တရားရုံးတွေမှာ အမှုတွေကို သတ်မှတ်ထားတဲ့ အချိန်အတွင်း အမြန်ဆုံး ပြီးပျက်အောင် ဆောင်ရွက်တဲ့နေရာမှာ အထောက်အကူ ပြုစေမယ့် မှုခင်းခြေရာကောက်စနစ် (Case Tracking Database) သင်တန်းကို ပဲခူးတိုင်းတရားလွှတ်တော်မှာ သင်ကြားပို့ချနေပါတယ်။
အမှုစစ်ဆေးနေတဲ့ အခြေအနေတွေ အလွယ်တကူ သိရှိနိုင်ဖို့အတွက် ကွန်ပျူတာနဲ့ မှတ်တမ်းတင်ထားတဲ့ နည်းစနစ်ကို ပဲခူးတိုင်းဒေသကြီး တရားလွှတ်တော်အစည်းအဝေးခန်းမမှာ မတ်လ ၃၀ ရက်နေ့နဲ့ ၃၁ ရက် ၂ ရက် သင်ကြားပေးနေတာပါ။
ဒီစနစ်က မှုခင်းစီမံခန့်ခွဲမှုစနစ်ရဲ့ အစိတ်အပိုင်းဖြစ်တယ်လို့ ပဲခူးတိုင်းဒေသကြီး တိုင်း တရားလွှတ်တော် တိုင်းတရားရေး ဦးစီးမှူး ဦးမြင့်ဆန်းက ပြောပါတယ်။
ပဲခူးတိုင်းဒေသကြီး တရားလွှတ်တော် တိုင်းတရားဦးစီးမှူး ဦးမြင့်ဆန်းက “ဒီသင်တန်းကို ပဲခူးတိုင်း တရာလွှတ်တော်နဲ့ USAID တို့ ပူးပေါင်းကျင်းပတာဖြစ်ပြီး သင်တန်းကိုတော့ USAID က သင်တန်းဆရာတွေက သင်ကြား ပို့ချပေးနေတာပါ။ လက်ရှိမှာ ပြည်ထောင်စု တရားလွှတ်တော်ချုပ်က တရားစီရင်ရေးဆိုင်ရာ ပြုပြင်ပြောင်းလည်းမှု ၂၀၁၈ -၂၀၂၂ (၅)နှစ်တာ မဟာဗျူဟာ စီမံကိန်းကို ချမှတ်ပြီး ဆောင်ရွက်နေတယ်”လို့ ပြောပါတယ်။
ဒီသင်တန်းကို ပဲခူးခရိုင်နဲ့ တောင်ငူခရိုင်က ခရိုင်/မြို့နယ်တရာသူကြီးတွေနဲ့ တရားရေးဝန်ထမ်း ၅၀ လောက် တက်ရောက်ခဲ့ကြပါတယ်။
သင်တန်းကို မတ်လ ၃၀ ရက်နေ့ ကနေ ၃၁ ရက်နေ့ အထိ ၂ ရက်တာ ကျင်းပသွားမှာ ဖြစ်ပြီး ပဲခူးတိုင်းအနောက်ခြမ်းဖြစ်တဲ့ ပြည်ခရိုင်နဲ့ သာယာဝတီခရိုင်တွေကိုတော့ နိုဝင်ဘာလ ထဲမှာ သွားရောက်ပို့ချပေးသွားမှာပါ။
၂၀၂၁ ခုနှစ်ကျရင်တော့ ပဲခူးတိုင်း တတိုင်းလုံးအနေနဲ့ ထပ်မံပို့ချသွားမယ်လို့ သိရပါတယ်။
