အင်းတော်တွင် ကျပ်သိန်း ၆၇၀၀ ကျော်တန်ဖိုးရှိ ဘိန်းဖြူများ ဖမ်းမိ
DVB
·
June 2, 2019
စစ်ကိုင်းတိုင်း အင်းတော်မြို့နယ်မှာ ငွေကျပ်သိန်း ၆,၇၀၀ ကျော်တန်ဖိုးရှိ ဘိန်းဖြူတွေ ဖမ်းဆီးရမိတယ်လို့ ပြည်ထဲရေးက ဇွန် ၁ ရက်နေ့မှာ ထုတ်ပြန်ပါတယ်။
မေ ၃၁ ရက် ည ၉ နာရီကျော်လောက်က အင်းတော်မြို့နယ်ရဲတပ်ဖွဲ့ဝင်တွေ ပါဝင်တဲ့ ပူးပေါင်းအဖွဲ့ဟာ အင်းတော်မြို့နယ်၊ နဘားပူးပေါင်းစစ်ဆေးရေးဂိတ်မှာ ချစ်စန်းမောင် မောင်းနှင်လာတဲ့ TOYOTA TOYOACE အမျိုးအစားမော်တော်ယာဉ်ကို ရပ်တန့်စစ်ဆေးရှာဖွေရာမှ ဖမ်းဆီးမိခဲ့တာပါ။
မော်တော်ယာဉ်ရဲ့နောက်ခန်း ကြမ်းခင်းအံဝှက်အတွင်းမှ ငွေကျပ်သိန်း ၆၇၁၀ တန်ဖိုးရှိ ဘိန်းဖြူ ၆ ဒသမ ၇၁ ကီလိုနဲ့ လက်ကိုင်ဖုန်းတလုံး၊ ငွေကျပ် ၂၁ သိန်း တို့ကို သိမ်းဆည်းရမိခဲ့ပါတယ်။
ချစ်စန်းမောင်အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားတယ်လို့ သိရပါတယ်။
Live
