ဆေးပညာနဲ့ သက်ဆိုင်တဲ့ စာအုပ်စာတမ်းပါရှိတဲ့ တက်ဘလက် ဖုန်းအလုံးရေ ၁၄၃ လုံးကို မကွေးတိုင်း ချောက်မြို့နယ်တွင်းရှိ ဆေးရုံ၊ တိုက်နယ်ဆေးရုံတွေနဲ့ ကျန်းမာရေးဝန်ထမ်းတွေကို ဒီနေ့ အခမဲ့ ပေးအပ်ခဲ့တယ်လို့ ချောက်မြို့နယ် ပြည်သူ့ ကျန်းမာရေးဦးစီးဌာနက ပြောပါတယ်။
“ကျန်းမာရေးဝန်ထမ်းများ ကျန်းမာရေးပညာပေးရန်နဲ့ ကျန်းမာရေးဝန်ထမ်းများအတွက် လုပ်ငန်းလမ်းညွန်များ ဗဟုသုတစာအုပ်တွေသိရှိ အသုံးပြုနိုင်ဖို့ ဖြန့်ဝေပေးတာ”လို့ ပြည်သူ့ ကျန်းမာရေးဦးစီးဌာန တာဝန်ရှိသူတဦးက ပြောပါတယ်။
စာအုပ်တွေကို လက်ရှိ Off line အနေနဲ့ပါရှိနေပြီး အသစ်ထပ်မံထွက်ရှိတဲ့ ဆော့ဝဲလ်တွေနဲ့ စာအုပ်စာတန်းတွေကိုလည်း online ကနေ update လုပ်ပေးသွားမယ်လို့ သိရပါတယ်။
ချောက်မြို့နဲ့ စလေမြို့ရှိ ပြည်သူ့ဆေးရုံနဲ့ ဆူးတောတိုက်နယ် ဆေးရုံတွေ SAMSUNG -GLAXY TAB A အမျိုးအစား တက်ဘလက် ၃ လုံးကို ပေးအပ်ပြီး အခြေခံကျန်းမာရေး ဝန်ထမ်းတွေဖြစ်တဲ့ ကျေးလက်ဒေသရှိ ပြည်သူ့ကျန်းမာရေး လုပ်ငန်းတွေဆာင်ရွက်နေတဲ့ ကျန်းမာရေးမှူး၊ အမျိုးသမီးကျန်းမာရေးဆရာမကြီးတွေ၊ သားဖွားဆရာမတွေနဲ့ ပြည်သူ့ကျန်းမာရေး ကြီးကြပ် ၂ တို့ကိုလည်း SAMSUNG -GLAXY TAB J ဖုန်းအမျိုးအစား အလုံးရေပေါင်း ၁၄၀ လုံးတို့နဲအတူ အားသွင်းဖို ဘတ္ထရီ power bank (10000Amh) တွေပါ ပူးတွဲပေးအပ်တာပါ။
ယင်းတက်ဘလက်ဖုန်းများကနေ ဆေးပညာနဲ့ သက်ဆိုင်တဲ့ စာအုပ်စာတမ်း ၁၂၀ ကျော် ပါဝင်ပြီး ကျန်းမာရေးဝန်ကြီးဌာနမှ ထုတ်ပြန်တဲ့ သတင်းတွေနဲ့ ဆေးလောကမှာ လတ်တလော ဖြစ်နေတဲ့ သတင်းတွေကို တက်ဘလက်တွေအတွင်း ဖြန့်ဝေပေးမယ်လို့ ကျန်းမာရေးနှင့် အားကစား ဝန်ကြီးဌာနက ဆိုထားပါတယ်။
ပြီးခဲ့တဲ့ နိုဝင်ဘာလ ၅ ရက်နေ့ကလည်း မကွေးမြို့ မြို့တော်ခန်းမမှာ ယင်းတိုင်းအတွင်းရှိ မြို့နယ်/ တိုက်နယ်ဆေးရုံ ဆရာဝန်တွေနဲ့ ကျန်းမာရေးဝန်ထမ်းတွေအတွက် အဆိုပါ တက်ဘလက် အမျိုးအစား ၂၇၀၀ လုံး ပေးအပ်ခဲ့လို့ သိရပါတယ်။
ကိုလင်း(ချောက်)
