မန္တလေးတိုင်း​ဒေသကြီး၊ ပြည်ကြီးတံခွန်မြို့နယ် (ဈ) ရပ်ကွက်မှာ​နေတဲ့ အသက် ၈ နှစ်အရွယ် မိန်းကလေးငယ်ကို မုဒိမ်းပြုကျင့်ခဲ့တဲ့တရားခံကိုတွေ့ရှိပါက သတင်းပေးဖို့ တိုင်းရဲတပ်ဖွဲ့က ထုတ်ပြန်ပါတယ်။

ဒီဇင်ဘာ ၁၄ ရက် နေ့လယ်ပိုင်းက အသက်၈နှစ် အရွယ်မိန်းကလေးငယ်ဟာ နေအိမ်က​နေ စက်ဘီးနဲ့ ထွက်သွားရာက​ ၄၇ လမ်းနဲY ၄၈ လမ်းကြား တပင်ရွှေထီးလမ်းနဲ့ မက္ခရာလမ်းကြားမှာ အမည်မသိ အမျိုးသားတဦးက​ ဆိုင်ကယ်နဲ့တင်ခေါ်သွားတယ်​လို့ CCTV မှတ်တမ်း​အရ စစ်​​ဆေး သိရှိခဲ့တာပါ။

မိန်းကလေးငယ်​ရဲ့ ဖခင်ဖြစ်​သူက သက်ဆိုင်ရာ အပိုင်ရဲစခန်းမှာ လူပျောက်ကြော်ငြာ အမှတ်စဉ် (၈/၂၀၁၈)နဲ့  လူပျောက်တိုင်တန်းခဲ့ပါတယ်​။

ဒီနောက် ပျောက်ဆုံးသွားတဲ့ကလေးငယ်ကို ပြင်ဦးလွင်မြို့နယ် ပြင်စာရဲစခန်းပိုင်​နယ်​​မြေမှာ အဝတ်ဗလာနဲ့ သတိလစ်မေ့မြောနေတာကို တွေ့ရှိခဲ့ပြီး မိန်ကလေးငယ်မှာ မုဒိမ်းပြုကျင့်ခံခဲ့ရတာ လို့ စစ်ဆေးတွေ့ရှိခဲ့ပါတယ်​။

ပြင်ဦးလွင်မြို့နယ် ပြင်စာရဲစခန်းက စခန်းမှူးဝင်းဗိုလ်​က ​“တရားခံကတော့ မဖမ်းမိသေးဘူး။ တရားခံ ဘယ်သူဘယ်ဝါဆိုတာကတော့ သိနေပြီ။ ဖမ်းမိဖို့တော့ စုံစမ်းနေဆဲပါ။ အများပြည်သူ အနေနဲ့ တရားခံကို တွေ့ရင် အကြောင်းကြား​ပေး​စေချင်​တယ်”​လို့ ပြောပါတယ်​။

မိန်းက​လေးငယ်​ကို ကျူးလွန်ခဲ့သူ သီဟနိုင် (ခ) အငယ်လေးကို ပြင်ဦးလွင်မြို့နယ် ပြင်စာ ရဲစခန်းက (ပ) ၁၈၂/၂၀၁၈ ရာဇသတ်ကြီးဥပဒေပုဒ်မ ၃၆၃/၃၇၆/၃၂၅ နဲ့ အမှုဖွင့် အ​ရေးယူ ထားပါတယ်​။