လာမယ့် ဧပြီလထဲမှာ ကျင်းပဖို့ရှိတဲ့ အဆိုတော် စိုင်းစိုင်းခမ်းလှိုင်ရဲ့ မွေးနေ့အထိမ်းအမှတ် ဂီတဖျော်ဖြေပွဲ လက်မှတ်တွေကို တက္ကသိုလ်စာမေးပွဲတွေ ဖြေဆိုပြီးချိန်မှ စတင်ရောင်းချသွားမယ်လို့ သူ့ရဲ့ပရိသတ်တွေကို အသိပေး ကြေညာထားပါတယ်။
စိုင်းစိုင်းခမ်းလှိုင်ဟာ လာမယ့် ဧပြီလ ၁၀ ရက်နေ့မှာ အသက် ၄၀ ပြည့်မှာဖြစ်ပြီး ခုလို မွေးနေ့အထိမ်းအမှတ် ဖျော်ဖြေပွဲတွေ နှစ်စဉ်ကျင်းပလာခဲ့တာ ၁၅ ကြိမ်မြောက် ရှိလာခဲ့ပြီ ဖြစ်ပါတယ်။
အခုနှစ်ရဲ့ ရှိုးပွဲလက်မှတ်တွေမရမှာ စိတ်ပူနေကြမယ့် သူ့ပရိသတ်တွေကို ဖေ့စ်ဘွတ်ခ်စာမျက်နှာပေါ်ကတဆင့် ခုလို ရေးသား အသိပေးထားခဲ့တာပါ။
“စိတ်ချ လက်ချ စာကျက်ပါ… စာမေးပွဲပြီးမှ လက်မှတ်စရောင်းပါမယ်… Early Bird အစီအစဉ်ရှိပါတယ်… အမှတ်တရလက်ဆောင် ဟဲဗီး စီစဉ်နေပါတယ်… လက်မှတ်ဈေးနှုန်းနဲ့ ရောင်းချမယ့်နေရာ ကြေညာပါမယ်… အဓိကကတော့ April 10 ရက်နေ့ညကို အားထားဖို့ပါပဲ… Official Poster မကြာမီ လာမည်… #Bdayshow19”
စိုင်းစိုင်းလို့ ချစ်စနိုးခေါ်ကြတဲ့ ပရိသတ်အချစ်တော် အဆိုတော် စိုင်းစိုင်းခမ်းလှိုင်ဟာ ပြီးခဲ့တဲ့ ၂၀၁၈ တနှစ်တာအတွင်း အနုပညာလှုပ်ရှားမှုတွေနဲ့အတူ ပရိသတ်ရဲ့ နှလုံးသားကို သိမ်းပိုက်နိုင်ခဲ့သူ ဖြစ်ပါတယ်။
မြန်မာဆိုရှယ်မီဒီယာဖွံ့ဖြိုးရေးအဖွဲ့ (SMDM) က ထုတ်ပြန်တဲ့ သုတေသန ထုတ်ပြန်ချက်မှာတော့ စိုင်းစိုင်းခမ်းလှိုင်ဟာ မြန်မာနိုင်ငံရဲ့ ထင်ပေါ်ကျော်ကြား လူသိများတဲ့ အနုပညာရှင်တွေထဲမှာ ဖေ့စ်ဘွတ်ခ်လူမှုကွန်ရက်မှာ ပရိသတ်အများဆုံး ၈ သန်းကျော်နဲ့ ထိပ်ဆုံးနေရာက ရပ်တည်နေတယ်လို့ ဆိုပါတယ်။
တနှစ်တာ ဂီတထူးချွန်ဆုတွေ ပေးအပ်ချီးမြှင့်တဲ့ စီးတီးအက်ဖ်အမ်ရဲ့ ဆုချီးမြှင့်ပွဲမှာလည်း သူက ၂၀၁၈ တနှစ်တာ ရောင်းအားအကောင်းဆုံး စတီရီယိုတေးစီးရီးသီဆိုသူ (အမျိုးသား) တေးသံရှင်ဆုကို Sai Sai Is Sai Sai အယ်လ်ဘမ်နဲ့ ဆွတ်ခူးရရှိခဲ့တာ ဖြစ်ပါတယ်။
၁၉၉၆ ခုနှစ်လောက်ကတည်းက အနုပညာလောကထဲကို မော်ဒယ်လ်ဘဝနဲ့ စတင်ဝင်ရောက်ခဲ့သူ စိုင်းစိုင်းခမ်းလှိုင်ဟာ ၂၀၀၀ ပြည့်နှစ်မှာ ပထမဆုံးထွက်ရှိခဲ့တဲ့ ချောကလက်ရောင် ရေခဲအိပ်မက် တေးစီးရီးနဲ့ စတင်လူသိများလာခဲ့တာပါ။
အဲဒီနောက်မှာတော့ သူငယ်ချင်းများစွာ၊ ဖေဖော်ဝါရီမှတ်တမ်း၊ Sai Sai Live Show၊ စိုင်းစိုင်းဟုခေါ်သည်၊ Happy Sai Sai Birthday၊ အမြဲတမ်းဂေါ်လီ Ever Golli၊ ဒိတ်ဒိတ်ကြဲ စတဲ့ တကိုယ်တော် တေးအယ်လ်ဘမ်တွေအပြင် အတွဲသီချင်းခွေပေါင်း များစွာမှာလည်း သီဆိုအောင်မြင်ခဲ့သူပါ။
စက္ကူငှက်၊ ကံကိုဆွဲ၍ မှုန်းသီခြယ် မင်ရည်ကျဲ၏ မကျဲ၏ စတဲ့ ကိုယ်တိုင်ရေးဝတ္ထုတွေလည်း ထွက်ရှိခဲ့ဖူးတဲ့ စိုင်းစိုင်းခမ်းလှိုင်ဟာ အာဒံရယ်၊ ဧဝရယ်၊ ဒဿရယ်၊ အေဒင်ရဲ့ ကချေသည်၊ ကြာတော့သည်လည်း မောင့်စကား စတဲ့ နာမည်ကြီး ရုပ်ရှင်ကားတွေမှာလည်း ပါဝင်သရုပ်ဆောင်ခဲ့ပါတယ်။
သူဟာ တခြားစီးပွားရေးတခုအနေနဲ့ နှုတ်ခမ်းနီမလေးတွေအကြိုက် Sai နှုတ်ခမ်းနီကိုလည်း ထုတ်လုပ်ခဲ့ကာ လက်ရှိအချိန်ထိ ပရိသတ်ရဲ့ အခိုင်အမာအားပေးမှုကို ဆယ်စုနှစ်နဲ့ချီ ရရှိထားခဲ့သူတဦး ဖြစ်ပါတယ်။
သူ့ရဲ့ တနှစ်နဲ့တနှစ် မတူအောင် ကွဲပြားခြားနားတဲ့ တီထွင်ဆန်းသစ်မှုတွေနဲ့ ဖျော်ဖြေခဲ့တဲ့ မွေးနေ့ရှိုးတွေဟာလည်း အောင်မြင်ခဲ့ပါတယ်။
