မန္တလေးတိုင်း၊ မိတ္ထီလာမြို့ သာစည်-မိတ္ထီလာကားလမ်းအနီး မိတ္ထီလာကန်ဘေးမှာ မေလ ၇ရက် မနက်က ဘုန်းကြီးတပါး ပျံလွန်တော်မူနေတာကို တွေ့ရတယ်လို့ မိတ္ထီလာမြို့မရဲစခန်းက ပြောပါတယ်။

မိတ္ထီလာကန်ဘေး ဆိုင်းဘုတ်တောင်ဘက် ချူံပင်တွေအကြားမှာ  အသက် ၅၀ နှစ်ခန့်ရှိ မယ်လို့ ခန့်မှန်းရတဲ့ ဘုန်းကြီးတပါး ပက်လက် အနေအထားနဲ့  ပျံလွန်တော်မူနေတာဖြစ်ပြီး ဘွဲ့အမည် ဘုန်းကြီးကျောင်းအမည်ကတော့ မသိရသေးဘဲ ရဲတပ်ဖွဲ့က စုံစမ်းနေဆဲ ဖြစ်ပါတယ်။

မိတ္ထီလာမြို့မရဲစခန်းဒုရဲအုပ်သက်ပိုင်စိုးက"ပြင်ပဒဏ်ရာ မတွေ့ရပါဘူး။ ဒီမှာက အတော်ပူတာဆိုတော့ ကန်ဘေးမှာ လေညင်းခံ နေပူရှောင်ရင်း ပျံလွန်တော်မူတယ် ထင်ပါတယ် ဘွဲ့နဲ့ကျောင်းကိုတော့ စုံစမ်းနေဆဲပါ" လို့ ဒီဗွီဘီကို ပြောပါတယ်။

မိတ္ထီလာမြို့မရဲစခန်းကတော့ ဘုန်းတော်ကြီး ပျံလွန်တော်မူတာဟာ ဓမ္မတာအတိုင်း ဟုတ်မဟုတ် စုံစမ်းစစ်ဆေးဖို့ သေမှုသေခင်း အမှု ဖွင့်ထားပါတယ်။

သတင်း-မောင်မောင်လင်း