တနင်္သာရီတိုင်း မြိတ်မြို့မှာ လင်းပိုင်တွေကိုဖမ်းဆီးပြီး ရောင်းချနေတဲ့သတင်းအရ ငါးလုပ်ငန်းဦးစီးဌာနနဲ့ စည်ပင်သာယာရေးကော်မတီတို့က ဧပြီလ ၁၀ ရက်နေ့မှာ ၀ယ်ယူသူကို ခေါ်ယူတွေ့ဆုံ မေးမြန်းခဲ့ပါတယ်။
မြိတ်မြို့နယ်ငါးဦးစီးဌာန တာဝန်ရှိသူတဦးက "လက်ဝယ်တွေ့ရှိသူမှာ အဓိက အပြစ်ရှိပါတယ်။ ဒါပေမယ့် လက်ဆုပ်လက်ကိုင် မပြနိုင်ဘူး။ ၀ယ်ယူက အရင်တုန်းက ၀ယ်ထားတဲ့ပုံတွေကို လူမှုကွန်ရက်မှာ တင်ထားခဲ့တယ်လို့ ပြောပါတယ်။ အခုသူတို့ မ၀ယ်ထားဘူးလို့ ပြောပါတယ်။ ဒါပေမယ့်ကျနော်တို့ မြေပြင်ကွင်းဆင်းပြီး စစ်ဆေးဦးမှာပါ။ လာရောက် ရောင်းချသွားတဲ့ တံငါသည်တွေကိုလည်း မမှတ်မိဘူးလို့ပြောတော့ ဆက်လက်စုံစမ်းဖို့ ခက်နေတယ်"လို့ ပြောပါတယ်။
ပင်လယ်ပြင်မှာ တားမြစ်ထားတဲ့ ငါးမျိုးစိတ်တွေကိုဖမ်းဆီးပြီး မြိတ်ဆိပ်ကမ်းမှာ မကြာခဏ လာရောက်ရောင်းချနေတဲ့ တံငါသည်တွေရှိသလို ၀ယ်ယူနေသူတွေလည်းရှိနေတာ ဖြစ်ပါတယ်။
ငါးတွေကိုဝယ်ပြီး တဆင့်ပြန်လည်ရောင်းချနေသူ ဒေါ်လှအေးက "ကျမတို့မသိဘဲ လွန်ခဲ့တဲ့တလက ၀ယ်လိုက်မိတယ် လာရောင်းတဲ့ တံငါသည်တွေကိုလည်း မမေးလိုက်မိဘူး။ ဘယ်လှေကဖြစ်မယ် မသိပါဘူး။ အခုကျမတို့ မ၀ယ်တာ တလလောက် ရှိပါပြီ"လို့ ဆိုပါတယ်။
ငါးလုပ်ငန်းဦးစီးဌာနက တားမြစ်ထားတဲ့ ရေနေ သတ္တ၀ါတွေထဲမှာ ပင်လယ်လိပ်၊ လင်းပိုင်၊ ငါးမန်း၊ရေ၀က်၊ဝေလငါးနဲ့ သန္တာကျောက်ခက်တွေ ပါဝင်ပြီး အဆိုပါရေနေ သတ္တ၀ါတွေကို ဖမ်းဆီးရောင်းချပါက ထောင်ဒဏ် ၁၀ နှစ်အထိ ကျခံရနိုင်တယ်လို့ သိရပါတယ်။
သတင်း- မြတ်ထွဋ် (မြိတ်)
