မြန်မာနိုင်ငံအနေနဲ့ ဖွံ့ဖြိုးမှုအနည်းဆုံး နိုင်ငံများစာရင်း (LDC)က လွတ်မြောက်ရေး စံသတ်မှတ်ချက် သုံးခုလုံးကို ၂၀၁၈ ခုနှစ်မှာ ပထမအကြိမ် ပြည့်မီတဲ့ တိုးတက်မှုရလဒ် ရရှိခဲ့တယ်လို့ နိုင်ငံတော် သမ္မတ ဦးဝင်းမြင့်က ပြောကြားလိုက်ပါတယ်။
ဒီကနေ့ မြန်မာနှစ်ဆန်း ၁ရက်နေ့မှာ နိုင်ငံတော်သမ္မတက နှစ်သစ်ကူးနုတ်ခွန်းဆက်စကား ပြောကြားရာမှာ ထည့်သွင်းပြောသွားတာပါ။
၂၀၁၈ ခုနှစ် ဧပြီလမှ စက်တင်ဘာလအထိ ပထမ(၆)လမှာ တိုင်းပြည်ရဲ့ စီးပွားရေးတိုးတက်မှုဟာလည်း ၆ ဒသမ ၅ ရာခိုင်နှုန်း တိုးတက်ခဲ့တယ်လို့ သမ္မတက ပြောပါတယ်။
အန်အယ်လ်ဒီ အစိုးရ စတင်တာဝန်ထမ်းဆောင်ခဲ့တဲ့ ၂၀၁၆ - ၂၀၁၇ ဘဏ္ဍာနှစ် ဧပြီလ ၁ ရက်ကနေ ၂၀၁၈ - ၂၀၁၉ ဘဏ္ဍာနှစ် မတ်လ ၃၁ ရက်နေ့အထိ (၃) နှစ်တာ ကာလအတွင်း ပြည်ပနိုင်ငံပေါင်း ၂၂ နိုင်ငံမှ စီးဝင်ခဲ့တဲ့ နိုင်ငံခြားရင်းနှီးမြှုပ်နှံမှု လုပ်ငန်းအရေအတွက် စုစုပေါင်း ၅၈၄ ခုရှိပြီး တန်ဖိုး အမေရိကန်ဒေါ်လာ ၁၅ ဒသမ ၉၉ ဘီလီယံ ရှိတယ်လို့လည်း ဆိုပါတယ်။
အလားတူကာလအတွင်း မြန်မာနိုင်ငံရင်းနှီးမြှုပ်နှံမှုကော်မရှင်က စိစစ်ခွင့်ပြုခဲ့တဲ့ မြန်မာနိုင်ငံသား ရင်းနှီးမြှုပ်နှံမှုလုပ်ငန်းအရေအတွက်ကတော့ စုစုပေါင်း ၃၅၉ ခုနဲ့ တန်ဖိုး ကျပ် ကျပ် ၇၃၉၀ ဒသမ ၃၄ ဘီလီယံ ရှိတယ်လို့လည်း သမ္မတက ပြောပါတယ်။
အစိုးရအနေနဲ့ တနိုင်ငံလုံးအတိုင်းအတာနဲ့ လျှပ်စစ်မီးရရှိရေး တိုးမြှင့်ဆောင်ရွက်ပေးနိုင်ခဲ့ သလို နိုင်ငံတ၀န်း လမ်းပန်း ဆက်သွယ်ရေး အဆင်ပြေချောမွေ့စေဖို့ လမ်းတံတားအသစ်တွေ တည်ဆောက်ပေးနိုင်ခဲ့တယ်၊ ခရီးသွားလုပ်ငန်း ဖွံ့ဖြိုးတိုးတက်စေဖို့ နယ်ပယ်ချဲ့ထွင်နိုင်ခဲ့ပြီး e-Visaစနစ် ခွင့်ပြုပေးတာနဲ့ လေဆိပ်ဖွံ့ဖြိုးရေးလုပ်ငန်းတွေ ဆောင်ရွက်ခဲ့ တယ်လို့ ပြောပါတယ်။
အစိုးရအဖွဲ့အနေနဲ့ ရရှိပြီးဖြစ်တဲ့ အောင်မြင်မှုတွေကို ကြည့်ပြီး တင်းတိမ်ရောင့်ရဲကျေနပ်နေမှာ မဟုတ်ဘဲ အမိမြန်မာနိုင်ငံတော်ကြီး ခေတ်မီဖွံ့ဖြိုး တိုးတက်ပြီး ကမ္ဘာ့ အလယ်မှာ တင့်တယ်လာအောင်၊ နိုင်ငံသူ နိုင်ငံသားတွေရဲ့ လူမှုစီးပွားဘ၀မြင့်မားလာပြီး ပျော်ရွှင်ချမ်းမြေ့အောင်၊ ပြည်သူတွေ မြင်ချင် တွေ့ချင်နေတဲ့ အပြောင်းအလဲတွေကို မျက်ဝါး ထင်ထင်တွေ့မြင်ရအောင် ကြိုးပမ်းဆောင်ရွက်နေတယ်လို့လည်း သမ္မတက ပြောပါတယ်။
