မန္တလေးတိုင်းဒေသကြီး၊ မန္တလေးမြို့၊ မနော်ရမ္မန်ဟစ်တိုင်ကွင်းမှာ ဖေဖော်ဝါရီ ၁၃ ရက်က ဗိုလ်ချုပ်အောင်ဆန်းရဲ့ ၁၀၄နှစ် ပြည့်မွေးနေ့နဲ့အတူ မြန်မာနိုင်ငံကလေးများနေ့ကို အမျိုးသမီးရေးရာကော်မတီက ဦးဆောင်ကျင်းပခဲ့ပါတယ်။
မန္တလေးတိုင်းဝန်ကြီးချုပ် ဒေါက်တာဇော်မြင့်မောင်က “ကျနော်တို့ မြန်မာနိုင်ငံကို လွတ်လပ်ရေးရအောင်ကြိုးပမ်းပေးခဲ့တဲ့ ဗိုလ်ချုပ်အောင်ဆန်းကို မြန်မာတနိုင်ငံလုံးက စံပြ ပုဂ္ဂိုလ်လို သတ်မှတ်ပေးထားခဲ့တယ်။ အင်္ဂလိပ်လက်အောက် ဂျပန်လက်အောက်ကနေ လွတ်မြောက်အောင်ကြိုးစားပေးခဲ့တဲ့ ဗိုလ်ချုပ်အောင်ဆန်းကို ဂုဏ်ပြုတဲ့အနေနဲ့ ဒီအခမ်းအနားကို ကျင်းပခဲ့တာပါ။ အရင်တခေတ်တခါကတော့ ဗိုလ်ချုပ်အောင်ဆန်း မွေးနေ့ကို ဒီလို ခမ်းခမ်းနားနား ကျင်းပခွင့်မရခဲ့ပါဘူး။ အဲတာဟာလည်း အရှိတရားပါပဲ။”လို့ ပြောပါတယ်။
ဖေဖော်ဝါရီလ ၁၃ ရက်နေ့ကို ဗိုလ်ချုပ်အောင်ဆန်းမွေးနေ့ကို မကျင်းပခဲ့နိုင်ပေမယ့် မြန်မာနိုင်ငံ ကလေးများနေ့ဆိုပြီး သတ်မှတ်ကျင်းပပေးခဲ့ဖူးပါတယ်။
ဖေဖော်ဝါရီလ ၁၃ ရက်နေ့ဟာ ဗိုလ်ချုပ်အောင်ဆန်းမွေးနေ့ဆိုတာ ကလေးတိုင်း၊ လူငယ်တိုင်း သိစေချင်တယ်လို့လည်း ၀န်ကြီးချုပ်က ပြောသွားပါတယ်။
“ဖေဖော်ဝါရီ ၁၃ ရက်ဆိုတာ မမေ့အပ်တဲ့နေ့ ကျနော်တို့ဗိသုကာကြီးရဲ့ မွေးနေ့နေ့ဆိုတာ ကလေးတိုင်းသိစေချင်တယ်။ ကလေးတွေရဲ့ရင်ထဲမှာ ပေါက်ဖွားစေချင်တယ်။ ကျနော်တို့ သူ့ကိုအတုယူရမယ်ဆိုသိစေချင်တယ် ဒီလို အသိတွေကိုကလေးတွေ မရနိုင်ပါဘူး မသိနိုင်ပါဘူး။ ဒီလိုသိအောင် မိဘနဲ့ ဆရာ ဆရာမတွေနဲ့အတူ သက်ဆိုင်ရာလူကြီးမိဘတွေနဲ့ တာဝန်ရှိသူတွေ ကြိုးစားပေးမှ သင်ကြားပေးမှ ဆောင်ရွက်ပေးမှသာ ကလေးတွေအသိရှိလာမှာ ဖြစ်တယ်”
ဒီကနေ့ ကလေးများနေ့မှာ စပယ်ဖူးကိုယ်ပိုင်မူကြိုကျောင်း မေတ္တာအောင်မြေ မူလတန်းကြိုကျောင်း၊ နားမကြားကျောင်း၊ အမှတ် ၉၅ ခြေမြန်တပ်ရင်းက ကိုယ့်အား ကိုယ်ကိုးကျောင်း၊ ကံတက်ကုန်းဘကကျောင်းစတဲ့ ကျောင်းတွေက ကျောင်းသားကျောင်းသူ ၅၀၀ ကျော် တက်ရောက်ခဲ့ကြပြီး ဗိုလ်ချုပ်အောင်ဆန်းမွေးနေ့ကို တေးသရုပ်ဖော်တွေနဲ့ ဂုဏ်ပြုခဲ့ကြပါတယ်။
တက်ရောက်လာတဲ့ ကလေးငယ်တွေကို ဗိုလ်ချုပ်အောင်အောင်ဆန်အထ္တုပ္ပတ္တိ စာအုပ်တွေနဲ့အတူ သမိုင်းဝင်စာစောင်တွေပေးခဲ့ပြီး သီဆိုဖျော်ဖြေခဲ့ကြတဲ့ ကလေးငယ်တွေကို ၀န်ကြီးချုပ် ဒေါက်တာဇော်မြင့်မောင်က ကျောင်းသား ကျောင်းသူတွေကို ဂုဏ်ပြုလက်ဆောင်တွေ ပေးအပ်ခဲ့ပါတယ်။
ဗိုလ်ချုပ်မွေးနေ့နဲ့အတူ မြန်မာနိုင်ငံကလေးများနေ့ကို မန္တလေးတိုင်းအစိုးရ အဖွဲ့ဝင်တွေ မြန်မာနိုင်ငံအမျိုးသမီးရေးရာကော်မတီက တာဝန်ရှိသူတွေနဲ့ ကျောင်းသားကျောင်းသူတွေ အပါအ၀င် ၇၀၀ ကျော် တက်ရောက်ခဲ့ပါတယ်။
