မကွေးတိုင်းဒေသကြီး ပေါက်မြို့နယ်မှာ ရေနံလက်ယက်တွင်းတိမ်လုပ်ငန်းမှ ကောက်ခံရရှိတဲ့ ဒေသဖွံ့ဖြိုးရေး ရန်ပုံငွေ အလွဲသုံးစားပြုမှုအတွက် မြို့နယ်အုပ်ချုပ်ရေးမှူး၊ မြို့နယ်ရဲတပ်ဖွဲ့မှူးအပါဝင် ၄ ဦးကို အဂတိလိုက်စားမှု တိုက်ဖျက်ရေး ဥပဒေပုဒ်မ ၅၆ နဲ့ အမှုဖွင့်အရေးယူထားတယ်လို့ ပေါက်မြို့မရဲစခန်းက ပြောပါတယ်။
“ပေါက်မြို့နယ်အုပ်ချုပ်ရေးမှူး ဦးကျော်စွာအုန်း၊ မြို့နယ်ရဲတပ်ဖွဲ့မှူး ရဲမှူးဇော်ဝင်းရွှေ၊ ပခုက္ကူခရိုင် CID တာဝန်ခံ ရဲအုပ် သန်းဇော်၊ သရက်ကန်ကျေးရွာအုပ်ချုပ်ရေးမှူး ဦးဇော်မင်းဦးတို့ ကို ဇွန်လ ၇ ရက်က အဂတိလိုက်စားမှု တိုက်ဖျက်ရေး ဥပဒေနဲ့ အမှုဖွင့်ထားတာပါ။ သရက်ကန်ကျေးရွာ အုပ်ချုပ်ရေးမှူးကတော့ တရားရုံးအမှုနဲ့ အရင်ကတည်းက ဖမ်းဆီးထားတာဖြစ်ပြီး၊ မြို့နယ်ရဲတပ်ဖွဲ့မှူးနဲ့၊ ခရိုင် CID တာဝန်ခံကိုတော့ လတ်တလော ဖမ်းဆီးရမိခြင်း မရှိသေးပါဘူး” လို့ ပေါက်မြို့မရဲစခန်းမှ ရဲအရာရှိတဦးက ဒီဗွီဘီကိုပြောပါတယ်။
သရက်ကန်ကျေးရွာ ဒေသခံတဦးဖြစ်တဲ့ ဦးဝင်းရွှေက “ရေနံစိမ်း ဆီဘောက်ဆာထွက်ကြေး ကောက်ခံရရှိတဲ့ ငွေတွေကို သုံးပစ်တာပါ။ ကျေးရွာဖွံဖြိုးရေးအတွက် ရေနံသမားတွေဆီက ကောက်ခံထားတဲ့ ရန်ပုံငွေတွေပါ။ ကျေးရွာ အုပ်ချုပ်ရေးမှူးဟောင်း ဦးဇော်မင်းဦးနဲ့ ညီအစ်ကို တော်စပ်သူ ဇော်ဖုန်းမိုးတို့ကို အမှုဖွင့်ထားတာပါ” လို့ဆိုပါတယ်။
သရက်ကန်ကျေးရွာဒေသခံ ဦးမင်းနိုင်က “ပေါက်မြို့နယ်ဘက်မှာရှိတဲ့ ရေနံမှော်တွေက တရားမဝင်ပါဘူး။ မင်းဘူးတို့၊ မင်းလှတို့ဘက်က ရေနံမျှောတွေနဲ့ သယ်ယူပို့ဆောင်နေတာ ဖြစ်တဲ့အတွက် ဒေသဖွံ့ဖြိုးရေး ရန်ပုံငွေအနေနဲ့ ဆီဘောက်ဆာ တစည်ကို ၇၀၀၀၀ ကျပ်ကနေ ၁ သိန်းကျပ်ထိ ကောက်ခံထားတာပါ။ သရက်ကန်ရွာဘက်ကရေနံစိမ်းတွေကိုတော့ တစ်ပေပါကို ၅ ထောင်ကျပ်စီ ကောက်ခံပါတယ်။ ကျေးရွာဖြွံ့ဖိုးရေးအတွက်ကို ၃၀၀၀ ကျပ်၊ အုပ်ချုပ်ရေးပိုင်း အတွက် ၂၀၀၀ ကျပ်ကောက်ခံကြတာပါ။ ဘဏ်မှာအပ်ထားတဲ့ ကျပ်သိန်း ၅၀၀ အပြင် စုစုပေါင်း သိန်းတထောင်ကျော် အလွဲသုံးစားမှုနဲ့တိုင်ထားတာပါ။” လို့ ပြောပါတယ်။
၂၀၁၈ ခုနှစ် စက်တင်ဘာ ၂၅ ရက်က အများပိုင်ငွေ အလွဲသုံးစားမှု ပုဒ်မ ၄၀၉ နဲ့ ဦးဇော်မင်းဦး စာရင်းကိုင်ဇော်ဖုန်းမိုးတို့ နှစ်ဦးကို အမှုဖွင့်ထားပြီး အဂတိလိုက်စားမှုတိုက်ဖျက်ရေး ကော်မရှင်ကိုပါ တိုင်ကြားခဲ့တာပါ။
ဒေသခံတွေအနေနဲ့ ကျောင်းဆောက်လုပ်ဖို့ စုထားတဲ့ငွေတွေကို ပြန်လိုချင်ပြီး အဂတိလိုက်စားမှုတိုက်ဖျက်ရေး ကော်မရှင်အနေနဲ့ မှန်မှန်ကန်ကန် အရေးယူပေးလိမ့်မယ်လို့ ယုံကြည်တယ်လို့ ပြောပါတယ်။
ဖြစ်စဉ်နဲ့ပတ်သက်လို့ ပေါက်မြို့နယ်အုပ်ချုပ်ရေးမှူး ဦးကျော်စွာအုန်း၊ မြို့နယ်ရဲတပ်ဖွဲ့မှူး ရဲမှူးဇော်ဝင်းရွှေ၊ ပခုက္ကူခရိုင် CID တာဝန်ခံ ရဲအုပ်သန်းဇော်၊ သရက်ကန် ကျေးရွာအုပ်ချုပ်ရေးမှူးဟောင်း ဦးဇော်မင်းဦးတို့ကို ပေါက်မြို့မရဲစခန်းမှာ အဂတိလိုက်စားမှု တိုက်ဖျက်ရေး ဥပဒေပုဒ်မ ၅၆ နဲ့အမှုဖွင့်ထားတယ်လို့ သိရပါတယ်။
မကွေးတိုင်းဒေသကြီးအတွင်းမှာ တရားဝင် ရေနံလုပ်ကွက်ပေါင်း ၃၁ ကွက်ရှိပြီး လက်ရှိ အစိုးရသက်တမ်း သုံးနှစ်တာကာလအတွင်း တိုင်းဒေသကြီး ရန်ပုံငွေ ၁၂ ဘီလီယံ ကျော် ကောက်ခံရရှိထားတယ်လို့ သိရပါတယ်။
သတင်း-မင်းထီး
