အဖျောက်မြို့ အင်းလန်းကျေးရွာမှာ နွားအငှားကျောင်းတဲ့ အဘိုးအိုတဦး နွားသုံးကောင် အခိုးခံရပြီး နွားပိုင်ရှင်တွေက နွားဖိုးအလျော်တောင်းတာကို အဖျောက်မြို့ အလှူရှင်တွေနဲ့ စေတနာရှင်တွေ စုပေါင်းပြီး အလျှော်ပေးအပ်ပွဲကို ပြုလုပ်ခဲ့ပါတယ်။

ဇန်နဝါရီ ၁၃ ရက်နေ့က အဖျောက်မြို့ ငွေဥဒေါင်းခန်းမမှာ ပြည်သူမှပြည်သူသို့ မေတ္တာမျှ ဝေခြင်း ခေါင်းစဉ်နဲ့ ကျင်းပပြုလုပ်ခဲ့တာပါ။

နွားအငှားကျောင်းသူ အဘ ဦးကျော်ငြိမ်းက "နွားအငှားကျောင်းတာ ၉ နှစ်ကျော်ပြီ၊ တခါမှ အခိုးမခံရဘူး။ ၁၀ လပိုင်း ၁၃ ရက်နေ့ညဘက်ပျောက်တယ်၊ မနက်ပိုင်းလိုက်ရှာသေးတယ်၊ မတွေ့လို့ အုပ်ချုပ်ရေးမှူးကို အကြောင်းကြားတော့စာရေးပေးပြီး ရဲစခန်းကိုလွှတ်တယ်။ ရဲစခန်းရောက်တော့ အမှုဖွင့်မပေးဘူး၊ စာတော့ရေးယူထားတယ်။ အဘိုးလည်း ရှာကြည့်ပါဦးဆိုပြီး ပြန်လွှတ်လိုက်တယ်။ ရဲစခန်းကို သုံးခေါက်ကျတယ်သွားတာ။ ပြီးခဲ့တဲ့ ရက်ပိုင်းကမှ မြို့နယ်မှူးရုံးကနေ ခေါ်ပြီးအမှုဖွင့်ပေးတယ်။ နွားပိုင်ရှင်တွေကအလျှော်တောင်းတော့ ပေးပါမယ်ဆိုပြီး ရဲစခန်းနဲ့ အုပ်ချုပ်ရေးမှူးထံမှာ လက်မှတ်ထိုးပေးခဲ့ရတယ်။ အခုလိုအလှူရှင်တွေက လှူတဲ့အတွက် ကျေးဇူးတင်ပါတယ်" လို့ပြောပါတယ်။

လိုက်ပါကူညီပေးသူ ကိုရဲမင်းသိန်းက "အဘိုးနွားစပျောက်တဲ့ အချိန်ကတည်းက သတင်းတွေလည်း တင်ပေးခဲ့တယ်၊ အဖိုးနွားလိုက်ရှာတဲ့ သတင်းတင်လိုက်တော့ စေတနာရှင်တွေက မရှာခိုင်းပါနဲ့၊ လှူချင်ပါတယ်ဆိုလို့ အလှူငွေလက်ခံပြီးအခုလို ကူညီဖြစ်တာပါ" လို့ ပြောပါတယ်။

စေတနာရှင်တွေရဲ့ အလှူငွေ သိန်း ၂၀ ကျော်ရတယ်လို့ သိရပါတယ်။

နွားခိုးခံရတာနဲ့ ပတ်သက်ပြီး ဖိုးခေါင်နယ်မြေရဲစခန်းက ရာဇသတ်ကြီးဥပဒေပုဒ်မ ၃၇၉ (တ) နဲ့ အမှုဖွင့်ပြီး စုံးစမ်းစစ်ဆေးတာတွေ၊ ကြော်ငြာထားတာတွေ ပြု လုပ်ထားတဟ်လို့ ဖိုးခေါင်နယ်မြေရဲစခန်း ယာယီစခန်းမှူး ဒုရဲအုပ်တင်မြင့်က ပြောပါတယ်။

သတင်း- မေသွယ်