"မီ" ရုပ်ရှင်ဇာတ်ကားကြီးရဲ့ ဇာတ်ညွှန်းကို စိတ်ကူးချိုချိုစာပေက စာအုပ်အဖြစ် ထုတ်ဝေ သွားမယ်လို့ ရုပ်ရှင်သရုပ်ဆောင် ပိုင်ဖြိုးသုက သူ့ရဲ့ လူမှုကွန်ရက်မှာ ရေးသားထားပါတယ်။

ခုလိုစာအုပ်ထုတ်ဝေမှာဖြစ်တဲ့အတွက် ခင်ပွန်းဖြစ်သူ  ဇာတ်ညွှန်းရေးဆရာ/ဒါရိုက်တာ ကိုဏကြီး အတွက် အလွန်ဂုဏ်ယူမိတယ်လို့လည်း မင်းသမီး ပိုင်ဖြိုးသုက ဆိုပါတယ်။

ဒါ့အပြင် "မီ" ရုပ်ရှင်ဇာတ်ကားရဲ့ ဂီတမှူး ဆရာမြင့်သန်းထွန်းရဲ့ original score CD ကိုလည်း The Sun Music Production က ထုတ်ဝေတော့မယ်လို့လည်း သိရပါတယ်။

စာရေးဆရာမကြီး ကြည်အေးရဲ့ ၀တ္ထုကို ပြန်လည်အသက်သွင်းရိုက်ကူးထားတဲ့ "မီ" ရုပ်ရှင်ဇာတ်ကားကြီးဟာ ရုံတင်ချိန်မှာ အနုပညာအရရော ၀င်ငွေအရပါ အောင်မြင်မှုရခဲ့တဲ့ ဇာတ်ကားဖြစ်ပါတယ်။

ပြီးခဲ့တဲ့ အကယ်ဒမီရုပ်ရှင်ထူးချွန်ဆုပေးပွဲမှာ ဇာတ်ညွန်း၊ ဒါရိုက်တာ၊ အမျိုးသမီး ဇာတ်ဆောင်ဆုနဲ့ ၀တ်စားဆင်ယင်မှုနဲ့ ပတ်သက်တဲ့ဆုတွေ ရနိုင်တယ်လို့ ရုပ်ရှင်အကဲခတ်တွေနဲ့ ပရိတ်သတ်တွေ  ထင်ကြေးပေးခဲ့ပေမယ့် ဆုတဆုမှ ရရှိခဲ့ခြင်းမရှိပါဘူး။