ရန်ကုန်တိုင်းဒေသကြီး လမ်းမတော်မြို့နယ်မှာ လောင်းကစားဂိမ်းစက်တွေ၊ ဆက်စပ်ပစ္စည်းတွေနဲ့အတူ လူ ၃၇ ဦးကို ဖမ်းဆီးရမိခဲ့တယ်လို့ ပြည်ထဲရေးသတင်းမှာ ဖော်ပြပါတယ်။
ဖေဖော်ဝါရီလ ၈ ရက်နေ့ ညနေ ၃ နာရီခွဲလောက်က လမ်းမတော်မြို့နယ်၊ ၂ ရပ်ကွက်ရှိ “Avatar Game World ” ဆိုင်မှာ ငါးမန်းဂိမ်းလောင်းကစား ဖွင့်လှစ်လုပ်ကိုင်နေကြောင်း သတင်းအရ ရန်ကုန်တိုင်းဒေသကြီး မှုခင်းရဲတပ်ဖွဲ့ဝင်တွေဦးစီးတဲ့အဖွဲ့က ဝင်ရောက်ရှာဖွေရာကနေ ဖမ်းဆီးမိခဲ့တာပါ။
လောင်းကစားဂိမ်းဆိုင် မန်နေဂျာ မအိဖြူမြင့်ပါ ၁၄ ဦးနဲ့ လောင်းကစားနေသူ ၂၃ ဦး စုစုပေါင်း ၃၇ ဦး (ကျား ၂၅၊ မ ၁၂) ဦးတို့ကို လောင်းကစားရာမှာ အသုံးပြုတဲ့ ဂိမ်းစက်မျိုးစုံ ၂၇ လုံး၊ ဆက်စပ်ပစ္စည်းတွေ၊ လောင်းကြေးငွေ ၇၄၁,၉၀၀ ကျပ်နဲ့အတူ ဖမ်းဆီးရမိခဲ့ပါတယ်။
မအိဖြူမြင့်အပါအ၀င် ၃၇ ဦးအား လမ်းမတော်မြို့မရဲစခန်းက လောင်းကစားဥပဒေပုဒ်မ ၁၃(က)/၁၄(က) နဲ့ အမှုဖွင့် စစ်ဆေးနေတယ်လို့ သိရပါတယ်။
