လိင်တူ အမျိုးသမီးချင်း လက်ထပ်တဲ့ LGBT မင်္ဂလာဆောင်တခုကို မြန်မာ့ဓလေ့ထုံးတမ်းအစဉ်အလာအတိုင်း ပဲခူးတိုင်းဒေသကြီး  ပြည်မြို့နယ်မှာ မနေ့က ပြုလုပ်သွားပါတယ်။

ပြည်မြို့၊ ဆံတော်ရပ်ကွက်မှာနေထိုင်တဲ့ လိင်စိတ်ခံယူမှု ကွဲပြားသူများ LGBT အဖွဲ့ဝင် မောင်ကိုအေးဟာ လွန်ခဲ့တဲ့ တနှစ်လောက်က ဖေ့စ်ဘွတ်ခ်ပေါ်ကနေ အမျိုးသမီး ငယ်တယောက်ကို ချစ်ကြိုက်မိခဲ့ပြီးတဲ့ နောက်မှာ လက်ထပ်ဖို့ ဆုံးဖြတ်လိုက်ပါတယ်။

ဒီကြားထဲမှာ သူတို့ ၂ ယောက်ခိုးပြေးခဲ့ကြပြီး နောက် မိန်းကလေးရှင်ဘက်က သဘောတူတာကြောင့် မင်္ဂလာဆောင်နိုင်ခဲ့တာလို့ သတို့သား မောင်ကိုအေးကပြောပါတယ်။

သတို့သမီးက အသက် ၁၉ နှစ် အရွယ်၊ သတို့သားက အသက် ၂၅ ပါ။ သူတို့ ၂ ယောက် တသက်လုံးရိုးမြေကျပေါင်းသွားမယ်လို့  ပြည်မြို့နယ်၊ ပန်းတင်ကျေးရွာနေ သတို့သမီး မသီတာလှိုင်က ပြောပါတယ်။

မင်္ဂလာဆောင်ကိုတော့ သတို့သမီးအိမ်ရှိရာ ပန်းတင်ကျေးရွာမှာ နိုဝင်ဘာ ၄ ရက်နေ့မနက်က ကျင်းပခဲ့ပါတယ်။

ဒီမင်္ဂလာပွဲနဲ့ ပတ်သက်လို့  LGBT အခွင့်အရေး ဦးဆောင်လှုပ်ရှားသူတဦးဖြစ်တဲ့ ကိုငြိမ်းက “ပြည်မြို့မှာ ပထမဦးဆုံးလို့ ပြောနိုင်ပြီး အခုလုပ်ဖို့  နှစ်ဘက်မိဘတွေကို တော်တော် စည်းရုံးယူလိုက်ရတယ်”လို့ ပြောပါတယ်။

ဒီမင်္ဂလာဆောင်ပွဲဟာ  လက်မှတ်ထိုးယူတဲ့ ပုံစံမဟုတ်ဘဲ မြန်မာ့ဓလေ့ထုံးတန်းအစဉ်အလာ အတိုင်း ဘိတ်သိပ်မြှောက်ကာ ပတ်ဝန်းကျင်ကို အသိပေးဖိတ်ကြားပြီး ပြုလုပ်ခဲ့တဲ့ ပွဲလည်း ဖြစ်ပါတယ်။