မြန်မာ့ခရီးသွားလုပ်ငန်း ဖွံ့ဖြိုးတိုးတက်ဖို့နဲ့ မြန်မာနိုင်ငံအကြောင်းကို ပိုမိုသိရှိပြီး ကိုရီးယား -မြန်မာ၂ နိုင်ငံ သံတမန်ဆက်ဆံရေး တည်တံ့ဖို့အတွက် ကျင်းပနေတဲ့ ကိုရီယားနေ့ကို မတ်လ ၉ ရက်နေ့ကနေ ၁၀ ရက်နေ့အထိ ရန်ကုန်မြို့ လော်တီဟိုတယ်မှာ ကျင်းပနေပါတယ်။
ကိုရီးယားနေ့ကိုတော့ ဟိုတယ်နဲ့ ခရီးသွားလာရေးဝန်ကြီးဌာန၊ သက်ဆိုင်ရာ ကိုရီးယားအဖွဲ့အစည်းတွေ၊ အစိုးရအဖွဲ့အစည်းတွေနဲ့ မြန်မာနိုင်ငံ ခရီးသွားလုပ်ငန်းလုပ်ငန်းရှင်များ အသင်းတို့က ဦးဆောင်ကျင်းပနေတာပါ။
ကိုရီးယားနေ့မှာတော့ ကိုရီးယားယဉ်ကျေးမှုနဲ့ အစားအစာတွေ၊ ကိုရီးယားအဆိုတော်တွေနဲ့ မြန်မာအဆိုတော်အဖွဲ့တွေက သီဆိုဖျော်ဖြေ ကပြ တက်ဆက်နေပါတယ်။
၂၀၁၈ ခုနှစ်ကုန်အထိ စာရင်းတွေအရ ကိုရီးယား ခရီးသွားဧည့်သည် ၆၈ ရာခိုင်နှုန်းကျော် ကျော်လောက် မြန်မာနိုင်ငံကို လာရောက်လည်ပတ်ခဲ့ပြီး ၂၀၁၉-၂၀၂၀အတွင်းမှာ ကိုရီးယား ခရီးသွားဧည့်သည် အယောက် ၁ သိန်းဝင်ရောက်ဖို့ မျှော်မှန်းထားတယ်လို့ ပြောပါတယ်။
