သမ္မတ ဦးဝင်းမြင့်နဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ဟာ မနေ့ညနေက ဒုတိယသမ္မတ ဦးဟင်နရီဗန်ထီးယူရဲ့ နေအိမ်မှာ ကျင်းပတဲ့ ခရစ္စမတ်ပွဲတော်နဲ့ ကျေးဇူးတော် ချီးမွမ်းခြင်း အခမ်းအနားကို တက်ရောက်ခဲ့ကြပါတယ်။

အခမ်းအနားကို သမ္မတ ဦးဝင်းမြင့်နဲ့ဇနီး ဒေါ်ချိုချို၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နိုင်ငံတော်သမ္မတဟောင်း ဦးထင်ကျော်နဲ့ဇနီး ဒေါ်စုစုလွင်၊ ပြည်သူ့လွှတ်တော်ဥက္ကဋ္ဌ ဦးတီခွန်မြတ်နဲ့ဇနီးဒေါ်ရင်မေ၊ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းနဲ့ဇနီး ဒေါ်နန့်ကြင်ကြည်တို့ တက်ရောက်ခဲ့ကြပါတယ်။

အခမ်းအနားကို Rev.M.D.Chang Hkaw က ခရစ္စမတ်ဆုမွန်ကောင်းတောင်း ဖွင့်လှစ်ပေးပြီး ဒုတိယသမ္မတ ဦးဟင်နရီဗန်ထီးယူ က ခရစ္စမတ်ကြိုဆို နှုတ်ခွန်းဆက်စကားပြောကြားခဲ့ပါတယ်။

ဓာတ်ပုံ - သမ္မတရုံး