ဖွဲ့စည်းပုံပြင်ဆင်ရေးပူးပေါင်းကေ်ာမတီရဲ့ အစည်းအဝေးတွေကို ဒီနေ့ ပြုလုပ်တဲ့ ကော်မတီရဲ့ ၈ ကြိမ်မြောက် အစည်းအဝေး အပြီးမှာ ရပ်နားလိုက်ပြီး သင်္ကြန်ပိတ်ရက်အပြီး ဧပြီလ ၂၂ ရက်ကျမှ ပြန်လည်စတင်မှာ ဖြစ်ပါတယ်။
ကော်မတီမှာပါဝင်တဲ့ အန်အယ်လ်ဒီ ကိုယ်စားလှယ် ဦးအောင်ကြည်ညွန့်က "အမှန် နဂိုအစည်းအဝေးက ၂၆ ရက်နေ့လောက်အထိ ရှိမယ်လို့ ဆွဲထားတာလေ။ အခုက ပုံမှန်လေးသွားနေတော့ အဆင်ချောချောလေးနဲ့ သွားနေတဲ့အတွက် ဒီကြားထဲမှာ ဖြတ်လိုက်တာ။ တချို့လည်း မဲဆန္ဒရှင်တွေဆီ သွားဖို့ ရှိတယ် " လို့ ပြောပါတယ်။
ဒီကနေ့ ၈ ကြိမ်မြောက်ကျင်းပတဲ့ အစည်းအဝေးမှာတော့ ၂၀၀၈ ဖွဲ့စည်းပုံရဲ့ အခန်း ၄ ပြင်ဆင်ချက်တွေနဲ့ ပတ်သက်ပြီး ဆွေးနွေးပြီးသွားပြီလို့ သိရပါတယ်။
ပြန်လည်စတင်မယ့် အစည်းအဝေးမှာတော့ ဖွဲ့စည်းပုံ အခန်း ၅ အုပ်ချုပ်ရေးအခန်းအတွက် ပြင်ဆင်ချက်တွေ တင်ကြမှာဖြစ်ပါတယ်။ ပူးပေါင်းကေ်ာမတီရဲ့ အစီရင်ခံစာကို ၅ လအတွင်းပြီး နိုင်အောင် ကြိုးစားဆောင်ရွက်နေတယ်လို့လည်း ပူးပေါင်း ကော်မတီ ဥက္ကဋ္ဌ လွှတ်တော် ဒုတိယနာယက ဦးထွန်းထွန်းဟိန်က ပြောပါတယ်။
"အစီရင်ခံစာကတော့ Target ထဲဝင်အောင်ပေါ့။ အန်ကယ်တို့ကို တာဝန်ပေးထားတဲ့ ရက်ရှိပါတယ်။ အန်ကယ် မှတ်မိသလောက် ၁၇ ရက်၊ ၇ လထင်တယ်။ အဲ့ဒီ Target ထဲဝင်အောင် အန်ကယ်တို့ ကြိုးစားပါ့မယ်။ ဒီပုံစံအတိုင်းဆို ဝင်ပါမယ်လို့ အန်ကယ်တို့က မျှော်လင့်ပါတယ်" လို့ ပြောပါတယ်။
ဧပြီလမှာ ပြန်လည်စတင်မယ့် အစည်းအဝေးမှာတော့ ဖွဲ့စည်းပုံ အခန်း ၅ ပါ အုပ်ချုပ်ရေးခေါင်းစဉ်အောက်မှာ ပြည်ထောင်စုအစိုးရအဖွဲ့ဖွဲ့စည်းတာ၊ အမျိုးသားကာကွယ်ရေးနှင့် လုံခြုံရေးကောင်စီဖွဲ့စည်းတာ၊ ပြည်ထောင်စုဝန်ကြီးနဲ့ ဒုဝန်ကြီးတွေ ခန့်အပ်တာဝန်ပေးတာ တွေနဲ့ ပတ်သက်ပြီး ပြင်ဆင်ချက်တွေ တင်သွင်းကြဖို့လည်း ရှိပါတယ်။
