မိုးအဆက်မပြတ်ရွာသွန်းပြီး ရန်ကုန်မှာ ရပ်ကွက်တချို့ရေလျှံတဲ့အတွက် ကလေးနဲ့ သက်ကြီးရွယ်အိုတွေကို ပြောင်းရွှေ့ပေးခဲ့ရတယ်လို့ အစိုးရပြန်ကြားရေးသတင်းမှာ ဖော်ပြပါတယ်။

လေပြင်းတိုက်တာနဲ့အတူ တနင်္ဂနွေညကစပြီး ရွာတဲ့မိုးဟာ အောက်တိုဘာ ၂၂ ရက် မနက်အထိ ရွာခဲ့တာကြောင့် ရန်ကုန်၊ မရမ်းကုန်းမြို့နယ် နေရာတော်တော်များများမှာ ရေကြီးရေလျှံခဲ့တယ်လို့ ဆိုပါတယ်။

အမှတ် ၅ ရပ်ကွက်မှာတော့ အိမ်တွေထဲအထိ ရေဝင်တာကြောင့် ရပ်ကွက်ဓမ္မာရုံမှာ ကယ်ဆယ်ရေး စခန်းဖွင့်ထားရတယ်လို့ ရွှေရောင်သမိုင်း အရေးပေါ်ကယ်ဆယ်ရေးနဲ့ လူမှု အထောက်အကူပြု ဖွံ့ဖြိုးရေးအသင်း ဥက္ကဋ္ဌက ပြောပါတယ်။

ကားလမ်းတွေပေါ်မှာ ရေလျှံပြီး ဖြတ်မောင်းတဲ့ ကားတချို့မောင်းမရဖြစ်လို့ လမ်းတွေလည်း ပိတ်ဆို့ခဲ့တယ်လို့ အစိုးရ သတင်းမှာ ဖော်ပြထားပါတယ်။

ဓာတ်ပုံ -MOI