၂၀၀၈ ဖွဲ့စည်းပုံပြင်ဆင်ရေး ထောက်ခံတဲ့ လူထုလှုပ်ရှားမှုတခုကို ဖေဖော်ဝါရီ ၂၇ ရက်က ရန်ကုန်မြို့လယ်ကောင် မဟာဗန္ဓုလပန်းခြံမှာ ကျင်းပခဲ့ပါတယ်။

ဒီလှုပ်ရှားမှုကို အန်အယ်လ်ဒီပါတီဝင်တွေ၊ လူမှုရေးအသင်းအဖွဲ့အစည်းတွေနဲ့ ၂၀၀၈ ဖွဲ့စည်းပုံကို ပြင်ဆင်လိုတဲ့ အသင်းအဖွဲ့အသီးသီးက လူအင်အား ထောင်နဲ့ချီ ပါဝင် တက်ရောက်ခဲ့ကြပါတယ်။

၈၈ မျိုးဆက်ကျောင်းသားခေါင်းဆောင် ကိုမြအေး၊ စာရေးဆရာ ထင်လင်းဦးနဲ့ တေးရေးဆရာ နိုင်မြန်မာ အပါအဝင် နိုင်ငံရေး၊ လူမှုရေး၊ အနုပညာလောကက ထင်ရှားသူတွေလည်း တက်ရောက်ဟောပြောခဲ့ကြပါတယ်။

၂၀၀၈ ဖွဲ့စည်းပုံပြင်ဆင်ရေးအတွက် ထောက်ခံတဲ့ လူထုလှုပ်ရှားမှုတွေကို အခုလဆန်းပိုင်းက စတင်ပြီး မြန်မာနိုင်ငံတဝန်းမှာ ဆက်တိုက်ပြုလုပ်နေတာ ဖြစ်ပါတယ်။

သတင်း၊ ဓာတ်ပုံ - သားကြီးမောင်ဇေယျ