ရခိုင်ပြည်နယ်၊ ကျောက်တော်မြို့နယ်၊ ရွှေပြည်ကျေးရွာမှ ရာအိမ်မှူး ဦးသိန်းစောအောင်ကို အေအေအဖွဲ့နဲ့ ပတ်သက်ဆက်နွှယ်မှုကြောင့် တရားဥပဒေအရ အရေးယူနိုင်ရေး ဆောင်ရွက်နေတယ်လို့ တပ်မတော်က မေလ ၁၇ ရက်နေ့မှာ သတင်းထုတ်ပြန်ပါတယ်။
ကျောက်တော်မြို့နယ် ရွှေပြည်ကျေးရွာအတွင်း အေအေအဖွဲ့ဝင်တွေ အရပ်သားအသွင် ပုံဖျက်စိမ့်ဝင်လှုပ်ရှားနေကြောင်း သတင်းအရ လုံခြုံရေးတပ်ဖွဲ့ဝင်တွေ မေ ၁၆ ရက် မနက်ပိုင်းက ရှောင်တခင်ဝင်ရောက် စစ်ဆေးတာတွေ ပြုလုပ်ခဲ့တယ်လို့ ဆိုပါတယ်။
ကျေးရွာအုပ်ချုပ်ရေးမှူးအား ဖမ်းဆီးစစ်ဆေးရာ ကျေးရွာတာဝန်ခံ ဦးသိန်းစိုးအောင်က နေအိမ်ပေါ်မှ လုံခြုံရေးတပ်ဖွဲ့ဝင်တွေအား ဓာတ်ပုံရိုက်ယူနေတာ တွေ့ရှိရလို့ ဖုန်းအားစစ်ဆေးခဲ့ရာ ဖုန်းအတွင်းမှ အေအေအဖွဲ့ဝင်တွေနဲ့ ပတ်သက်ဆက်နွှယ်နေတဲ့ ဓာတ်ပုံအထောက်အထားအချို့နဲ့ နေအိမ်အတွင်းမှ ထုပ်ပိုးထားတဲ့ ထမင်းခြောက်အိတ်၊ ခေါက်ဆွဲခြောက်ဖာတွေ၊ ဓာတ်ဆားထုပ်တွေနဲ့ အခြားစားသောက်ကုန်ပစ္စည်းတွေကို ရှာဖွေသိမ်းဆည်းရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ဒါကြောင့် အေအေအဖွဲ့နဲ့ ပတ်သက်ဆက်နွှယ်နေသူ ဦးသိန်းစိုးအောင်အား တရားဥပဒေအရ အရေးယူနိုင်ရေး လုပ်ထုံးလုပ်နည်းနဲ့အညီ ဆောင်ရွက်နေတယ်လို့ ဆိုပါတယ်။
ဖမ်းဆီးခံရတဲ့ ရွှေပြည်ကျေးရွာတာဝန်ခံ ဦးသိန်းစိုးအောင် ဇနီးဖြစ်သူ ဒေါ်မိုးမိုးရီက "ကျမယောက်ျားမှာ ဘာအပြစ်မှမရှိပါဘူး စစ်တပ်တွေ ရွာကို ရောက်လာတယ်၊ ကျမအိမ်ရှင်လည်း အိမ်မှာရှိပါတယ်။ ကျမတို့က ရွာမှာ ရိုးရိုးသားသား လုပ်ကိုင်စားသောက်သူတွေသာဖြစ်တယ်။ ဈေးဆိုင်ကြီး ဖွင့်ရောင်းချသူပါ။ ဈေးဆိုင်တွေက ၀န်ထမ်းတွေကို ဆိုင်မှာထားသလို အိမ်အောက်မှာထားပါတယ်။ ကျမတို့က အနီးအနားက ဆိုင်အသေးလေးတွေကိုလည်း ရောင်းပါတယ်။ သူတို့က တပ်ကကျွှန်မ အိမတ်တို့အိမ်ကို လာဝိုင်းပါတယ်။ ပြီးရင် ဆိုင်ပစ္စည်းတွေကို ကျမတို့ ဈေးဆိုင်အနီးမှာ စုပုံပါတယ်။ ဓာတ်ပုံရိုက်ပါတယ်။ ကျမယောက်ျားကိုလည်း ဓာတ်ပုံရိုက်ပါတယ်။ ပြီးရင် ညနေ ၅ နာရီကျော်မှာ ကျမယောက်ျားကို သူတို့စခန်းချတဲ့ ဘုန်းကြီးကျောင်းကို ခေါ်သွားပါတယ်။ သူက ကျန်းမာရေးလည်း ကောင်းတာမဟုတ်ပါဘူး" လို့ ပြောပါတယ်။
မျက်မြင် ရပ်ရွာလူကြီးတဦးက “သူတို့မိသားစုက ရောင်းကောင်း ရောင်းဝယ်ပြုပြီး လုပ်ကိုင်စားသောက်နေကြတာပါ။ ရွာမှာ ဆိုင်ကြီးဖွင့်ပြီး ရောင်းပါတယ်။ မေ ၁၆ ရက် ညနေ ၅ နာရီခွဲမှာ သူ့အိမ်ကို မသင်္ကာလို့ဆိုပြီး ၀င်ရောက် ရှာဖွေတာတွေ လုပ်တာတွေ့ရတယ်။ နောက်ပြီး ရွာက လူတွေကိုလည်း မှတ်ပုံတင် ဘုန်းကြီးကျောင်းကို ယူလာပြရမယ်ဆိုလို့ သွားပြကြပါတယ်" လို့ ပြောပါတယ်။
ရွှေပြည်ကျေးရွာမှာ အိမ်ခြေ ၆၀၀ ကျော်၊ လူဦးရေ ၄၀၀၀ ကျော်ရှိတယ်လို့ သိရပါတယ်။
