မန္တလေးတိုင်းဒေသကြီး၊ ပုသိမ်ကြီးမြို့နယ်အတွင်း ကျောက်မီးသွေးစွမ်းအင်သုံး ဘိလပ်မြေစက်ရုံစီမံကိန်း အမြန်​ဆုံး ဖျက်သိမ်းပေးဖို့ တောင်းဆိုခဲ့ကြတဲ့ ဒေသခံ တောင်သူတွေကို ဖမ်းဆီးပြီး မြို့နယ်တရားရုံးမှာ မနေ့က ရုံးထုတ်​စစ်ဆေးပါတယ်။

ပုသိမ်ကြီးမြို့နယ်၊ ဒဟတ္တောကျေးရွာအုပ်စု၊ အောင်သပြေကျေးရွာအနီးမှာ မြင့်ရင်းနှီးမြှုပ်နှံမှု ကုမ္ပဏီက ကျောက်မီးသွေးစွမ်းအင်သုံး ဘိလပ်မြေစက်ရုံ တည်ဆောက်နေတာကို ဖျက်သိမ်းပေးဖို့ ဒေသခံတွေက တောင်းဆိုခဲ့ကြတာပါ။

အောင်သပြေကျေးရွာက ဒေသခံတောင်သူ​တွေဖြစ်​ကြတဲ့ ဦးရွှေအုန်းနဲ့အတူ ၅ ဦးကို ကုမ္ပဏီက ပုဒ်မ ၃၄၁ နဲ့ တရားစွဲကာ ထောင်ဒဏ် ၁ လ ချမှတ်ခဲ့ပြီး ခုအခါမှာ ငြိမ်းစုစီဥပဒေ၊ လမ်းတံတားဥပဒေတွေနဲ့အတူ တရားစွဲထားတဲ့အတွက်​ ထပ်မံရုံးထုတ်စစ်ဆေးတာ ဖြစ်​ပါတယ်​။

ဖမ်းဆီးထောင်ချခံထားရတဲ့ ဒေသခံတောင်သူ ဦးရွှေအုန်းက “မန္တလေးတိုင်းဒေသကြီး အစိုးရအဖွဲ့ အ​နေနဲ့ ကျနော်တို့ကို ဒီပုံစံဖြစ်အောင် လုပ်လိုက်တာပါပဲ​လေ။ ခုလို ခြေထိပ်၊ လက်ထိပ်နဲ့ ရုံးထုတ်ရအောင်ပေါ့။ အစိုးရအဖွဲ့ကိုယ်တိုင် ဒေသခံပြည်သူဘက်မှာမရှိဘဲ ကုမ္ပဏီလုပ်ငန်းရှင်ပေါ်မှာပဲ ရပ်တည်ပေးနေတယ်။ ဒီနေ့ကတော့ ပိတ်ဆို့မှုနဲ့ တရားစွဲတဲ့အပေါ် ရုံးထုတ်တာပါ” လို့ ပြောပါတယ်​။

ကျောက်မီးသွေးစွမ်းအင်သုံး ဘိလပ်မြေစက်ရုံကြောင့် သဘာဝပတ်ဝန်းကျင် ထိခိုက်မှု​နဲ့ လေထုညစ်ညမ်းမှု​တွေ ဖြစ်​​ပေါ်စေနိုင်တဲ့အတွက် ဒေသခံတောင်သူတွေက ကန့်ကွက်​နေကြတာလည်း ဖြစ်ပါတယ်​။

ဒါ့အပြင် ဘိလပ်မြေစက်ရုံ အဝင်လမ်းမကြီး ဖောက်လုပ်ဖို့အတွက် ရွာအဝင်လမ်းက ကျွန်းပင် ၃၇၀ ကျော်နဲ့အတူ တခြားအပင် ၇၀၀ ကျော်လည်း ခုတ်လှဲ ဖျက်ဆီးခံခဲ့ရပါတယ်​။

စက်ရုံစီမံကိန်းမလုပ်ဖို့ ဒေသခံတွေအနေနဲ့ ၂၀၁၄ ခုနှစ်ကစတင်​ပြီး သက်ဆိုင်ရာ အဆင့်ဆင့်ကို တိုင်စာတွေ၊ ကန့်ကွက်စာတွေကိုလည်း အကြိမ်ကြိမ်တင်ပြခဲ့​ပေမယ့် အရေးယူ ဆောင်ရွက်ပေးခဲ့တာ မရှိပါဘူး။

စီမံကိန်းရှိ စက်ရုံဧရိယာအ​နေနဲ့ ဧက ၂၀၀ ကျော်နဲ့ ထုံးကျောက်တောင်ဧက ၆၀၀ ကျော်ရှိပြီး စီမံကိန်းဧရိယာထဲမှာ အောင်သပြေ၊ တောင်ပုလု၊ သရက်ကိုင်း၊ မြက်သာ၊ ထုံးဘို၊ တောင်ကန်၊ ပြည်သာယာ စတဲ့ကျေးရွာတွေနဲ့ ထိစပ်နေတဲ့ မြေဧက​တွေလည်း ပါဝင်​ပါတယ်​။