မန်ချက်စတာယူနိုက်တက်နည်းပြ မိုက်ကယ်ကာရစ်ဟာ အသင်းရဲ့ ခံစစ်ပိုင်းမှာ ဂိုးမပေးရအောင် ထိန်းချုပ်နိုင်မှု အားနည်းနေတာကို ဝန်ခံလိုက်ပါတယ်။ 

ဒီရာသီမှာ ယူနိုက်တက်ဟာပြိုင်ပွဲစုံ ၁၀ ပွဲကစားထားရာမှာ တပွဲသာ ဂိုးပေါက်မပေါက်အောင် ထိန်းထားနိုင်ခဲ့တာပါ။ အသင်းရဲ့ ခံစစ်တည်ငြိမ်မှု မရှိတာဟာ ရလဒ်ပိုင်းကို ထိခိုက်စေပြီး နည်းပြကာရစ်အတွက် အဓိကစိန်ခေါ်မှု ဖြစ်လာနေပါတယ်။

ယူနိုက်တက်ဟာ ဒဏ်ရာပြဿနာတွေကြောင့် နောက်တန်းကစားသမားတွေကို ပုံမှန်မသုံးနိုင်ဘဲ လက်ရှိရာသီမှာ ဘယ်နောက်ခံလူနေရာအတွက် ကစားသမား ၅ ယောက် အထိ အသုံးပြုထားရပါတယ်။

နည်းပြကာရစ်ကတော့ လူငယ်ကစားသမား ဟယ်ရီအာမက်စ်ကို အခွင့်အရေးပေးဖို့ စဉ်းစားနေပြီး အသင်းရဲ့ ခံစစ်ပိုင်းကို တိုးတက်အောင် လုပ်ဆောင်ရမှာဖြစ်ကြောင်း ပြောပါတယ်။ အသင်းဟာ လာမဲ့ ဗုဒ္ဓဟူးနေ့မှာ ချန်ပီယံလိဂ်ပွဲစဉ်အဖြစ် ကိုမိုအသင်းနဲ့ ယှဉ်ပြိုင်ရမှာ ဖြစ်ပါတယ်။