ဝမ်းတွင်းမြို့နယ်တွင် ရှေးဟောင်းစေတီ ဌာပနာအဖောက်ခံရ
DVB
·
December 10, 2018
မန္တလေးတိုင်းဒေသကြီး၊ ဝမ်းတွင်းမြို့နယ်၊ ဒါးလှကျေးရွာအုပ်စု၊ ပေါက္ကံရွာမှာ ဒီဇင်ဘာ ၉ ရက်မနက်က ရှေးဟောင်းဘုရားစေတီတဆူ ဌာပနာဖောက်ယူခံခဲ့ရပါတယ်။
ပေါကံ္ကရွာ ရွာဦးဘုန်းတော်ကြီးကျောင်းမှ ဦးပဉ္စင်း ဥူးဇာဂရက “ဌာပနာအဖောက်ခံရတဲ့ ဘုရားစေတီက ဦးပဉ္စင်းတို့ ဘိုးဘေးတွေ မမွေးခင်ကတည်းက ဒီဘုရားစေတီရှိနေတယ်လို့ ပြောပါတယ်။ နှစ်ရာချီရှိနေတဲ့ ဘုရားစေတီပဲ ဌာပနာထည့်ထားတာက ကျောက်ပြားကြီး ၄ ချပ်အလယ်မှာ ထည့်ထားတာ၊ အုတ်ချပ်ကြီးတွေက အကြီးကြီးတွေပဲ၊ ဌာပနာဖောက်သူတွေ ကျနေခဲ့တဲ့ ရုပ်ပွားတော်လေးဆို ဦးခေါင်းမှာ နဂါးခေါင်းစွပ်စွပ်ပြီး လက်အုပ်ချီနေတဲ့ ပုံတော်ပဲ ကြေးသွန်းရုပ်ပွားလေးပဲ ၅ ကျပ်သားလောက်တော့ လေးမယ်၊ ဘုရားစေတီတွေ ဌာပနာ အဖောက်မခံရအောင် ဘာလုပ်ရမှန်း ဥူးဇင်းလည်း မသိတော့ဘူး” လို့ ဒီဗွီဘီကိုပြောပါတယ်။
ဘုရားစေတီဘေးမှာရှိတဲ့ လက်နှိပ်ရေတွင်း၊ ရုပ်ပွားတော်တဆူ၊ အုတ်ခွက်ဘုရား၊ ဖျက်ဆီးခဲ့သလို လက်အုပ်ချီ ကြေးသွန်းရုပ်ပွားပုံတော်အား အုတ်ကျိုးတွေအကြားက တွေ့ရှိခဲ့ပါတယ်။
ဝမ်းတွင်းမြို့နယ်အတွင်းမှာ ခံဘူးရွာ ပလဝါရွာ သစ်ပုလွေကန်ရွာများက ဘုရားစေတီတွေ ကို ဌာပနာဖောက်သွားခဲ့ပြီး ၄ ရွာမြောက်အဖြစ် ပေါကံ္ကရွာက ဘုရားစေတီအား ဌာပနာ အဖောက်ခံရတာ ဖြစ်ပါတယ်။
ပေါက္ကံရွာအုပ်ချုပ်ရေးမှူး ဦးဆန်းဦးက “ကျနော်တို့ရွာနားပတ်လည် ရှေးဟောင်းစေတီတွေ ဌာပနာအဖောက်ခံနေရတယ်။ ဒီတလ နှစ်လအတွင်းမှာပဲ ကျနော်သိသလောက်တော့ စေတီ ၄ ဆူ ရှိသွားပြီ။ အခုလည်း သက်ဆိုင်ရာတွေကိုတော့ အကြောင်းကြားထားတယ်။ လွန်ခဲ့ ၂ နှစ် လောက်က ဒီစေတီကိုပဲ လွန်နဲ့လာဖောက်တယ်။ အခုကတော့ လူတကိုယ်စာ ဝင်နိုင်အောင်တူးပြီး ဖောက်သွားတာပဲ။ ဌာပနာရှိမယ့်နေရာကို သိထားသလို ဖောက်သွားတယ်။ နောက်ထပ် စေတီတွေ ဌာပနာ အဖောက်ခံရမှာ စိုးရိမ်တယ်” လို့ ပြောပါတယ်။
လွန်ခဲ့တဲ့ ၂ နှစ်လောက်က ခံဘဲ့ရွာမှာလည်း ဘုရားစေတီ လေးဆူလောက် ဌာပနာ အဖောက်ခံခဲ့ရတယ်ဆိုတာ သိရပါတယ်။
သတင်း-မောင်မောင်လင်း
