ဘင်္ဂလားဒေ့ရ်ှနိုင်ငံမှာ ထိမ်းသိမ်းခံထားရတဲ့ မြန်မာလုံခြုံရေးတပ်ဖွဲ့ဝင် တဦးကို ဘင်္ဂလားဒေ့ရ်ှနယ်ခြားစောင့်တပ်ဖွဲ့က မြန်မာဘက်ကို တရားဝင် ပြန်လည် လွှဲပြောင်း ပေးအပ်ခဲ့ တယ်လို့ ဘင်္ဂလားဒေ့ရှ် သတင်းတွေမှာ ဖော်ပြပါတယ်။
ဘင်္ဂလားဒေ့ရ်ှနယ်စပ်ကို ကျူးကျော်ဝင်ရောက်မှုနဲ့ ဖမ်းဆီးထားတဲ့ မြန်မာ တပ်ရင်း ၂၈၇ မှ တပ်သားအောင်ဘိုဘိုသိန်းကို မတ်လ ၃ ရက် မနက် ၁၁ နာရီက တောင်ပြိုလက်ဝဲမြို့မှာ တပ်ရင်းမှူးအဆင့် တွေ့ဆုံပွဲလုပ်ပြီး နှစ်နိုင်ငံ ချစ်ကြည်ရေးတားကနေ လွှဲပြောင်း ပေးအပ်လိုက်တာလို့ သတင်းမှာ ရေးပါတယ်။
ဘင်္ဂလားဒေ့ရှ် နယ်ခြားစောင့်တပ်ဖွဲ့ရဲ့ စစ်ဆေးချက်အရ တပ်သား အောင်ဘိုသိန်းဟာ ရန်ကုန်မြို့မှာ နေထိုင်သူဖြစ်ပြီး မောင်တောမြို့နယ် ဗန္ဓုလစခန်းမှာ တာဝန်ကျနေရာကနေ ဇန်နဝါရီ ၂၄ ရက်က ဘင်္ဂလားဒေ့ရ်ှဘက် ၀င်ရောက် လာခဲ့တာလို့ ဆိုပါတယ်။
တပ်သား အောင်ဘိုဘိုသိန်းကို အမြန်ဆုံး ပြန်လည်လွှဲပြောင်းပေးအပ်ဖို့ မြန်မာနိုင်ငံ ခြားရေးဌာန နိုင်ငံရေးရာဦးစီးဌာန ညွှန်ကြားရေးမှူးချုပ် ဦးစိုးဟန်က မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီးကို ဖေဖော်ဝါရီ ၂၁ ရက်က နေပြည်တော်မှာ ခေါ်ယူတွေ့ဆုံ တောင်းဆို ထားခဲ့ပါတယ်။
ဘင်္ဂလားဒေ့ရှ် သံအမတ်ကြီးကလည်း မြန်မာတပ်သားကို ဥပဒေကြောင်းအရ အရေးယူမှုတွေမလုပ်ဘဲ ဘင်္ဂလားဒေ့ရှ် ပြည်တွင်းလုပ်ငန်းစဉ်တွေနဲ့အညီ လိုအပ်တာတွေ ဆောင်ရွက်ပြီးရင် မြန်မာဘက်ကို ပြန်လည်လွှဲပြောင်းသွားမယ်လို့ ကတိပေးပြောထားပါတယ်။
