ပျံလွန်တော်မူတာ ၁၄ ရက်ရှိပြီဖြစ်တဲ့ ပဲခူးမြို့ အောင်သုခဓမ္မရိပ်သာကျောင်းတိုက်က ဆရာတော်ဘုရားကြီးရဲ့ ရုပ်ကလာပ်တော်ဟာ ပုပ်ပွ ပျက်စီးခြင်းမရှိတဲ့အတွက် မီးသင်္ဂြိုဟ်ပူဇော်မယ့် အဖွဲ့နဲ့ ကျောင်းမှာ ဒီအတိုင်းထား ပူဇော်မယ့်အဖွဲ့တို့ နှစ်ဖွဲ့ အငြင်းပွားမှု ဖြစ်ပေါ်နေပါတယ်။
ပဲခူးမြို့အောင် သုခဓမ္မရိပ်သာကျောင်းတိုက်က သက်တော် (၉၆) နှစ်၊ ၀ါတော် ၄၃ ၀ါဖြစ်တဲ့ အောင်သုခဓမ္မရိပ်သာကြီးရဲ့ အဓိပတိ မဟာနာယက ဆရာတော်ဘုရားကြီး ဘဒ္ဒန္တစန္ဒီမာ ဆရာတော်ဘုရားကြီးဟာ ဧပြီ ၂၇ ရက်နေ့က ပျံလွန်တော်မူခဲ့ပါတယ်။
နှစ်ဖွဲ့အငြင်း ပွားမှုတွေ ဖြစ်ပေါ်နေတဲ့အတွက် မေလ ၁၀ ရက်နေ့က ပဲခူးမြို့နယ် သံဃနာယက ဆရာတော်တွေထံမှာ ဖြေရှင်းမှုတွေ ပြုလုပ်ကြပါတယ်၊
ဆရာတော်ဘုရားကြီးဟာ ပျံလွန်တော်မူတဲ့နေ့ကစပြီး ဒီနေ့အထိတိုင်အောင် မပုပ်မသိုးဘဲ ရှိနေတဲ့အတွက် မီးသင်္ဂြိုဟ်တာထက်စာရင် ရုပ်ကလာပ်တော်ကို ဒီအတိုင်းထားပူဇော်တာက အများ ပြည်သူအတွက် အကျိုးများမယ်လို့ ယုဆပြီး ယောဂီတချို့ ဆရာတော်ဘုရားကြီးရဲ့ ရုပ်ကလာပ်တော်အား ဒီအတိုင်းထားပူဇော်လိုကြတယ်လို့ ယောဂီ ဒေါ်ခင်ခင်သင်းက ပြောပါတယ်။
အောင်သုခဓမ္မရိပ်သာကျောင်းတိုက်က ဆရာတော်ကြီးရဲ့တပြည့် ဆရာတော်ဥူးစန္ဒောဘာသက “ဆရာတော်ဘုရားကြီး ပျံလွန်တော်မမူခင်ကြိုတင်ပြီး သူ့ရဲ့ဈာပနပွဲကို မှာကြားခဲ့တာတွေ ရှိပါတယ်၊။ ပျံလွန်တော်မူသွားပြီးတဲ့အခါ သူ့ရုပ်ကလာပ်ကို ၇ ရက်ထားဖို့၊ ပြီးရင် အရိုးပြာကျအောင် မီးသင်္ဂြိုဟ်ပါ။ ပြာကို ကျောင်းတိုက်အတွင်းက စေတီမှာ ဂူသွင်းပူဇော်ပါဆိုပြီး မှာကြားခဲ့တာတွေရှိပါတယ်။ ဒါပေမယ့် တပြည့် ဒကာ၊ဒကာမတွေရဲ့သဒ္ဒါတရားကိုငဲ့ပြီး ၇ ရက်ကနေ ခုဆို ၁၄ ရက်အထိ ထားပေးထားပါတယ်။ ဒါကြောင့် ဆရာတော် ဘုရားကြီးရဲ့ သြ၀ါဒမိန့်မှာခဲ့တဲ့အတိုင်း မီးပူဇော်ဖို့ပဲရှိပါတယ်” လို့ မိန့်ကြားပါတယ်။
အငြင်းပွားနေမှု နဲ့ ပတ်သက်ပြီး ပဲခူးမြို့ နယ် သံဃနာယက ဥက္ကဋ္ဌ ဆရာတော်ကနေပြီး ဆရာတော်ဘုရားကြီးရဲ့ အန္တိမအဂ္ဂိဈာပနကို ဆက်လက်ဆောင်ရွက်ဖို့ မိန်ြ့ကားခဲ့ပါတယ်။
ဆရာတော်ဘုရားကြီး အန္တိမဈာပနကို မေ ၁၂ ရက်နေ့မှာ အမှတ် ၇၇ ခြေမြန်တပ်မ ဌာနချုပ်ရဟတ်ယာဉ်ကွင်းမှာ မီးပူဇော်သွားမယ်လို့ သိရပါတယ်။
အောင်စိုးမိုး
