ရုပ်ရှင်အစည်းအရုံးက တောင်းဆိုချက်ကို လိုက်လျောတဲ့အနေနဲ့ ပြန်ကြားရေးဝန်ကြီးဌာနဟာ အကယ်ဒမီဆုပေးပွဲကို ရန်ကုန်မှာ ကျင်းပခွင့်ပြုလိုက်ကြောင်း အစည်းအရုံးဥက္ကဋ္ဌ ဦးဇင်ဝိုင်းက ဒီဗွီဘီကို အတည်ပြုပြောဆိုပါတယ်။
အကယ်ဒမီဆုပေးပွဲကို နေပြည်တော်မှာ ကျင်းပရင် အနုပညာသမားတွေ သွားလာတည်းခိုရတဲ့ စရိတ် အများအပြား ကုန်ကျခြင်း၊ ရုပ်ရှင် အစည်းအရုံးကိုယ်တိုင်လည်း ကျပ်ငွေ သိန်းရာချီ ကုန်ကျခြင်း၊ သက်ကြီးဝါရင့် အနုပညာသည်တွေ မတက်ရောက်နိုင်ခြင်း စတဲ့အချက်တွေကြောင့် ရန်ကုန်မှာ ကျင်းပခွင့်ပေးဖို့ ၂ ကြိမ်တောင်းဆိုခဲ့တာကြောင့် အခုလို ကျင်းပခွင့်ရတာ ဖြစ်ပါတယ်။
၂၀၁၁ ခုနှစ်မှာ ရုံတင်ပြသခဲ့တဲ့ ရုပ်ရှင်ဇာတ်ကားတွေအတွက် အကယ်ဒမီဆုပေးပွဲကို လာမယ့် ဒီဇင်ဘာ ၃၀ ရက်နေ့မှာ ကျင်းပမယ်လို့ ပြန်ကြားရေးဝန်ကြီးဌာနက ထုတ်ပြန်ကြေညာထားပါတယ်။ အရင်စစ်အစိုးရ လက်ထက်တုန်းကတော့ မြို့တော်ကို နေပြည်တော် ပြောင်းရွှေ့ပြီးနောက်ပိုင်း အကယ်ဒမီဆုပေးပွဲတွေကိုလည်း နေပြည်တော်မှာ ကျင်းပခိုင်းခဲ့တာ ဖြစ်ပါတယ်။
