နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ချက်သမ္မတနိုင်ငံရှိ Charles University ပါမောက္ခချုပ်က Historical Medal Charles University ဆုတံဆိပ် ဂုဏ်ပြုပေးအပ်လိုက်ပါတယ်။
Charles University ကို ၁၃၄၈ ခုနှစ်မှာ စတင်ဖွင့်လှစ်ခဲ့ပြီး ဥရောပအလယ်ပိုင်းမှာ ပထမဆုံး ဖွင့်လှစ်ခဲ့တဲ့ သမိုင်းဝင်တက္ကသိုလ်တခုလည်း ဖြစ်ပါတယ်။
ဒေါ်အောင်ဆန်းစုကြည်ဟာ ဆုတံဆိပ် လက်ခံယူခဲ့သလို Charles တက္ကသိုလ်မှာ ပါမောက္ခချုပ်၊ ပါမောက္ခတွေ၊ ကျောင်းသား ကျောင်းသူတွေကိုလည်း “ဒီမိုကရေစီစနစ်သို့ အသွင်ကူးပြောင်းမှုတွင် ကြုံတွေ့ရသော စိန်ခေါ်မှုများ” ခေါင်းစဉ်နဲ့ ဟောပြောပို့ချခဲ့ပါတယ်။
ဟောပြောပို့ချရာမှာ မြန်မာနိုင်ငံနဲ့ ချက်ကိုဆလိုဗက်ကီးယားနိုင်ငံတို့အကြား ဒီမိုကရေစီစနစ်သို့ ကူးပြောင်းဖို့ စတင်တဲ့ကာလ တနှစ်သာကွာပေမယ့် ဆလိုဗေးကီးယားနိုင်ငံမှာ သွေးထွက်သံယိုမရှိဘဲ နူးညံ့သိမ်မွေ့စွာ ကူးပြောင်းနိုင်ခဲ့ကြောင်း၊ မြန်မာနိုင်ငံမှာ ၁၉၈၈ ခုနှစ်က ပြုပြင်ပြောင်းလဲဖို့ ပြည်သူတွေရဲ့ ဆန္ဒဖော်ထုတ်မှုတွေဟာ ချက်သမ္မတနိုင်ငံရဲ့ ကတ္တီပါတော်လှန်ရေးကဲ့သို့ နူးညံ့သိမ်မွေ့မှု မရှိခဲ့ကြောင်း ထည့်သွင်းပြောသွားပါတယ်။
ဒါ့အပြင် ဒီမိုကရေစီစံနှုန်းနဲ့ ကိုက်ညီမှုမရှိတဲ့ ဖွဲ့စည်းပုံအခြေခံဥပဒေကို ပြင်ဆင်ရေးကိစ္စ ပြည်တွင်းငြိမ်းချမ်းရေးကိစ္စနဲ့ ရခိုင်အရေးကိစ္စတွေနဲ့ ပတ်သက်တဲ့ စိန်ခေါ်မှုတွေနဲ့ ဆောင်ရွက်ချက်တွေ အကြောင်းလည်း ပြောကြားသွားပါတယ်။
ရခိုင်ပြည်နယ်ဟာ နိုင်ငံတကာရဲ့ အာရုံစိုက်ရာ မြန်မာနိုင်ငံရဲ့ တခုတည်းသောကိစ္စရပ် ဖြစ်လာခဲ့ကြောင်း၊ ဒီမိုကရေစီ အသွင်ကူးပြောင်းရေး၊ ငြိမ်းချမ်းရေး ဆွေးနွေးပွဲတွေနဲ့ ရခိုင်အရေးကိစ္စတို့ဟာ မြန်မာနိုင်ငံ အသွင်ကူးပြောင်းရေး လုပ်ငန်းစဉ်ရဲ့ အစိတ်အပိုင်းတချို့သာ ဖြစ်ပေမယ့် နိုင်ငံတကာက အာရုံစိုက်ပြီး အလေးပေး ဖော်ပြခံနေရကြောင်း၊ ဒါပေမယ့် အသွင်ကူးပြောင်းမှုမှ မြန်မာပြည်သူတွေ ရရှိလိုတဲ့ ရာစုနှစ်ဝက်ကျော်ကြာ မျှော်လင့်ချက်တွေနဲ့ လိုအင်ဆန္ဒတွေကိုတော့ အလေးထားမှု စိတ်ဝင်စားမှု အလွန်နည်းပါးကြတယ်လို့လည်း ဒေါ်အောင်ဆန်းစုကြည်က ပြောသွားပါတယ်။
နိုင်ငံတော်၏ အတိုင်ပင်ခံပုဂ္ဂိုလ်ဟာ ချက်နိုင်ငံခြားရေး ဝန်ကြီးဌာနမှာ ကျင်းပတဲ့ မြန်မာ-ချက် နှစ်နိုင်ငံ စီးပွားရေးဖိုရမ်ကို ချက်သမ္မတနိုင်ငံ ဝန်ကြီးချုပ် အန်ဒရီးဘားဘီစ်နဲ့အတူ တက်ရောက် မိန့်ခွန်းပြောကြားခဲ့ပါတယ်။
ဒါ့အပြင် ချက်နိုင်ငံခြားရေးဝန်ကြီးနဲ့ တွေ့ဆုံပြီး နှစ်နိုင်ငံဆက်ဆံရေးနဲ့ ပူးပေါင်းဆောင်ရွက်မှု တိုးမြှင့်ရေး၊ စီးပွားရေးနှင့် ရင်းနှီးမြှုပ်နှံမှု တိုးမြှင့်ရေး၊ ပညာရေး၊ ကျန်းမာရေးနဲ့ ဒီမိုကရေစီ အသွင်ကူးပြောင်းရေး လုပ်ငန်းစဉ် အတွေ့အကြုံတွေ အပြန်အလှန် မျှဝေသွားရေး ကိစ္စတွေ ဆွေးနွေးခဲ့ကြတယ်လို့ အတိုင်ပင်ခံရုံးက သတင်းထုတ်ပြန်ထားပါတယ်။
