆိုးပြီးချိန်၊ ရာဂါပိုးရှိသူအား ကိုင်တွယ်ပြီး ချိန်နဲ့ အများသုံး အရာဝတ္ထုပစ္စည်းများထိတွေ့းပြီးချိန်တိုင်း လက်ဆေးတာ၊ လူထုထပ်သော နေရာတွေကို မလိုအပ်ဘဲ သွားလာခြင်းမှ ရှောင်ကြဉ်ခြင်း စတာတွေကို လိုက်နာဆောင်ရွက် သွားကြဖို့ တိုက်တွန်းထားပါတယ်။
တုပ်ကွေးဆန်ခြင်းနှင့် ဂဏာမငြိမ်ခြင်း စတဲ့ ရောဂါလက္ခဏာတွေအပြင် အဖျားကြီးတာ၊ အသက်ရှူကြပ်တာ၊ အသက်ရှူခက်တာတွေ ဖြစ်ပါက နီးစပ်ရာ ကျန်းမာရေးဌာနတွေမှာ ကုသမှုခံယူဖို့ လိုအပ်ပါတယ်။
သော်တာ
