ရှမ်းပြည်နယ်၊ ကျောက်မဲမြို့နယ်ထဲမှာ ရှမ်းလက်နက်ကိုင်တပ်ဖွဲ့ခြင်း ပစ်ခတ်တိုက်ခိုက်မှု တွေ ဖြစ်ပွားခဲ့တာကြောင့် နေရပ်စွန့်ခွာထွက်ပြေးလာကြတဲ့ ကျောင်းသားကျောင်းသူတွေ စစ်ဘေးရှောင် စခန်းမှာ စာမေးပွဲဖြေဆိုခဲ့ကြရတာပါ။
ဖေဖော်ဝါရီ ၈ ရက်က ကျောက်မဲမြို့ရှိ ဓမ္မမေဒနီရွှေကျင်ဘုန်းတော်ကြီးကျောင်းနဲ့ အောင်ဆုပန်ဘုန်းတော်ကြီးကျောင်းတွေမှာ ခိုလှုံနေကြတဲ့ ၅ တန်း၊ ၆ တန်း၊ ၇ တန်း ကလေးငယ်တွေဟာ ဓမ္မမေဒနီရွှေကျင်ဘုန်းတော်ကြီးကျောင်းမှာ စာမေးပွဲ လက်ကျန်ဘာသာကို ဖြေဆိုခဲ့ရပါတယ်။
ပန်လော့ရွာ မူလွန်ကျောင်းအုပ်ကြီး ဒေါ်အေးအေးနှင်း က “ဖြစ်တာက သောကြာနေ့ ညက ဆိုတော့ ဖြေဖို့ကျန်တဲ့ ကလေးတွေကို ပညာရေးမှူးရဲ့ စီစဉ်ပေးမှုနဲ့ ဒီမှာပဲဖြေလိုက်တယ်။ စာမေးပွဲက လေးရက်နေ့က စဖြေတာ။ တိုက်ပွဲ အခြေအနေကြောင့် ဒီလိုဖြစ်ပေမယ့် အပြင်းအထန်ကြီးတော့ မဟုတ်ဘူး”လို့ ဆိုပါတယ်။
ရှမ်းပြည်တပ်မတော် တောင်ပိုင်း RCSS နဲ့ ရှမ်းပြည်တပ်မတော် မြောက်ပိုင်း SSPP တပ်တွေအကြားတိုက်ပွဲကြောင့် ကျောက်မဲနဲ့ ၇ မိုင်လောက်ဝေးတဲ့ ပန်လော့ရွာနဲ့ နမ့်ပျဉ်းရွာတွေက စစ်ဘေးရှောင် ၇၀၀ ကျော်ဟာ အောင်စုပန်ကျောင်းနဲ့ ဓမ္မမေဒနီ ရွှေကျင် ဘုန်းတော်ကြီးကျောင်းတွေမှာ ယာယီ ခိုလှုံနေကြရတာပါ။
အဲ့ဒီ စစ်ရှောင် ၇၀၀ ကျော်ထဲမှာ ပညာသင်ကြားနေတဲ့ ကျောင်းသူကျောင်းသားပေါင်း ၁၆၀ ကျော်ပါဝင်ပြီး အလယ်တန်းကျောင်းသားတွေဟာ ဖေဖော်ဝါရီ ၄ ရက်နေ့က စတင် စာမေးပွဲဖြေဆိုခဲ့ကြတာ ဖြစ်ပါတယ်။
စစ်ဘေးရှောင်လာသူတဦးက “ဘယ်ချိန်ပြန်နိုင်မယ်ဆိုတာကတော့ မသေချာသေးဘူး။ ဒါပေမယ့် ဖြစ်နိုင်ရင်တော့ သူတို့တွေ မြန်မြန်ပြန်ချင်ကြတယ်။ ရွာမှာ ကျွဲနွား ကျန်ခဲ့တယ်။ ပြောင်းတွေလဲ ချိုးပြီးပြီး ကြိတ်ဖို့တွေ ကျန်သေးတယ်။”
RCSS နဲ့ SSPPတို့ တိုက်ပွဲကြောင့် ပန်လော့ရွာနဲ့ နမ့်ပျဉ်းရွာတွေအနေနဲ့ စစ်ရှောင်ရတာဟာ ပထမဆုံးအကြိမ်ဖြစ်ပါတယ်။
မင်းရဲစစ်နိုင်
