အလုပ်သမား ဥပဒေတွေပြင်ဆင်တဲ့အခါ အလုပ်သမားထုရဲ့ ဆန္ဒသဘောထားတွေပါဝင်ဖို့ မန္တလေးမြို့ ပြည်ကြီးတံခွန်မြို့နယ်မှာ ဖေဖော်ဝါရီလ ၁၇ ရက်နေ့ မနက်က အလုပ်သမား ၇၀၀ ကျော်က ဆန္ဒပြတောင်းဆိုခဲ့ကြပါတယ်။
အလုပ်သမားရေးရာ ဖြေရှင်းရေးဥပဒေကို ဒုတိယအကြိမ် ပြင်ဆင်တဲ့ဥပဒေ (မူကြမ်း) နဲ့ အလုပ်သမားအဖွဲ့အစည်းဥပဒေတွေကို ဒုတိယအကြိမ် ပြင်ဆင်ခဲ့တဲ့ ဥပဒေ (မူကြမ်း)တွေမှာ အလုပ်သမားထုရဲ့ အသံများပါဝင်စေရေး နိုင်ငံ့ဝန်ထမ်းတွေကို အလုပ်သမားအဖြစ် သတ်မှတ်ပေးရေး၊ ထိရောက်တဲ့ ပြစ်ဒဏ်တွေ ထည့်သွင်းပေးရေး စတဲ့အချက်တွေကို တောင်းဆိုခဲ့ကြပါတယ်။
မြန်မာနိုင်ငံ စက်မှုလက်မှုနဲ့ ဝန်ဆောင်မှုလုပ်ငန်းပေါင်းစုံ အလုပ်သမားများ သမဂ္ဂအဖွဲ့ချုပ်က လက်ထောက်အတွင်းရေးမှူး (၁) ကိုနေလင်းအောင်က “ကျနော်တို့ ရန်ကုန်မှာလည်း တောင်းဆိုပြီးပြီ၊ ခုမန္တလေးမှာ ဆက်လက်တောင်းဆိုတာ ဖြစ်တယ်။ အလုပ်သမား ဥပဒေတွေမှာ အလုပ်သမားအသံတွေ မပါတာရယ်၊ အလုပ်သမား ခေါင်းဆောင်တွေ အလုပ်ထုတ်ခံရမှု နှုန်းထားတွေ မြင့်တက်လာတာရယ်တွေကြောင့် အခုလို ဆန္ဒပြတောင်းဆိုရတာ” လို့ ပြောပါတယ်။
ဆန္ဒပြအလုပ်သမားတွေကို ပြည်ကြီးတံခွန်၊ ချမ်းမြသာစည်၊ မဟာအောင်မြေမြို့နယ်က မြို့နယ်ရဲတပ်ဖွဲ့မှူး၊ မြိုနယ်အုပ်ချုပ်ရေးမှူးနဲ့ တာဝန်ရှိသူများက တားမြစ်ခဲ့ပေမယ့် ဆက်လက်ဆန္ဒပြတောင်းဆိုခဲ့ကြပါတယ်။
“ကျနော်တို့က သက်ဆိုင်ရာကို ငြိမ်းစုစီတင်ခဲ့ပါတယ်။ ဒါပေမယ့် ဒေသန္တရဥပဒေအရ ခွင့်မပြုဘူးတဲ့။ ကျနော်တို့အလုပ်သမားတွေ မြို့နယ်တိုင်းမှာရှိနေတယ်၊ အများအပြား အလုပ်ဖြုတ်ခံထားရတယ်။ အလုပ်ဖြုတ်ခံရတာကလည်း သမဂ္ဂအဖွဲ့ဝင်တွေချည်းပါပဲ။ အမျိုးသားဒီမိုကရေစီ အစိုးရလက်ထက်မှာ အလုပ်သမားသမဂ္ဂအဖွဲ့ချုပ်ခေါင်းဆောင်တွေ အလုပ်ထုတ်ခံရတဲ့နှုန်းထားက အင်မတန်မှ မြင့်တက်လာပါတယ်။ ဒါတွေကိုလည်း ပြေလည်အောင် ဖြေရှင်းမပေးနိုင်ဘူး။ ဒါကြောင့် အခုလိုဆန္ဒပြတောင်းဆိုရတာဖြစ်တယ်” လို့ မြန်မာနိုင်ငံစက်မူလက်မှုနဲ့ ဝန်ဆောင်မှုလုပ်ငန်းပေါင်းစုံ အလုပ်သမားသမဂ္ဂ အထွေထွေ အတွင်းရေးမှူးချုပ် ကိုသက်နှင်းအောင်က ပြောပါတယ်။
အလုပ်သမားတရားရုံးများပေါ်ပေါက်ရေး၊ လွတ်လပ်စွာ သင်းပင်းဖွဲ့စည်းရေး၊ နိုင်ငံ့ ဝန်ထမ်းများအား အလုပ်သမားအငြင်းပွာမှု ဥပဒေတွင် ထည့်သွင်းရေး၊ အလုပ်သမား ဥပဒေများကို ILO စံနှုန်းနဲ့အညီ ပြင်ဆင်ရေး၊ မန္တလေးတိုင်းအတွင်း အလုပ်သမားဝန်ကြီး ခန့်အပ်ပေးရေး စတဲ့ ကြွေးကြော်သံတွေနဲ့ ပြည်ကြီးတခွန်မြို့နယ် ၆၂လမ်းအေးသုခလမ်းကနေပြီး ချမ်းမြသာစည်နဲ့ မဟာအောင်မြေမြို့်နယ်တို့ကိုဖြတ်ပြီး လမ်းလျှောက်ဆန္ဒပြခဲ့ကြတာပါ။
ခွင့်ပြုမိန့်မရဘဲ လမ်းလျှောက်ဆန္ဒပြတောင်းဆိုခဲ့ကြတဲ့ ခေါင်းဆောင် ၇ ဦးဖြစ်တဲ့ ကိုသက်နှင်းအောင်၊ ကိုနေလင်းအောင် ကိုတင့်ရှိန်စိုး၊ ဒေါ်စုစုနိုင်၊ မစိုး၊ စန္ဒမြင့် ဒေါ်ဖြိုးစန္ဒာစိုး ဦးသူရ တို့ကို ငြိမ်းစုစီပုဒ်မ (၁၉)နဲ့ အမှုဖွင့်အရေးယူသွားမယ်လို့ မန္တလေးခရိုင်ရဲတပ်ဖွဲ့မှူး ဦးမျိုးအောင်က ပြောပါတယ်။
