မန္တလေးတိုင်းဒေသကြီး မန္တလေးမြို့ အထွေထွေရောဂါကု ဆေးရုံးကြီးမှာ ၁ နှစ်ကို သွေး ယူနစ်ပေါင်း ၅၀၀၀၀ သောင်းကျော် အသုံးပြုနေရပြီး သွေးလိုအပ်ချက်တွေ ရှိနေသေးတယ်လို့ ရောဂါဗေဒ အထူးကုဆရာဝန်ကြီးက ပြောပါတယ်။
ဒီဇင်ဘာ ၈ ရက် မန္တလးတိုင်းဒေသကြီး မြင်းခြံမြို့ မဏိကဉ္စနာခန်းမမှာ ကျင်းပတဲ့ ဧရာဝတီသွေးလှူရှင်အသင်းရဲ့ ၁၃ ကြိမ်မြောက် စုပေါင်းသွေးလှူဒါန်းပွဲမှာ အခုလို ပြောကြားလိုက်တာပါ။
မန္တလေးအထွေထွေရောဂါကု ဆေးရုံကြီး (သွေးလှူဘဏ်) ရောဂါဗေဒအထူးကုဆရာဝန်ကြီး ဒေါက်တာ ခင်မြတ်မွန်က "မန္တလေးအထွေထွေရောဂါကုဆေးရုံဟာ ကုတင် (၁၅၀၀) ဆေးရုံဖြစ်တယ်၊ ခုဆိုရင် ဆေးရုံကြီးမှာ နှလုံးရပ်ပြီးတော့ ခွဲစိတ်တာတွေလုပ်နိုင်တယ်၊ အသဲအစားထိုးနဲ့ ကျောက်ကပ်အစားထိုးတွေနဲ့ တစ်ခြားရောဂါတွေလည်းကုသပေးနိုင်တယ်၊ အဲ့ဒါမျိုး ကုသမှုတွေတိုးတက်လာတာနဲ့အမျှ အဓိက ကုသမှုနဲ့တွဲပါလာတာကတော့ သွေးကိုလည်း အသုံးပြုရပါတယ်၊ အဲ့ဒီသွေးကတော့ နည်းပညာတွေ ဘယ်လောက်တိုးတက်နေပါစေ လူတွေဆီက ရတာဖြစ်တဲ့အတွက် လူနာတွေအတွက် လိုတဲ့သွေးကို သွေးလှူရှင်တွေထံမှ ရရှိတာ ဖြစ်ပါတယ်။ ကျမတို့ရဲ့ အသုံးပြုမှုကလည်း ၁ နှစ်ကို သွေးယူနစ်ပေါင်း ၅၀၀၀၀ သောင်းကျော် အသုံးပြုရပါတယ်။ လက်ရှိ ဆေးရုံကြီးရဲ့အခြေအနေအရ မန္တလေးအထွေထွေရောဂါကု ဆေးရုံကြီးဖြစ်ပေမယ့် လာတဲ့ လူနာအကုန်လုံးက ဒေသအသီးသီးကလာတာ ဖြစ်တဲ့အတွက် မန္တလေးမှာရှိတဲ့ သွေးလှူရှင်နဲ့တင် မလုံလောက်တော့ နယ်လှည့်သွေးလှူဒါန်းပွဲကို ၁ လမှာ အနည်းဆုံး ၄ ကြိမ်မှ ၈ ကြိမ်အထိ ပြုလုပ်နေရတယ်” လို့ ဒီဗွီဘီကို ပြောပါတယ်။
ဧရာဝတီသွေးလှူရှင်အသင်းရဲ့ ၁၃ ကြိမ်မြောက် သွေးလှူဒါန်းပွဲမှာ ကျန်းမာရေးစစ်ဆေးမှုတွေ နဲ့ သွေးဖောက်တာတွေလည်း ပြုလုပ်ပေးခဲ့ပါတယ်။
မြင်းခြံမြို့ရှိ ဧရာဝတီသွေးလှူရှင်အသင်းဟာ ၁၂ ကြိမ်မြောက်အထိ မန္တလေး ဗဟိုအမျိုးသားသွေးလှူဘဏ်ကို သွေးအိတ်ပေါင်း ၄၂၀၀ ကျော် လှူဒါန်းပေးခဲ့ပြီး မြင်းခြံဆေးရုံမှာ သွေးအိပ်ပေါင်း ၁၆၀၀ လှူဒါန်းပေးခဲ့ပြီး ဖြစ်ပါတယ်။
(၁၃) ကြိမ်မြောက်သွေးလှူဒါန်းပွဲကို မြင်းခြံနဲ့တောင်သာ မြို့နယ်တွေရှိ ကျေးရွာပေါင်း ၂၀ မှ သွေးလှူရှင် ၅၀၀ ကျော်တို့ လာရောက်လှူဒါန်းခဲ့ကြတာဖြစ်ပြီး၊ ကျန်းမာရေးစစ်ဆေးချက်အရ ၄၀၁ ဦး သွေးလှူဒါန်းခွင့်ရရှိခဲ့ပါတယ်။
မြင်းခြံမြို့နယ်မှာ လစဉ်အလိုက် သွေးလှူဒါန်းမယ့် လူဦးရေဟာ စာရင်းအရ ၄၀၀၀ ကျော် ရှိတယ်လို့ မြင်းခြံ ဧရာဝတီသွေးလှူရှင်အသင်းထံမှ သိရပါတယ်။
ရီရီထွန်း
