မကွေးတိုင်း၊ ချောက်မြို့နယ်၊ ဂွေချိုတောင်တန်း အရှေ့ဘက်မှာရှိတဲ့ မင်းကန်ကျေးရွာဟာ ဒေသထွက် ကျောက်ပျဉ်၊ ကျောက်ငရုတ်ဆုံ စတဲ့ ကျောက်ကနေထွက်တဲ့ လက်မှု ပစ္စည်းမျိုးစုံကို ရွာလုံးကျွတ် နီးပါးလုပ်ကိုင် အသက်မွေးနေတဲ့ ကျေးရွာဖြစ်ပါတယ်။
ကျောက်နဲ့ပတ်သက်ရင်တော့ ဒီရွာကို လာအပ်ရင် ဘယ်အရာမဆို အကုန်လုပ်ပေးတယ်လို့ ကျေးရွာအုပ်စု အုပ်ချုပ်ရေးမှူး ဦးမင်းအောင်က ဒီဗွီဘီကိုပြောပါတယ်။
“ဒီလုပ်ငန်းက သားစဉ်မြေးဆက်၊ ဘိုးဘွားအစဉ်အဆက်က နေလုပ်လာခဲ့တာ ဒီနေ့အထိပဲပေါ့၊ ကျနော်တို့ရွာကထွက်တဲ့ သနပ်ခါးကျောက်ပျဉ်နဲ့ ကျောက်ငရုတ်ဆုံအထိက ထားလုပ်သလိုကျန်တဲ့ အခင်းကျောက်ပြားတို့ နံကပ်ကျောက်ပြားတို့ကတော့ အော်ဒါမှာတဲ့ လူရှိရင် လုပ်ပေးတယ်။ ကျောက်နဲ့ ပတ်သက်တဲ့ ပစ္စည်းမှန်သမျှ အကုန်လုပ်နိုင်တယ်။ ဘုရားဆင်းတုတော်ကအစ ကျောက်မီးအိမ် အထူးအဆန်းတွေမှာမယ်ဆိုလည်း ကျောက်နဲ့ ပတ်သက်ရင်တော့ ဒီရွာကို လာအပ်ရင် ဘယ်ဟာမဆို အကုန်လုပ်ပေးနိုင်တယ်။”
ကျောက်လုပ်ငန်းကို အခြေပြုလုပ်ရတဲ့အတွက် ရွာသားတွေဟာ ပုံမှန်ဝင်ငွေရပြီး အဆင်ပြေကြသလို တခြားနယ်တွေကို သွားပြီး အလုပ်မလုပ်ကြဘူးလို့လည်း ဆိုပါတယ်။
ဂွေးချို တောင်တန်း(ခင်ကြီးစဉ်)တောင်က ရရှိတဲ့ သဲကျောက်ကို အဓိကကုန်ကြမ်း အဖြစ်အသုံးပြုပြီး လက်မှုပစ္စည်းတွေ ထုတ်လုပ်ကြကာ မိုးသည်းထန်တဲ့ အချိန်လွဲလို့ ကျန်တဲ့ ၁၂ရာသီလုံး လုပ်ကိုင်ကြသလို မြန်မာပြည်အနှံကိုလည်း တင်ပို့ကြရတယ်လို့ ဆိုပါတယ်။
ကုန်ကြမ်းရဖို့ ရွာသားတွေဟာ မိသားစုလိုက် တောင်ပေါ်မှာသွားရောက် ကျောက်တူး ကြတာဖြစ်ပြီး တနေ့ကို ကျပ် ၇၀၀၀ လောက်ရရှိပြီး ပစ္စည်းကိရိယာနဲ့ မီးသွေးဖိုးက တနေ့ ကျပ် ၂၀၀၀ နှုန်းလောက် ပြန်ကုန်တယ်လို့ သိရပါတယ်။
မင်းကန်ကျေးရွာက သဲကျောက်လုပ်ငန်းလုပ်ကိုင်သူ ဦးအေးလွင် က “ကျောက်ကို တွင်းကြီးတွေထဲက တူးယူကြရပြီး အခုဆိုတွင်းတွေက တော်တော်နက်နေပြီ၊ ဓာတ်မီးထိုးပြီး လုပ်ရတာ၊ အပြင်ဘက်တွေကြတော့ ကျောက်သားကမကောင်းဘူး။ ကောင်းတဲ့ကျောက်သား လိုချင်တော့ တွင်းထဲမှာလုပ်ရတာ။ အခုတော့ ကိုယ့်နားက မလွယ်တော့လို့ ဂွေးပင်ဘက်က ခင်ကြီးစဉ် တောင်အထိ သွားလုပ်ရတယ်။ အဲဒီမှာတော့ ကျောက်ပေါတာပေါ့။ တချို့တွင်း တွေဆို ပြိုကုန်လို့ ဝင်မရတော့ဘူး။ ”လို့ ရှင်းပြပါတယ်။
မင်းကန်ရွာမှာ အိမ်ခြေ ၁၂၅ အိမ်ရှိပြီး အများစုက သနပ်ခါးကျောက်ပျဉ်၊ ကျောက်ငရုတ်ဆုံ၊ ကျောက်မီးဖို၊ ကျောက်မီးအိမ်၊ အခင်းကျောက်၊ နံကပ်ကျောက် စသဖြင့်ပြုလုပ် ရောင်းချကြပြီး အခင်းကျောက်နဲ့ နံကပ်ကျောက်ကိုတော့ ပုဂံညောင်ဦးဘက်က ပိုပြီးအသုံးများတယ်လို့ သိရပါတယ်။
ကိုလင်း(ချောက်)
