ဘန်ကောက်မြို့မှာ ဖမ်းဆီးထိန်းသိမ်းခံထားရတဲ့ မြန်မာအိမ်အကူအမျိုးသမီးဟာ အလုပ်ရှင်ဆီက ဘတ်ငွေ ၁ သိန်း ခိုးယူခဲ့တာမဟုတ်ဘဲ လိင်ပိုင်းဆိုင်ရာ စော်ကားခံရတာကြောင့် ထွက်ပြေးခဲ့တာလို့ အေအေစီက ပြောပါတယ်။
ထိုင်းနိုင်ငံ ဘန်ကောက်မှာ ပြီးခဲ့တဲ့ ရက်ပိုင်းက မြန်မာသန့်ရှင်းရေးအလုပ်သမတဦးက အိမ်ရှင်ရဲ့ ဘတ်ငွေ ၁ သိန်း ခိုးယူခဲ့ကြောင်း ထိုင်းသတင်းမီဒီယာတွေမှာ ဖော်ပြခဲ့ပါတယ်။
အေအေစီ အလုပ်သမားကူညီစောင့်ရှောက်ရေး မဟာမိတ်အဖွဲ့ ဥက္ကဋ္ဌ ဦးခိုင်ကြီးက တော့ အဆိုပါအမျိုးသမီးမှာ ငွေခိုးတာမဟုတ်ဘဲ အလုပ်ရှင်အမျိုးသားက လိင်ပိုင်း ဆို င်ရာစော်ကားပြီး အဓ္ဓမပြုရန်ကြံရွယ်စဉ် သူ့ဇနီးရောက်လာလို့ နုတ်ပိတ်တဲ့အနေနဲ့ ငွေပေး ခဲ့ကြောင်း၊ သူမလည်း ကြောက်လန့်ကာ ငွေယူပြီး ထွက်ပြေးခဲ့တယ်၊ ရဲတွေလာဖမ်းတော့ အဖြ စ်မှန်ကို ပြောပြပေမယ့် လက်မခံဘဲ သူခိုးဆိုပြီး စွပ်စွဲခဲ့တာလို့ ဒီဗွီဘီကို ပြောပါတယ်။
“သူက ပိုက်ဆံမခိုးရတဲ့အကြောင်း ရဲကိုပြောပေမယ့် သူ့လက်ထဲမှာ အလုပ်ရှင်အဖိုးကြီး ပေးထားတဲ့ငွေကိုတွေ့တော့ သက်သေရှိတယ်ဆိုပြီး ဖမ်းလိုက်တာတဲ့၊ အဲဒါအေအေစီအဖွဲ့ကို အကူအညီတောင်းလာပါတယ်။ ကျနော်တို့အဖွဲ့အစည်းက တရားဝင်မဟုတ်တော့ မြန်မာသံရုံး လုပ်သမားအရာရှိဆီ ဆက်သွယ်ခိုင်းလိုက်တယ်။ အလုပ်သမားသံအရာရှိတွေကို ဆက်သွယ်လို့ မရသေးဘူး။ ဒါနဲ့ ကျနော်လည်း ထောင်းလော်ရဲစခန်းမှာ သွားပြီး တိုင်ချက်ဖွင့်ထားပေးတယ်။ ပြီးတော့ရဲစခန်းက လ၀ကရုံးချုပ်ကို လိုက်သွားခိုင်းတာ ဟိုရောက်တော့ သတင်းထောက်တွေ အများကြီးနဲ့ သတင်းစာရှင်းလင်းနေပြီ။ အချုပ်ခန်းကိုလိုက်သွားတော့ ရဲကခိုးမှုနဲ့ ပြည်နှင်ဒဏ်ပေး မယ်လို့ ပြောတယ်၊ သူ့အမျိုးသားလည်း အလိုတူပါအဖြစ်နဲ့ ပတ်စပို့စာအုပ်တွေ အသိမ်းခံရပြီး မြန်မာပြည်ပြန်ပို့ခံရမယ်လို့ ပြောတယ်။”
နန်းဆွေဇင်မာကတော့ အဆိုပါ ကွန်ဒို တိုက်ခန်းမှာ သန့်ရှင်းရေးလုပ်ဖို့ သူငယ်ချင်းအဆက်အသွယ်နဲ့ အလုပ်ဝင်ခဲ့ကြောင်း၊ အလုပ်ဝင်ပြီး ၂ ရက်အကြာ အိပ်ခန်းထဲ သန့်ရှင်းရေးဝင်လုပ်စဉ် အသက် ၆၀ အရွယ် သူဌေးက ၀င်ရောက်လာကာ သူမကို လိင်ပိုင်းဆိုင်ရာစော်ကာပြီး အဓမ္မပြုဖို့ ကြိုးစားလို့ ရုန်းရင်း ဆန်ခတ်ဖြစ်စဉ် သူဌေးကတော် အပြင်ကပြန်ရောက်လာတာကြားလို့ သူဌေးက စာအိတ်အနီရောင်ပေးပြီး အဲဒီကိစ္စ ဘယ်သူ့ကိုမှမပြောဖို့ နုတ်ပိတ်ခဲ့တယ်လို့ ပြောပါတယ်။
သူမလည်း ငွေပါတဲ့ စာအိတ်ကိုယူထားလိုက်မိပြီး သူဌေးကတော်ကိုလည်း မပြောရဲကြောင်း၊ အဲဒီအိမ်ကနေ ထွက်ခွာဖို့ ဆုံးဖြတ်ပြီး ယောက္ခမဆုံးတယ်လို့ လိမ်ပြောကာ သူဌေးမ သိမ်းထားတဲ့ ပတ်စပို့ပြန်ရတာနဲ့ ထွက်လာခဲ့ကြောင်း၊ ငွေကိုတော့ သူ့ကို အလုပ်ရှာပေးတဲ့ သူငယ်ချင်း ဆီ အကျိုးအကြောင်းပြောပြီး အပ်ထားခဲ့ကာ သူမအမျိုးသားနဲ့ လာနေစဉ် အဖမ်းခံရတာလို့ ပြော ပါတယ်။
အေအေစီအဖွဲ့ကတော့ သူမကို မြန်မာပြည်ပြန်မပို့ဘဲ ထောင်ချပါက ရှေ့နေတွေနဲ့တိုင်ပင်ပြီး တရားရင်ဆိုင်ပေးလိုကြောင်း၊ မြန်မာပြည်ပြန်ပို့ခံရရင်တော့ နယ်စပ်တနေရာမှာ ဖြစ်ရပ်မှန်ကို သတင်းစာရှင်းလင်းပြောပြနိုင်ဖို့ စီစဉ်ပေးမယ်လို့ ပြောသွားပါတယ်။
ဒီကိစ္စနဲ့ ပတ်သက်ပြီး ဒီဗွီဘီက ထိုင်းမြန်မာသံရုံး၊ အလုပ်သမားသံအရာရှိ ဦးစန်းမောင်ဦး ၀၉ ၄၈၈၄ ၅၄၈၄ နဲ့ ဦးသန်းနိုင် ၀၆ ၅၂၂၀ ၅၉၅၂ တို့ကို မေးမြန်းဖို့ အကြိမ်ကြိမ်ဆက်သွယ်ပေမယ့် မရခဲ့ပါဘူး။
