ပဲခူးတိုင်း သနပ်ပင်မြို့နယ်မှာ လျှပ်စစ်စီးဝင်နေတဲ့ အဝတ်လှန်း သွပ်နန်းကြိုးအား ကိုင်မိတာကြောင့် ဓာတ်လိုက်ပြီး ဇနီးမောင်နှံ နှစ်ဦး သေဆုံးခဲ့ပါတယ်။

ဇွန်လ ၆ ရက်နေ့ နေလယ်ပိုင်းက သနပ်ပင်မြို့နယ်၊ ရေကျော်ကျေးရွာနေ စိုးပိုင် (၃၂) နှစ်နဲ့ ဇနီးဖြစ်သူ မော်မော်ခိုင် (ခ) ကရင်မ (၃၀) နှစ်တို့ ၂ ဦးဟာ နေအိမ်မှာ လျှပ်စစ်စီးဝင်နေတဲ့ အဝတ်လှန်းသွပ်နန်းကြိုးအားကိုင်မိပြီး ဓာတ်လိုက်ကာ လက်/ ဝမ်းဗိုက်/ ဒူး ညိုမဲပေါက်ပြဲဒဏ်ရာတွေနဲ့ အခင်းဖြစ်နေရာမှာ သေဆုံးခဲ့တယ်လို့ ပြည်ထဲရေးက ထုတ်ပြန်ပါတယ်။

သေဆုံးသွားသူ နှစ်ဦးကို သနပ်ပင်ပြည်သူ့ဆေးရုံ ပို့ဆောင်ခဲ့ပြီး သနပ်ပင်မြို့မရဲစခန်းက သေမှုသေခင်းအမှတ်စဉ် (၉/၂၀၁၉) နဲ့ စစ်ဆေးနေတယ်လို့ သိရပါတယ်။