ကရင်ပြည်နယ်၊ ဘားအံမြို့နယ် စည်ပင်သာယာရေး ကော်မတီဝင်ရွေးချယ်ပွဲကို လူမှုကွန်ရက်ပေါ် တိုက်ရိုက်လွှင့်တင်ခဲ့တဲ့ မာဃလူမှုကူညီရေးအသင်း (ဘားအံ) ဒုဥက္ကဋ္ဌဟာ သတင်းမီဒီယာဥပဒေနဲ့ မြို့နယ်တရားရုံး မှာ ဇန်န၀ါရီ ၂၂ ရက်မနက်က တရားစွဲခံထားရပါတယ်။
၂၀၁၈ နိုဝင်ဘာ ၈ ရက်က ဘားအံမြို့နယ်စုပေါင်းရုံးမှာပြုလုပ်တဲ့ မြို့နယ်စည်ပင် သာယာရေးကော်မတီဥက္ကဋ္ဌနဲ့ အဖွဲ့ဝင်နေရာရွေးချယ်ပွဲကို ဖုန်းနဲ့ Live လွှင့်ပြီး လူမှုကွန်ရက်ပေါ် တင်ခဲ့တယ်ဆိုပြီး မာဃလူမှုကူညီရေးအသင်း ဒုဥက္ကဋ္ဌ ဦးကျော်မင်းစိန်ကို မြို့နယ်အုပ်ချုပ်ရေးမှူး ဦးဇေထက်အောင်က သတင်းမီဒီယာ ဥပဒေပုဒ်မ ၂၅(ခ)နဲ့ ဦးတိုက် လျှောက်ထား တရားစွဲဆိုခဲ့တာပါ။
ဘားအံမြို့၊ မာဃလူမှုကူညီရေးအသင်း၊ ဒုဥက္ကဋ္ဌ ဦးကျော်မင်းစိန်က “သူတို့ တားဆီး ပိတ်ပင်ထားတာလည်း မရှိဘူး။ သက်ဆိုင်ရာလူကြီးတွေလည်း အကုန်လုံးရှိတယ်။ တကယ့်လို သူတို့ရိုက်ခွင့်မပေးဘူးဆိုရင်လည်း သူတို့ နဂိုတည်းက တားမယ်ဆိုရင် ကျနော်အနေနဲ့ လုံးဝမရိုက်ရုံပဲ။ ဒါက မှန်ကန်တဲ့ လုပ်ရပ်ရပ်ဖြစ်နေတဲ့အတွက် ဘယ်လိုလုပ်ရမယ်ဆိုတာလည်း စဉ်စားထားပါတယ်”လို့ ပြောပါတယ်။
ဘားအံမြို့၊ အမှတ် ၃ ရပ်ကွက်၊ ဦးအောင်နိုင်က “အဘက ဘယ်အဖွဲ့ ဘယ်အလုပ်ပဲ လုပ်လုပ် အလှူသွားလည်း လိုက်ခ်လွှင့်ပါတယ်။ နောက်ဆုံး အသုဘပို့လည်း လိုက်ခ်လွှင့်ပါတယ်။ သူရဲ့အပျော်တမ်း ၀ါသနာတခုလိုပဲဖြစ် နေတယ်။ အဲဒီဥစ္စာကိုပဲ နားမလည်လို မသိလို့ပဲ အစိုးရက ဒီလိုမျိုးစွဲမိသလား။ ကျနော်လည်း ဝေခွဲမရဘူး”လုိ့ ပြောပါတယ်။
စွဲဆိုခဲ့တဲ့ ပုဒ်မနဲ့ပတ်သက်ပြီး စွပ်စွဲခံရသူဦးကျော်မင်းစိန်က သတင်းမီဒီယာမဟုတ်တဲ့ အတွက် အပြစ်မရှိ ကြောင်း လျှောက်ထားခဲ့တဲ့အတွက် အမှုသွားအမှုလာကို အစီရင်အတိုင်း စစ်ဆေးသွားမှာဖြစ်ပြီး တရားလိုသက် သေနဲ့အတူ အမှုကို ၃ လ ကနေ ၆ လအတွင်းပြီးပြတ် အောင်စစ်ဆေးသွားမှာဖြစ်ပြီး ရုံးချိန်းကို ဇန်န၀ါရီ ၂၉ ရက်နေ့ပြန်လည်ချိန်းဆိုထားကာ မြို့နယ်တရား သူကြီးက အာမခံပေးခဲ့ပါတယ်။
ဘားအံမြို့၊ နယ်သတင်းထောက်၊ ကိုစောကျော်ဌေးက “သူကတော့ သတင်းထောက် တယောက် မဟုတ်ဘူး။ မဟုတ်တဲ့အတွက်ကြောင့်တော့ မီဒီယာကောင်စီကတော့ ကာကွယ်ပေး မှာ မဟုတ်ဘူး။ မီဒီယာဥပဒေမျိုးနဲ့ အရေးယူခံရတယ်ဆိုတာမျိုးတော့ ပြင်းလွန်တယ်”လို့ သုံးသပ် ပြောပါတယ်။
စွဲဆိုထားတဲ့ ပုဒ်မ ၂၅(ခ)အရ မည်သည့်သတင်းမီဒီယာသမားမဆို တာဝန်နဲ့ ကျင့်ဝတ်တစ်ရပ်ရပ်ဖြင့် ပြစ်မှုကျူးလွန်ကြောင်း ပြစ်မှုထင်ရှားစီရင်ခြင်းခံရရင် ငွေဒဏ် အနည်းဆုံး ကျပ်သုံးသိန်းကနေ အများဆုံး ကျပ်ဆယ်သိန်းအထိချမှတ်နိုင်တယ်လို့ မီဒီယာဥပဒေ မှာပြဋ္ဌားန်းထားပါတယ်။
တရားစွဲဆိုတာနဲ့ပတ်သက်ပြီး မြို့နယ်အုပ်ချုပ်ရေးမှူးကို ဒီဗွီဘီက သွားရောက်တွေ့ ဆုံမေးမြန်းဖို့ ကြိုစားခဲ့ပေမယ့် မေးမြန်းခွင့်မရခဲ့ပါဘူး။
ရဲမင်းခေါင်
